A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

tzurrósu , agt Definitzione nau de ccn., chi pentzat solu a fémina, a su tzurru Sinònimos e contràrios ampuadore, budheri, coallutu, culeri, pissineri Frases cussu est tzurrosu peus de mandrillu (E.A.Bernardini) Ètimu srd.

tzurruàre tzurrài

tzurruígu tzorroíga

tzurrulía tzirolía

tzurruliòta , nf Definitzione un'arratza de curruliu Sinònimos e contràrios currulioti Terminologia iscientìfica pzn, numenius tenuirostris Ètimu srd. Tradutziones Frantzesu courlis Ingresu whimbrel Ispagnolu zarapito fino Italianu chiurlottèllo Tedescu Dünnschabel-Brachvogel.

tzurruliotédhu , nm: tzuruliotedhu Definitzione un'arratza de tzurruliu Terminologia iscientìfica pzn, actitis hypoleucos Ètimu srd.

tzurruliòtu , nm Definitzione unu de is tzurrulios Frases mancai siat lestru su tzurruliotu, in sa de otu ndi dh'apu a calai! Terminologia iscientìfica pzn.

tzurrulíu , nm: tzurrullinu, tzurrulliu Definitzione númene chi si giaet a genias o arratzas diferentes de pigione: tz. peis arrúbius, tres genias de pigione (crucugioni, itl. pettégola, tringa totanus; un'àteru, itl. tòtano mòro, tringa erythropus; un'àteru ancora, itl. beccàccia di mare, haematopus ostralegus); tz. bicu grussu (nms tringa nebularia); tz. conca de molenti = itl. fratino (charadrius alexandrinus); tz. culu biancu (nms tringa ochropus); tz. imperiali = s'arratza prus manna de curruliu (numenius arquata); tz. peis grogus, itl. corrière gròsso (charadrius hiaticula); tz. peis longus, itl. cavalière d'Itàlia (himantopus himantopus, pigione mannu a bicu longu meda e mescamente cun cambas longas longas, orrúbias e fines, alas niedhas, niedhu in gatzile e in cúcuru, totu s'àteru biancu)/ ungra, franca, de tz. = peónica o arrosa de padenti, de monti (Paeonia officinalis) Frases isturrus e crucueus e tzurrullinus e caus a bóllidu pesaus dhu pesant in panteus (S.Baldino)◊ fuiant a brenti a terra finas is tzurrullius ◊ cucummeus e carrogas si teniant a bixinus cun tzoncas e tzurrullinus Sambenados e Provèrbios smb: Zurruliu Terminologia iscientìfica pzn Ètimu srd. Tradutziones Frantzesu courlis Ingresu whaup Ispagnolu zarapito, sarapico Italianu chiurlo Tedescu großer Brachvogel.

tzurrullédhu , nm Definitzione pilloni annapau, de noti, de su tiàulu o sóriche càmpinu o pinnàdigu, su tzuntzurredhu, genia de animaledhu múrinu chi essit solu a denote (no biet in sa lughe): assimbígiat unu pagu a is pigiones ca portat coment'e alas e andhat a bolu, ma est unu mammíferu e faet su fedu che custos Sinònimos e contràrios alaepedhe, arratapignata, cincidedhu, satzamurredhu, terriolubedhe, tzurrullu.

tzurrullínu, tzurrullíu tzurrulíu

tzurrúllu , nm Sinònimos e contràrios alaepedhe, tzurrulledhu.

tzurrúmbu , nm Definitzione pauria manna, timéntzia chi si provat de un'improntu, a s'ingrundha Sinònimos e contràrios acíchidu, asciuconu, assicu, assúmbridu, assústidu, isprama Tradutziones Frantzesu peur soudaine Ingresu fright Ispagnolu susto Italianu spavènto, paura violènta e improvvisa Tedescu Schreck.

tzurrúmpis , nm Definitzione a logos, formiga pitichedha Terminologia iscientìfica crp Ètimu srdn.

tzurrunchiàre , vrb Definitzione fàere tzúnchios, istare a tzúnchios (fintzes po cosa chi praghet) Sinònimos e contràrios tunchiare Ètimu srd.

tzurrúnchiu , nm Sinònimos e contràrios ciúnchiu, ghémida, intzúnchidu, píliu, tzúnchiru Ètimu srd.

tzurruncròne , nm Definitzione greme longu longu chi faet asuta de terra Sinònimos e contràrios atalingone, atulíngia, sitziringoni, tilingione, tzilingu, tzirinoni, tzuluncone Frases su sirvone bórtulat sa terra chircanne tzurruncrones ◊ istaiat vortulanne chin sa tzapa unu cantu de terra che unu tzurruncrone Terminologia iscientìfica crp Ètimu srd.

tzurrundédhu , nm: itzurrundedhu Definitzione pilloni annapau, de noti, de su tiàulu o sóriche càmpinu o pinnàdigu, genia de animaledhu múrinu chi essit solu a denote (no biet in sa lughe): assimbígiat unu pagu a is pigiones ca portat una genia de alas e andhat a bolu, ma est unu mammíferu e faet su fedu a sa matessi manera (no criat) Sinònimos e contràrios alaepedhe, arratapignata, cincidedhu, satzamurredhu, terriolubedhe, tzintzurredhu Frases in s'iscuriu fait a cassai tzurrundedhus ◊ fiat giai iscurigau e sa fentana fiat aperigúngia candu bieus intrendi unu tzurrundedhu.

tzurrúndu , nm Sinònimos e contràrios tzurrundedhu Frases creit de biri tzurrundus, tzongas e istrias bolendi, e invecis funt tzuidhias, istoris e rúndinis Ètimu srd.

tzurruvigadúra , nf Definitzione su tzurruvigai Frases is aérius ndi calànt a tzurruvigadura ◊ si nci ghetant a tzurruvigadura Ètimu srd.

tzurruvigài , vrb Definitzione si che betare a modhe in abba grussa a cúcuru ficadu, conca a bàsciu, calare de artu a cúcuru ficadu Sinònimos e contràrios acabussai, arrembulai Frases as a cantai in sa tupa aundi si tzurruvigat su stori ◊ si nci tzurruvigat in s'àcua ◊ is arrocas ndi tzurruvigant de is toneris e de is contras Tradutziones Frantzesu plonger Ingresu to plunge Ispagnolu zambullirse Italianu tuffarsi Tedescu tauchen.