pigadòrza , nf Definitzione logu largu e longu, mescamente un'orruga, in pesada, chi faet andhandho e inartandho Sinònimos e contràrios alciada, altzadòglia, ampuada, ficada, muntada, picada, pugiada, pontinsusu | ctr. cabada, falada Frases sa carrela sua est una pigadorza mala: pro zente antziana betat pore! Ètimu srd.
pigadórzu , nm Definitzione logu istrintu e curtzu, su tanti chi bastat po passare ccn., in pesada Sinònimos e contràrios artiadorju Ètimu srd.
pigadróxu picadórzu
pigàdu , pps Definitzione de pigare 1 Sinònimos e contràrios artziau | ctr. abasciau, calau, faladu.
pigadúra , nf Definitzione su artzare, su andhare a in artu Sinònimos e contràrios altzadura Ètimu srd.
pigàe, pigài picàre
pigài 1 , vrb: pigare Definitzione
andhare a in artu, apitzu: si narat fintzes de s'erba chi naschit, essit e creschet; ingòllere o portare a in artu, apitzu / aus. èssere, àere
Sinònimos e contràrios
acadhai,
alciare,
ampiai,
apicai,
apilicare,
apugiai
| ctr.
calai,
falare
Frases
isse deviat pigare a bidha ue lu fint aisetendhe ◊ su zàganu est pighendhe a campanile a sonare sas campanas ◊ so falendhe a zosso a pigare linna a su fogu ◊ no pighes a su muru, no che ruas! ◊ su late, su brou, s'abba in sa padedha si che pigat si lu faghes budhire a fogu càdriu ◊ su gafè est pigadu ◊ cras pigamus a Montes de Artu
2.
erba ocannu ndh'at pigadu meda ◊ apo fatu s'arzoledha ma depiat èssere sèmene malu ca no bi ndh'at pigadu ◊ betabbila acurtzu, cuss'abba, a s'arburedha, ca sinono no ndhe li pigat!
3.
candho teniat tréighi annos babbu mi che at pigadu a montes ◊ pígache custa cosa a subra!
Ètimu
ltn.
picare
Tradutziones
Frantzesu
monter
Ingresu
to rise
Ispagnolu
subir
Italianu
salire
Tedescu
hinaufgehen,
hinaufsteigen,
heraufkommen,
heraufsteigen,
steigen.
pigalàti , nm Sinònimos e contràrios arrúbbia, atzotalimba, batalimba, ciorisedha, colalati, ratalimba, rúgia Terminologia iscientìfica rba, Rubia peregrina Ètimu srd.
pigaméntu , nm Definitzione su pigare, ingòllere o apicigare calecunu male Sinònimos e contràrios leada, picada 2 / liamentu | ctr. lassada 2. a su pipiu dhi ant fatu pigamentu de ogu, su s'èssi ammaladiau de aici Ètimu srd.
pigàra picàda
pigàre pigài 1
pigàre 1, pigàri picàre
pigatzòla , nf Definitzione tretu piticu de unu logu chi faet andhandho e pesandho prus a in artu, pesadedha Sinònimos e contràrios alciada, altzadòglia, picada, pontinsusu | ctr. cabada, falada Frases at fatu una pigatzola e arrivada est a su cucurinu de su montrigu (E.Pes) Ètimu srd.
pigàu picàu
píge píche
pigéri , agt Sinònimos e contràrios pigineri, pizàdile, spitzecosu, taschedhosu Ètimu srd.
píghe píche
pighédhu , nm: obighedhu Definitzione genia de arretza pitica po piscare.
pighefàla , avb Definitzione istare a su p. = artziendi e calendi Sinònimos e contràrios alcialivala, ampuecala.
pighèra , nf Frases s'intendhet dogni tantu de sa pighera s'amàbbile cantu (A.Casula) Terminologia iscientìfica pzn.