A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

pedruschèdha pedrischèdha

pedruschédhula pedrischédhula

pedrusèmene, pedrusèmi, pedrusèmini , nm: peldusèmene, perdusèmine, perdusèmini, predusèmene, petrusèmene Definitzione genia de erba chi si sèmenat po dh'impreare in coghina a cundhire in is papares: in sa chima chi bogat faet unu frore ispratu coment'e a paracu che a su chi faet su fenugu Sinònimos e contràrios padrusímula Frases faent su pudhu prenu de petza mólia, oso, pane tratagasau, azu, perdusèmene, lardu pistau e matzàmene de su pudhu etou Terminologia iscientìfica rbzc, Petroselinum crispum Ètimu ltn., srd. petroselinum + sèmene Tradutziones Frantzesu persil Ingresu parsley Ispagnolu perejil Italianu prezzèmolo Tedescu Petersilie.

pedrusímbulu, pedrusímula, pedrusímulu padrusímula

pedruvà, pedruvàba, pedruvàe , nm: perdivà, perduvà, perduvaba, predufava, preduvae Definitzione genia de bobboitedhu niedhudu (upm) chi ponet mescamente a sa fae e a su prisuche chistios sicaos e dhos istampat, deasi comente un'àtera genia prus pitica ponet a su trigu Sinònimos e contràrios bobboivada, facioni 1, perdubisedhu, stevedau Frases in sa fae bi apo àpidu duos pedruvaes ◊ su pedruvae dhue fut a nue e ispitzulandho pariat muschitu! Terminologia iscientìfica crp, laria pisorum, spermophagus subfasciatus Ètimu srd. Tradutziones Frantzesu charançon Ingresu weevil Ispagnolu escarabajo de las legumbres, gorgojo Italianu tónchio Tedescu Samenkäfer.

pedruvèghe , nm: perduveghe, perduvexi, petruveghe Definitzione genia de erba chi assimbígiat a su pabarantzolu e po cussu dhi narant puru cagarantzu areste, molentinu, cocoininni burdu e no est de papare: su sèmene chi faet praghet meda a is cardaneras e po cussu dhi narant erba de cardaneras, de cardedhinas Sinònimos e contràrios cagliuga, concuda 3 Frases in cussu terrinu petzi bi faghet pedruveghe e pigulosa Terminologia iscientìfica rba, Senecio vulgaris Ètimu srd. Tradutziones Frantzesu séneçon Ingresu groundsel Ispagnolu hierba cana Italianu èrba calderina Tedescu gemeines Kreuzkraut.

pedruvèghe 1 , nm Sinònimos e contràrios pedruvà Terminologia iscientìfica crp.

pédu , nm Definitzione cannas de bide acapiadas impare in d-unu frucàgiu Ètimu ltn. pedum.

pedúdu , agt: peudu Definitzione chi portat peis mannos Sinònimos e contràrios peillone Ètimu srd.

pedugliànu , agt, nm: pedulianu Definitzione chi o chie andhat a pedire, pòberu chi campat de alemúsina; fintzes unu chi acostumat a pedire, a istare a su pedi pedi Sinònimos e contràrios dimandanti, dimandhajolu, dimandhone, mindigheri, pedidore, pedulache, peduleu, peduncheu, pidore / pedixolu Frases istórias, cantones fit bendhendhe unu pedulianu istropiadu ◊ est totu male bestidu paret unu pedulianu ◊ sunt a briga che pedulianos in loza Ètimu srd. Tradutziones Frantzesu mendiant Ingresu mendicant Ispagnolu mendigo, pordiosero, limosnero Italianu accattóne, mendicante Tedescu Bettler.

peduína , nf: pedunia Definitzione su pedire, crica de dinare, su pedire po àtere, po agiudu a ccn. Sinònimos e contràrios busca, pedimenta, pedulia Frases seu sempri a pedunia cun tui! Ètimu srd.

pédula , nf Sinònimos e contràrios caciola, sabbata.

pedulacàre vrb Definitzione fàere su pedulache, istare a su pedi pedi, fintzes chentza bisóngiu Sinònimos e contràrios pedie, peduncai Frases est arrumbau pedulacandhe finas a candho li apo dau su chi no cherio Ètimu srd.

pedulàche , nm Definitzione chie costumat a pedire, fintzes chentza bisóngiu, solu po s'idea de pedire Sinònimos e contràrios mindigheri, pedidore, pedulianu, pidore, rechintosu Ètimu srd.

pedulachía , nf Definitzione su istare pedindho, s'abbitúdine a pedire Sinònimos e contràrios pedidoria Ètimu srd.

pedúle , nm Definitzione chie andhat a pedire, chie campat pedindho Sinònimos e contràrios pedidore, pedulianu, peduncheu, pidore Ètimu srd.

pédule , nm Definitzione iscarpa de pedhe crua Ètimu ltn. pedule.

pedúle 1 , nm Definitzione su pei de sa mígia; fintzes s'oru de bàsciu de is pantalones.

peduléu , nm: penduleu Definitzione chie andhat a pedire, pòberu chi cricat alemúsina Sinònimos e contràrios dimandanti, dimandhone, mendhicu, pedidore, pedulianu, pidore Frases po comenti furint malatrossaus pariant duus peduleus Ètimu srd.

pedulía , nf: pidulia Definitzione su pedire (fintzes ponidura); poberesa manna, mischinidade Sinònimos e contràrios pedimenta, peduina Frases sos custrintos e sos amicos de su malassortau essint a dimandhare sa ponidura o pedulia ◊ ant cumbinau sa pidulia de sos botos chi li bisonzabant a nche lu sèdere in sa cadira de Castedhu 2. su colore de sa pedhe pariat prus iscuru de su grogore de s'arbéschia chi iscuzicabat sas pedulias chi ammorgodhabant sa domo ◊ bella paca mi torras: apustis chi ti nche apo colau mi gàrrigas de pidulia! Ètimu srd.