A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

lumenàgliu, lumenàlzu lemenàlzu

lumenàre , vrb Definitzione nàrrere o fàere su númene de unu o de ccn. po calecuna cosa, fintzes arregodandhodhu a ispantu; fintzes pònnere su númene Sinònimos e contràrios fontomare, mentovai, nemonai* Frases apo a fàghere una cosa chi in s'universu si at a lumenare! ◊ sa tzia si ndh'est istétia muda e non ndhe li at torrau mancu a lumenare.

lumenàre 1 , vrb Sinònimos e contràrios allugare, allumae, illucherare, illuminai.

lumenàrgiu, lumenàrju, lumenàrzu lemenàlzu

lumenàta lumenàda

lumencrísti , nm Definitzione genia de candheleri a tres candhelas po su sàpadu santu Sinònimos e contràrios cristeri, ristellu 1 Ètimu itl. lumencristi.

lumenderòca , nm: lumerderoca, rumenderoca Definitzione lumen de roca: sorfatu de allumíniu e de potàssiu impreau po conciare is pedhes, fintzes po firmare su sàmbene in is segadas Sinònimos e contràrios limondorroca, menduarroca, numenderoca Ètimu itl. allume di rocca.

lúmene lòmini

lúmene 1 , nm: allúmene, lúmini Definitzione sa parte bianca o abru de s'ou Sinònimos e contràrios abriou, àbriu 1, ciara Ètimu ltn. lumen.

lumenèra , nf Sinònimos e contràrios làmpada, lumera Frases at allutu una lumenera manna.

lumeníntzu , nm: lumininzu Sinònimos e contràrios arrenòmini, fentomu, iscromba, luminzu, mentovu Frases custu chervu lu zuchent a lumininzu ca totus lu càtziant e nemos nanchi lu tenet (M.Gattu Soddu) Ètimu srd.

lumenósu , agt: luminosu Definitzione chi giaet o faet lughe Sinònimos e contràrios giarosu, lucorosu, lugerosu, lugosu | ctr. iscuricosu Frases sunt notes de luna, lumenosas e galanas ◊ sas istellas lumenosas si fint aceradas in chelu Ètimu itl. luminoso.

lumèra , nf Sinònimos e contràrios luche / candhela, làmpana Frases subra de sa tumba pro corrutu, pro chi no mandhet rajos de lumera, bi ant betadu lentolos de lutu ◊ sa lumera de sos istedhos ◊ diamus chèrrere allúghere che àcias veras sos coros nostros pro fàghere lumera ◊ sa lughe no si frimmat, ma sighit a dare lumera ◊ nos illúminat sa lumera de sa fide.

lumerderòca lumenderòca

lumerósu , agt Definitzione chi faet unu númeru mannu, medas Sinònimos e contràrios meda Frases deo apo pesadu famíllia lumerosa: noe fizos mios e unu anzenu puru!

lumèrra , nf Sinònimos e contràrios luchera.

lúmeru , nm Definitzione sinnu chi s'impreat po inditare unu tanti, cantidade, a solu o cun àteros Sinònimos e contràrios cifra, númeru*.

lumía , nf Definitzione limone druche Sinònimos e contràrios limontzianu, perotu Terminologia iscientìfica frt, Citrus aurantifolia Ètimu itl. lumia Tradutziones Frantzesu lime, limette Ingresu lime Ispagnolu lima Italianu limétta Tedescu bittere Orange.

lumiadróxu , nm Sinònimos e contràrios atzendhinu.

lúmina , nf, nm: lúmminu Sinònimos e contràrios óciu Frases est a una lúmina, a unu lúmminu Ètimu ltn. lumen.