A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

lunàgliu , agt: lunàrgiu, lunarju Definitzione chi est a lunas, chi no est sèmpere de su matessi andhare / animale fémina lunàrgia = chi no impróssimat Sinònimos e contràrios éstigu, iltóigu, istóbbile, lonàdigu, nuàdigu Frases no mi bi n'at créschitu, de laore: apo pérditu fadicas e sudores dae atzapare sa terra lunàglia Ètimu ltn. *lunarius.

lunamònta, lunamònte , nf: unolamonta Definitzione giogu chi assimbígiat a barriera (a logos: monta luna): s'ischitit e cussu chi perdet si ponet a ischina incrubada, conca arretirada abbasciada bene (conc'a masellu!), cun is manos in benugos; is cumpàngios dhu depent brinchidare a cambas cantu prus apertas chentza dhu tocare si no cun is manos pagu pagu ponendhosidhas in s'ischina e naendho dónnia borta unu foedhu diferente; ponet asuta sèmpere su matessi fintzes a candho is chi brínchidant arrespetant is régulas de su giogu: su primu chi ibbàlliat ponet asuta Sinònimos e contràrios allenamonte, primmamonta Frases sos pitzinnos de commo no giocant prus a lunamonta Terminologia iscientìfica ggs Ètimu itl. luna + montare.

lunàrgiu lunàgliu

lunàrigu lonàdigu

lunàrju lunàgliu

lunàticu lonàdigu

lunàtzu , agt Definitzione nau de unu, chi no si ponet in ammostu, chi est unu pagu coment'e bregungiosu Sinònimos e contràrios duritadu, duritosu | ctr. carietadu, ibbregungiau Frases iscommitis - narat unu passirillanti - a unu lunatzu fundu de sermentu - chini est prus atentu? Tradutziones Frantzesu qui se dérobe, discret, modeste Ingresu shy Ispagnolu esquivo, huraño Italianu schivo Tedescu spröd, scheu.

lunàu , agt Definitzione chi est fatu a bisura de luna, che luna Ètimu srd.

lúndaras, lúndras , nf Definitzione is primas dóighi dies de cabudanni candho, castiandho su chelu istedhau, si cricat de intzertare ite annada at a fàere Ètimu ltn. calendarium.

lunèra , nf Definitzione sa lughe chi faet sa Luna, lugore de Luna Ètimu srd.

lunèta , nf Definitzione istídhigu de ógiu chi abbarrat a pígiu in su brodu caente; orrodighedha de su fusu de su carru; orrughedhu de làuna coment'e mesa luna chi si ponet in sa sola de is iscarpas, in punta; fintzes una genia de traessa tundha chi si faet a muredhu a inghíriu de una mata in logu de costera Sinònimos e contràrios silla, tidha.

lungària longària

lunghèsa longhèsa

lúngi , vrb: lúngiri Definitzione frigare mescamente ógiu o àteru a calecuna cosa in pitzu / pps. lúngiu, luntu; lungi s'arroda = fàere arregalos po ammodhiare a ccn. Sinònimos e contràrios friai, ludai, úngere Frases aporrimidha una fita de lardu ca mi dhu lúngiu asuba de su pani arridau! ◊ mi at lúngiu is ogus cun d-unu pagu de ludu, mi seu isciacuau e non seu prus itzurpu! ◊ Scuetu ispronat a Cuadhedhu, dhu fait sudai bèni e si lungit de sudori ◊ is sebadas si lungint cun su meli ◊ seu lungendu is botas po dhas alluxentai ◊ tui ses bella isceti a ti lungi is murrus e is ungas! (T.Putzu) Tradutziones Frantzesu étendre, étartiner, enduire Ingresu to spread Ispagnolu untar Italianu spalmare Tedescu streichen, schmieren.

lungidúra , nf Sinònimos e contràrios luntura, unghidura Ètimu srd.

lúngiri lúngi

lúngiu , pps: [lún-gi-u] Definitzione de lúngiri Sinònimos e contràrios luntu, untinadu, untu.

lungufànte longhifànti

lungunésu , agt Definitzione chi est de Lungoni, de Santa Teresa de Cadhura.

lungupànti longhifànti