A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

trupía , agt Definitzione nau de ccn., chi est de manu istrinta, arrestigu, chi no giaet Sinònimos e contràrios limidu, susuncu Frases fit unu bonu ómine, abbistu in sa siendha, ma unu paghighedhu trupia in s'interessu, no lassaiat cúrrere unu citu pro contu fatu perunu.

trupiàda , nf Definitzione su trupiare Sinònimos e contràrios afissa, multa Ètimu srd. Tradutziones Frantzesu pressage, action de presser, d'essorer Ingresu squeeze Ispagnolu prensado Italianu strizzata, spremuta Tedescu Auswringen.

trupiàre tilpiàre

trupíglia , nf Definitzione andhare a t. = itl. in órdine sparso, a cambarada ma ispartzinada, a pagos a pagos Sinònimos e contràrios fiotu, tropa, truma.

trúpu , agt, nm: (su t. = sutrúpu sutúrpu) ciurpu, surpu, turpu, tzulpu Definitzione chi o chie no biet, chi dhi mancat sa vista, a bortas fintzes nau in su sensu chi no cumprendhet, no biet su male chi faet Sinònimos e contràrios cegu, insurpu, ispereladu Frases ca ti agatas trupa, cudha chi allatat sa lupa ses tue! (A.Manunta)◊ est turpu, mudu e surdu ◊ sos potentes, turpos che Sansone, cóntigas sunt chirchendhe a semenare lua e fogu (G.A.Salis)◊ sos turpos andhant a parpas a dedie ◊ cudhu animale est betzu, turpu e irdentau Ètimu ltn. turpis, -e.

trupútu trabútzu

trúru trúgliu

trúsa , nf Definitzione sa faciola de carrasegare; fintzes fémina mala, chi faet sa bagassa 2. cussu si che at birbantadu su dinari fatu de sas trusas!

trusàda , nf Definitzione su trusare Sinònimos e contràrios carotada, mascarada Frases custu già si cheret nadu trusada de carrasegare!… Ètimu srd. Tradutziones Frantzesu mascarade Ingresu masquerade Ispagnolu mascarada Italianu mascherata Tedescu Maskerade.

trusàre , vrb Definitzione pònnere sa trusa, essire afaciolaos Sinònimos e contràrios mascarare | ctr. iscaratzare Frases a carrasegare sunt dies de trusare ◊ a carrasegare sa pisedhina s'istràviat gioghendhe, a bias trusada ◊ posca de sos impostos, a su secuestradu comintzeint a lu trusare ◊ a carrasegare isse si trusaiat sempre Tradutziones Frantzesu se déguiser Ingresu to put on a mask Ispagnolu disfrazarse Italianu mascherarsi Tedescu sich verkleiden.

trúsciu , nm Definitzione erba bona po tínghere s'obrache: trobiscu? (= truvúsciu).

trússa , nf Definitzione próina manna, iscutulada o istrossa de abba, cropu forte de abba / pròiri a trussas = a istrugalada, a nues Sinònimos e contràrios abbísciu, istrugalada, istrúgulu Frases comente ant gherradu su sàmbene curriat a trussas Terminologia iscientìfica tpm Ètimu itl. troscia Tradutziones Frantzesu averse Ingresu on one's back Ispagnolu chaparrón Italianu rovescióne Tedescu Regenschauer.

trussài truessài

trussúdu , agt Definitzione nau de ccn., chi de carena est unu pagu grussu Sinònimos e contràrios introssiu.

trustugliàre , vrb Definitzione atzitzare, istrobbare.

trustúgliu , nm Definitzione incidu, istrobbu.

trustúlla, trustúllu , nf, nm Definitzione gioghitu, pipia de tzàpulos, de canna o de tàula, po su giogu de is pipios Sinònimos e contràrios mustagione, pupone 2. mi at contau su contu de unu trustullu addominau in cussu saltu.

trúsu , nm Definitzione chie est bestiu coment'e in carrasegare, persona mascarandho; si narat fintzes coment'e pps. po trusadu Sinònimos e contràrios màscara Frases sunt bestidos de istratzos parent trusos ◊ pro èssere veru trusu, postu si at in piusu subra de sa caratza unu fachile (Limbudu)◊ che trusos de carrasegare, chie bestit bene e chie male 2. fateit paritzas fotografias a frade meu trusu Tradutziones Frantzesu masque Ingresu mask Ispagnolu máscara, disfraz Italianu màschera Tedescu Maske.

trusulàda , nf Definitzione su trusulare / dare una t. a su locu = giare un'illimpiada lestra, fata male Frases s'at dau una trusulada a cara e tucau est.

trusuladòre , nm Definitzione chie faet is cosas in manera pagu precisa.