A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

mastigantzína , nf Definitzione su mastighinzare; in cobertantza, cosas de papare Sinònimos e contràrios màsticu, matziadura, matzialla, matziamentu Ètimu srd.

mastigàre maistài

mastighinzàre , vrb Definitzione segare a matzigadura, comente faent is animales o ferramentas chi segant pagu Ètimu srd.

mastighínzu , nm Definitzione su istare a su màtziga màtziga; moida chi si faet matzigandho; cosa matzigada, segada, a piticu a matzigadura Sinònimos e contràrios màsticu, matziadura, matzialla, matziamentu Ètimu srd. Tradutziones Frantzesu mastication Ingresu chew Ispagnolu masticación Italianu masticatura Tedescu Kauen, Gekaute.

mastighíu , nm Definitzione su istare a su màtziga màtziga Sinònimos e contràrios mastighinzu Ètimu srd.

màstigu màsticu

màstigu 1 màsticu 1

mastinàtzu, mastinàxu , agt Definitzione chi portat gunturia, chi papat meda; nau de petza e de pische, chi est grassu e malu a immartire Frases sa pudheca est crecosa e mastinaxa, ma mi dha domu a prexeri! (G.Cadeddu)

mastínu , nm Definitzione prus che àteru si narat in cobertantza po su margiane Sinònimos e contràrios cane, grodhe, magliane Sambenados e Provèrbios smb: Mastinu, Mastino Ètimu itl. mastino.

mastítzu , nm Definitzione is alimentos comente dhos digirit s'istògomo, aprontaos de dhos sighire a immartire e apustis suspire is istentinas Sinònimos e contràrios mastúgliu Ètimu srd. Tradutziones Frantzesu chyme Ingresu chyme Ispagnolu quimo Italianu chimo Tedescu Chymus.

màstra maísta

mastràca, mastràcula , nf: matraca, matràcula, metràcula, mitràcula Definitzione tauledha de linna (nughe, crecu, castàngia) larga unos 15 o 20 cm., longa 25 o 30, grussa che unu pistalardu, cun d-una segada a sa parte curtza de pòdere intrare una manu a dha pigare: a parte e àtera portat unu ferru a U (ma unu pagu a bisura de asa), fissau in mesu cun duos craos a lóriga, líbberu de girare (podet fàere unu mesu giru in sensu orizontale) e iscudet a sa tàula comente sa manu dha fúrriat a cropu, faendho deasi duos tzàcurros impare: si sonat in chida santa a su postu de is campanas; dhue ndh'at de àtera genia chi portant orrugos de tàula etotu po tzacurrare, poderaos impare cun cordiola grussa / matraca a furchidha = àtera zenia de matraca Sinònimos e contràrios matràcadha / strócula, tràcula Maneras de nàrrere csn: pàrrere una m. (nadu de unu) = chi est sempri fuedhendi; imbentare una matraca = brulla, bogare ispediente Frases li faghet andhare su coro che mastràcula de pasca ◊ a poderiu intrat in su coro sonèndhemi campana o matraca (G.Ruju)◊ a chenàbura santa sonant sas matràculas ◊ as matràculas fut a dhas sonare in cenabra santa ◊ candu fiat citia sa campana, sa gióbia santa, sonànt is matracas 2. pitzinna bella, tessindhe cun colpos de matràcula e s'ispola 3. po no torrare in palas dae sa sua, abiat imbentau una matraca Terminologia iscientìfica sjl Ètimu ctl., spn. Tradutziones Frantzesu crécelle Ingresu clapper Ispagnolu matraca Italianu bàttola Tedescu Schnarre.

mastrédhu , nm Definitzione sa pedra acanta a ue si brillat su dinare giogandho a s'àlciu.

mastrepànnu , nm Definitzione maistu de pannu, maistu chi faet bestimentos Sinònimos e contràrios festadore, sartu 1, traperi Terminologia iscientìfica prf Ètimu srd.

mastricàre maistài

mastringànnu , nm Definitzione maistu de ingannu, genia de mostru, prus che àteru su dimóniu Sinònimos e contràrios demóniu, mascangannu Frases tue depes èssere parente de su Mastringannu: donzi intantu isparis e aparis che bentu! Ètimu srd.

mastrínu, màstrinu , agt Definitzione nau de òpera, de trebballu, chi dh'at fatu unu maistru, cun arte, bene, chi est fatu a manu, chi no est fatu in fàbbrica, a màchina Frases maigantos malàidos faghent meighinas màstrinas chi medas bias faghent piús bene de tzertos remédios de sos físicos ◊ fit un'imbreachera màstrina cussertata in su tzilleri ◊ medas si allogaiant pro una paja de iscarpones mastrinos ◊ custa mobbília est mastrina Ètimu srd. Tradutziones Frantzesu magistral, artisanal Ingresu masterly, artisan Ispagnolu magistral, artesanal Italianu magistrale, artigianale Tedescu meisterhaft, handwerklich.

mastrolàre , vrb Definitzione treballare de maistu (de linna), trebballare sa linna Frases so abbarradu mastrolandhe cun su Santugristos, ma sas farramentas mi tremiant in manos.

màstru maístru

màstru 1 maístru 1