Ditzionàriu in línia
de sa limba e de sa cultura sarda

imbalaucàre , vrb Definitzione pigare a trampa, a ingannia Sinònimos e contràrios abbovai, abbuvonare, coglionai, imbovai, imbreculai, improsae, incapiare, ingiomare Ètimu srd. Tradutziones Frantzesu embobiner Ingresu to trick Ispagnolu engatusar, embelecar Italianu abbindolare Tedescu betrügen.

imbalcàda , nf: imbarcada Definitzione su imbarcare Sinònimos e contràrios imbalcu Ètimu srd.

imbalcàre , vrb: imbarcai, imbarcare Definitzione artzare e tzucare in barca, in nave, pònnere o carrigare in sa nave (o fintzes in aeroplanu): si narat fintzes in su sensu de mancare a ora o a tempus meda, coment’e chi unu siat tzucau in nave, a logu atesu; atrotigare a bisura de barca, nau de cosa lada (o chi iat a dèpere istare lada) Sinònimos e contràrios allachedhare, alletiaisí | ctr. irbarcare Frases a it'ora azis imbarcadu? ◊ in su portu de Sant'Antiogu imbarcaiant su carbone de Carbónia 2. za coito a torrare, no mi so mancu imbarchendhe, no! ◊ e a ue mi est dadu cussu: imbarcadu s'est, chi mancat da'ora?! Ètimu itl. Tradutziones Frantzesu embarquer Ingresu to take aboard Ispagnolu embarcar Italianu imbarcare Tedescu einschiffen.

imbàlcu , nm: imbarcu Definitzione su imbarcare, logu e ora chi s’imbarcat Sinònimos e contràrios imbarcamentu | ctr. ibbarcu Tradutziones Frantzesu embarquement Ingresu embarkation Ispagnolu embarque Italianu imbarco Tedescu Einschiffung.

imbalèschere, imbalèsciri , vrb Definitzione peorare, essire peus, prus malu, prus grave Sinònimos e contràrios immalèsciri Frases aperzo sas ventanas a sas chertas eternas, ma núdrico in s'ospile imbaléschiu de anneos ◊ no acudis a sanai ca su mali est imbalésciu (L.Aresu)◊ s'assíchidu no depet giumpare sa gióbia poite s'imbaleschet ◊ si fiat infrachia, su mali imbalesciat sempri de prus Ètimu ltn. in vilescere.

imbàlgiu , nm: imbalzu, imbarzu Definitzione cosa de pagu contu chi si papat cun pane tanti po no papare su pane a s’asciuta (a solu), ma fintzes ingaúngiu bonu Sinònimos e contràrios agonzu, incaúngiu Frases mànigas pane duru e calchi bolta pagu e sentza imbalzu ◊ si percutzaiat su mossu de su pane medas bortas chena imbarzu.

imbalididàde, imbalididàdi , nf: invalididade Definitzione su èssere invàlidos, istrupiaos, su no àere sa capacidade física de trebballare, su no èssere sanos o sintzillos deunudotu po calecunu dannu o neghe chi unu at tentu Sinònimos e contràrios marturatzoni Frases at acabbau de fai cussu trabballu de iscraus e immoi pigat sa pentzioni de imbalididadi ◊ su pobidhu dhi at lassau una bella pensioni de invalididadi, est mortu de silicosi Tradutziones Frantzesu invalidité Ingresu invalidity Ispagnolu invalidez Italianu invalidità Tedescu Invalidität.

imbàlidu , agt: invàlidu Definitzione nau de unu, chi no est sintzillu, chi no est sanu deunudotu, chi tenet neghe o fintzes istrúpiu de no pòdere trebballare Sinònimos e contràrios irvàlitu, isente Frases su contichedhu est veru, Antioca fit invàlida abberu ◊ su pobidhu de Giuannichedha fiat invàlidu, dhi mancànt tres didus a dónnia manu (I.Lecca) Ètimu itl. invalido.

imbaligiài, imbaligiàre , vrb Definitzione pònnere sa cosa in valígia, in is valígias.

imballabípius imbalabipíus

imballacài , vrb Definitzione tratènnere su piciochedhu cun giogos, fàere istentare o ibertare a ccn. in debbadas cun promissas de no cumprire Sinònimos e contràrios abbrengulare, ciogare, giochitare, imbalai, ingiogaciai.

imballadòre , agt, nm Definitzione chi o chie imballat o est imballandho (prus che àteru fenu) Frases a mesu de làmpadas fuint arribbaos sos imballadores cun sa màchina po imballare su fenu Ètimu srd.

imballadúra , nf Definitzione su imballare Sinònimos e contràrios imballonzu Ètimu srd.

imballàgiu , nm: imballazu Definitzione totu su chi serbit a mantènnere coment’e imbodhigada firma sa cosa fata a pacu de carrare o de mandhare, a manera chi no si guastet, istet límpia, no si seghet o fintzes solu andhare bene a dha pigare; genia de orrobba téssia lasca impreada po pacos Ètimu itl. imballaggio.

imballài, imballàre, imballàri , vrb Definitzione fàere a ballas s’orrobba, fàere a pacu, acapiare a ballas, mescamente foedhandho de fenu Sinònimos e contràrios abballai Frases cussos mi ant azuau po che imballare sa paza ◊ benit sa pressa pro mi che imballare su fenu.

imballàu , pps, agt Definitzione de imballare; chi est fatu o acapiau a ballas

imballàzu imballàgiu

imballiàre , vrb Sinònimos e contràrios pèldere Frases annotamala de una, ndh'amus imballiadu duas de aguzas (G.Ruju).

imballiàre 1 ibbagliàre

imbàlliu , nm Definitzione css. cosa chi faet istrobbu, chi leat logu o si agatat inue si depet passare o fàere faina, leat logu chi serbit po àteru Sinònimos e contràrios imbargu, imbàrriu Frases cussa cosa l'amus brusiada ca bi la teniaimus a imbàlliu Tradutziones Frantzesu encombrement Ingresu encumbrance Ispagnolu estorbo Italianu ingómbro Tedescu Hindernis.