A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

supujàre subuzàre

supullíre , vrb Definitzione coment'e pònnere asuta de terra, carragiare; in cobertantza fintzes papare cun allurpidura, cun asuria Sinònimos e contràrios carragliare, interrai Frases at supullidu su mundhu intreu suta de unu dilúviu de baranta dies e baranta notes 2. una pòvera mama supullida de dolore, posta in rughes da'Erodes prontos semper a bochire (C.Meridha)◊ su coro de su pulíticu totu si che supullit e, si pro pagu l'ingullit, digirit fenas su ferru 3. in pagas paliadas de limba che finit su brou, ndhe leat su piatu a su cumpanzu e in pagos minutos che supullit totu.

supurài, supuràre , vrb Definitzione nau de segadas o friaduras, fàere o bogare matéria.

supurasciòne , nf Definitzione su martzire, su si fàere a matéria, regollimentu de matéria, cosa pudrigada Sinònimos e contràrios martzidura, impostemadura Frases sa ferida l'est andhada in supurascione.

supúrcu seprúcu

supúrva , nf Sinònimos e contràrios sorba, suerva, supelva*, trueba Terminologia iscientìfica mtr, Sorbus domestica.

supuzàda , nf: supuzata Definitzione su supuzare; mescamente est su ndhe pesare su bestiàmene aintru de note in istade po pàschere a sa friscura Sinònimos e contràrios salarzada, suguzada, zagarada / morigadorzu, suguzadorza Frases penso e mi ammento canno, terachedhu pastore in supuzada, lezia a lughe de luna (Gn.Cosseddu) Ètimu srd.

supuzadòre , agt, nm Sinònimos e contràrios insulladori, mintevogu, piliseri, supuzeri Frases cussos sunt demónios supuzadores pro fàghere male!

supuzàre subuzàre

supuzàta supuzàda

supuzéri , agt, nm Definitzione chie acostumat a pònnere supuzu, tréulu, avolotu Sinònimos e contràrios insulladori, piliseri, sumbulladori, trebuleri Ètimu srd. Tradutziones Frantzesu tumultueux Ingresu disturber Ispagnolu perturbador Italianu perturbatóre, turbolènto Tedescu Störer.

supúzu subúzu

súra súba

surabbéllu sulabbéllu

suradòre , nm Definitzione chie medit o tenet s'impreu de medire, nau mescamente de chie medit terrenos Sinònimos e contràrios mesuradore Ètimu srd. Tradutziones Frantzesu arpenteur Ingresu landsurveyor Ispagnolu agrimensor Italianu agrimensóre Tedescu Landmesser.

suràre suài

súrba súa 2

surbàche , agt Definitzione nau de animaledhu o bobboi, chi surbat, chi costumat a surbare Ètimu srd.

surbadòre , nm: survadore Sinònimos e contràrios suaroi, sulafocu, surbavogu 2. lea su survadore… e surva inue at piotu granzolas de dolore e de fele! Ètimu srd.

surbadúra , nf: survadura Definitzione genia de bobboi de tantas calidades, totu farrancas (bàtoro paja), su chi faet su naparangiolu; genia de bobboi chi punghet, velenosu; maladia chi benit a titas a is bacas; puntura de bobbois / surbadura varza = itl. védova néra (latrodectus tredecim-guttatus) Sinònimos e contràrios aragnolu, arràngiu 2, babbauda, cantupiludu, francadossu, mariavarranca, muldidori Frases pro sa surbadura lis naraiant sos berbos: Sa limba si li sichet, su coro li trapasset, sa buca li apabasset! ◊ s’isperrada fut gai manna chi mancu cun su tadharanu de sa survaura rúvia fuo istétiu sanau Terminologia iscientìfica crp Ètimu srd. Tradutziones Frantzesu araignée Ingresu spider Ispagnolu araña Italianu ragno Tedescu Spinne.