A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

imbàga , nf Definitzione buidedhu, tretighedhu buidu in mesu de duas cosas; pedrighedha chi dhue andhat bene a tupare o prènnere (fraigandho o pesandho muru) Sinònimos e contràrios baga* 2, cafa, calanca, irganzada / cdh. spirredhu Frases cussas imbagas de su muru cherent tupadas ◊ màniga, chi un'imbaga pro custu biculedhu de cosa za bi lu agatas! Tradutziones Frantzesu fente, fissure Ingresu fissure Ispagnolu hendidura Italianu fessura Tedescu Spalt.

imbagantàre , vrb Definitzione pònnere o istare in sa baga, in tretu buidu, in d-un’apertura Frases cun sa broca imbagantas in su giannile.

imbagassài , vrb Definitzione andhare a féminas, istare sèmpere in crica de féminas, fàere su bagasseri Sinònimos e contràrios bagassai Ètimu srd.

imbagliaméntu , nm Definitzione lughe tropu forte chi tocat a cara e leat o annapat sa vista; su leare o istrobbare sa vista cun lughe tropu forte Sinònimos e contràrios alluinadura, alluinamentu, alluinu, illúghinu Ètimu srd.

imbagliàre ibbagliàre

imbàgliu , nm: ibàlliu, irbàgliu, irbàlliu, irballu, isbàlgiu, sbàgliu Definitzione cosa chi si faet (o chi si narat) in fadhina a su contràriu o diferente de comente depet èssere, de comente andhat bene o de comente si iat a bòllere, po pagu atentzione, ca no s’ischit o fintzes ca no si ammentat bene / èssere in i. = crèiri una cosa candu est un’àtera Sinònimos e contràrios aerru, arràntzia, fadhina, fadhoca Frases chi no fàciu irbàlliu, de cussa maladia a nosu ndi fut morta una craba ◊ malas fainas de sos ómines e imbàglios de sos zuighes ◊ as fatu un'imbàgliu, a torrare! ◊ in cust'iscritu no ant a mancare sos imbàglios ◊ ses in imbàgliu: no est gai comente cres tue Ètimu itl. Tradutziones Frantzesu faute Ingresu error Ispagnolu error, falta Italianu sbàglio Tedescu Fehler.

imbainài , vrb Definitzione pònnere s'arma in sa bàina, in s'istúgiu.

imbainajólu , agt Definitzione nau de ccn., chi foedhat meda, chi cun su foedhare suo che cumbinchet s’àteru a calecuna cosa Sinònimos e contràrios improseri Frases prestu, recui a sa faina, imbainajola: già torrat mamma tua a ti trilliare bene!

imbajanàre , vrb Definitzione su si fàere bagadios, baghianos, giòvonos mannos Sinònimos e contràrios imbajanire Ètimu srd.

imbajaníre , vrb Definitzione su si fàere bagadios, baghianos, giòvonos mannos Sinònimos e contràrios imbajanare Frases ambos frades immannitant, imbajanint e si cójuant Ètimu srd.

imbajocàda , nf Definitzione su imbajocare Ètimu srd.

imbajocài, imbajocàre , vrb Definitzione fàere a bajocu, bogare un’ogu; fascare o tupare unu de is duos ogos Sinònimos e contràrios imbisogai, inciurpai.

imbajoschídu , pps, agt: imbajuschidu Definitzione de imbajoschire; chi est prexau che pasca, cuntentu meda Sinònimos e contràrios allegru, cuntentone | ctr. dispiàchiu Frases su grígliu imbajuschidu, lendhe su bolu a sa tzega, a su nare de su re ch'est atapadu ◊ su coro imbajoschidu ndhe cheret brincare a fora, est fatzelladu! Tradutziones Frantzesu joyeux Ingresu cheerful, overflowing with joy Ispagnolu alegre Italianu ílare, gàio, traboccante di giòia Tedescu fröhlich.

imbajoschíre , vrb Sinònimos e contràrios allegrare Frases cantas boltas ti apo intesu cantendhe, chi imbajoschias donzi ànima trista!

imbajuschídu imbajoschídu

imbalabipíus , nm: imballabipius Definitzione filatéria, murmutu o càntigu po asseliare o istentare is pipios Sinònimos e contràrios imbalaimbala Frases - Ita portais? - Unu crabu mortu! - Chini dh'at mortu? - Su babbu etotu! - Ita dhi at giau? - Unu bòi iscorrau! Ètimu srd. Tradutziones Frantzesu rengaine Ingresu rigmarole Ispagnolu cantinela, canción de cuna Italianu cantilèna, filastròcca Tedescu Kantilene, Kinderreim.

imbalacàu , agt Definitzione nau de ccn., chi no est seguru, est in pentzos, no ischit su de fàere Sinònimos e contràrios arredutosu, dudosu | ctr. securu, tzérrimu Frases in domo no podiaus abbarrare imbalacaos e una decisione tocàt a pigare!

imbalài , vrb Definitzione tratènnere is pipios cun giogos: rfl. istare a giogu che pipios Sinònimos e contràrios abbrengulare, ciogare, giochitare, imballacai, ingiogaciai Ètimu srd. Tradutziones Frantzesu amuser Ingresu to amuse Ispagnolu entretenir Italianu baloccare Tedescu unterhalten.

imbalaimbàla , nm Definitzione murmutu o càntidu po asseliare o istentare is pipios, cantzonedha po is minores Sinònimos e contràrios imbalabipius Ètimu srd.

imbalasiài , vrb Definitzione coment’e imbalaucare etotu, pigare a trampa unu pagu a giogu fintzes in su sensu de tratènnere o istentare a ccn. cun iscusas Sinònimos e contràrios imbalai Frases dèu aspetà cudhu chi m'iat impromítiu libbrus, ma no si bidiat e pentzà ca m’iat imbalasiau ◊ est contandudedhi contos po dh'imbalasiai su sonnu e no si dormiri ◊ apu papau duas figus sicadas po imbalasiai su fàmini Ètimu srd.