A | B | C | D | E | F | G | H | I | J | L | M | N | O | P | R | S | T | TZ | U | V | X | Z

sacàja 1 , nf, nm: sacàju 1 Definitzione genia de tzintzigorru; catarru, isprugadura de prumones chi s'ispudat, serca Sinònimos e contràrios babbacorra, barbodha, barracorru, croca, gioga, sicigorru / carràschiu, seca 2. li gheto unu sacaju chi pariat sa frana de Longarone!…◊ putzi, arratza de sacaja chi at iscatarrau!

sacajàle , agt Definitzione nau a disprétziu de persona metzana, prus che àteru ca est avesa a furare calecunu pegus Sinònimos e contràrios catanzu, tascaresu, trebiali, truntzedheri Ètimu srd.

sacajàre , vrb Definitzione furare sacajos, furare angiones Frases ello tue puru ses imparenne a sacajare, oh?! Ètimu srd.

sacajàre 1 , vrb Sinònimos e contràrios carraschiare, iscarraschiare, iscupiri, sercai*, taraxiai.

sacajàrzu , nm Sinònimos e contràrios sacajale Ètimu srd.

sacàju sacàgiu

sacàju 1 sacàja 1

sacapàne , nm Sinònimos e contràrios tascapane Frases si poniat unu paju de covatzas e unu bículu de regotu in sacapane e che giughiat sas crabas a su monte.

sacaría , nf: sacheria Definitzione sacos, muntone o cabidhada de sacos (de binti a binti chimbe, a logos oto) Sinònimos e contràrios sachera Frases is tzeracus poniant su trigu in sacarias, in s'arxola Ètimu srd.

sacàrru , nm: assacarru* Definitzione totu su chi podet serbire po ammontu, fintzes terra (foedhandho de cosa prantada) Sinònimos e contràrios acavannu, coguzu, cubutóngiu, cucutzura, cugutzóngiu, cuzicura.

sacàu sacàgiu

sacèdha , nf Definitzione genia de sacu, piticu o fintzes mannu, de tela Sinònimos e contràrios sacheta, sacu Frases is sacedhas de sa ciúrfua dhas isciacuastis e dhas imperastis po àtera cosa ◊ is ambus, pustis inforraus, dhus allogastis in d-una sacedha ◊ sa pasta de is tzípulas si ponit in sa sacedha po ghetai a s'ollu Terminologia iscientìfica stz.

sacédhu , nm: sarcedhu Definitzione marcu druchesau de pistadura, in sa carre, fintzes singiale, ispertiada chi abbarrat de unu cropu Sinònimos e contràrios marchedhu, pistadura Frases portu unu sarcedhu in su bratzu comenti mi ant puntu po pigai su sànguni ◊ e poita ses totu a sacedhus? ◊ una passara de funi a is cambas… si lassànt fintzas su sarcedhu Sambenados e Provèrbios smb: Sacceddu Tradutziones Frantzesu blême, bleu Ingresu bruise Ispagnolu cardenal Italianu lìvido Tedescu Strieme.

sacerdótziu , nm: satzeldótziu Definitzione su ministériu de is preides.

sachedhàda , nf Definitzione su sachedhare; móvia a forte, a corpu Sinònimos e contràrios acinnicada, assachítidu, ghirghidhada, irghinitada, iscollizada, iscutinada, saculada, saidada, saigada, scianchitu / cdh. trinicata Frases custu postale andhat totu a sachedhadas ca s'istrada est totu a fossos Ètimu srd. Tradutziones Frantzesu ballottement, cahotage Ingresu shake Ispagnolu sacudida Italianu trabalzóne, scossóne, scrollata Tedescu heftiger Stoß, heftiger Ruck.

sachedhadúra , nf Definitzione su sachedhare Sinònimos e contràrios acinnicu, saculadura, sciaculamentu Frases cantu est niedha sa mura, chi tinghet finas su pannu… sas bajanas de ocannu ballant a sachedhadura! ◊ si la leas a sachedhadura, cussa cosa la perdes in caminu Ètimu srd. Tradutziones Frantzesu secouement Ingresu shaking Ispagnolu sacudimiento, sacudida Italianu scuotiménto Tedescu Schütteln.

sachedhàre , vrb: assachedhare Definitzione mòvere o pigare a iscutuladura, a cropu, a tremidura forte, nau fintzes de unu po s'arrennegu Sinònimos e contràrios assachitai, assucare, ghirghidhare, irghinitare, iscutuai, issucare, saculare, saidare, sansiae, sucariare Frases apo bidu su bolu de sas columbas, seghendhe s'aera frimma, sachedhendhe sas alas ◊ sa cosa in s'isterzu, segundhu it'est, cheret sachedhada ca afallat e bi ndhe cabet de prus ◊ si sachedhas s'àrbure, sa pira ndhe ruet Ètimu srd. Tradutziones Frantzesu secouer, locher Ingresu to shake Ispagnolu sacudir Italianu scuòtere Tedescu schütteln.

sachedhónzu , nm Definitzione su sachedhare Sinònimos e contràrios acinnicu, assachítidu, sàinu, sciaculamentu, trinnighinzu Frases ndhe faghet de sachedhonzu, sa màchina, in custos caminos totu fossos, si no colat abbellu!… Ètimu srd. Tradutziones Frantzesu secouement Ingresu jerking Ispagnolu sacudimiento Italianu scuotiménto Tedescu Schütteln.

sachedhósu , agt: tzachedhosu* Definitzione nau de unu, chi luego si ofendhet po dónnia cosa, chi no aguantat brullas Sinònimos e contràrios arrennegaditu, primmósigu, tzacosu Frases est sachedhosa chi ègua de preri Ètimu srd.

sachèra , nf Definitzione unu tanti de sacos Sinònimos e contràrios sacaria.