A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

afavaméntu , nm Definition genia de neghe ereditària de un'organísimu, in su sàmbene mescamente de medas Sardos (dhi fartat in parte o deunudotu s'enzima nau G6PDH); su male de sa fae, disturbu de su àere papau fae chi podet bènnere a is chi tenent custa farta: si distruent is gróbbulos orrúbios de su sàmbene Synonyms e antonyms afavadura, afavonzu / cdh. afaamentu Scientific Terminology mld Etymon srd. Translations French favisme English favism Spanish favismo Italian favismo German Fabismus.

afavàre : afaàre

afavàu afavàdu

afavónzu , nm Synonyms e antonyms afaamentu, afavadura Scientific Terminology mld Etymon srd.

afaxàre , vrb Definition àere afaxu, pentzare, immaginare coment'e incantaos Sentences su pesu de totu custu l'intendhiat che crastu mannu subr'a isse e afaxaiat tantu pro andhare, coment'e a fuire (E.Giordano).

afàxu , nf Definition genia de pentzada, su istare pentzandho a is cosas, una genia de ammaju, incantu, ispantu Synonyms e antonyms atraéntzia Sentences sa mannària de s'iscuru, sa mannària de su mare… e isse minoredhu chi fit isfidendhe totu, ite afaxu!…

afeadòre , agt Definition chi faet légiu, feu, chi istrópiat Etymon srd.

afeadúra , nf Synonyms e antonyms afeamentu Etymon srd.

afeài , vrb: afeare Definition fàere a feu, fàere feu fintzes in su sensu de fàere disonore a calecuna cosa, tocare a brutesa; nàrrere cosa a briga, a disprétziu Synonyms e antonyms abbaunzare, abborresci, ghelestiare, grisai 1 / imbratare / briare, certai, disalabai, infeire, irzenzare, menispresiare Sentences est preíderu isse puru, ma acumbessat e afeat sa lege chi l'at fatu a preíderu! 2. totu mi ant afeadu su cantare daghi mi ant bidu chi póveru so Etymon spn. Translations French barbouiller, salir, blâmer English to soil, to blame Spanish afear, ensuciar Italian imbrattare, biasimare German beschmutzen, tadeln.

afeaméntu , nm Definition su afeare Synonyms e antonyms afeadura Etymon srd.

afeàre afeài

afebbràre , vrb: afrebbare Definition pònnere sa callentura, fàere bènnere o pònnere sa callentura Synonyms e antonyms incallenturire, infrebbare Etymon srd.

afebbràu , pps, agt: afrebbadu, afrebbau Definition de afebbrare, afrebbare; chi est tempus meda a callenturas; chi est de animale chi portat callentura Synonyms e antonyms acaenturau, frebbosu, infrebbadu | ctr. irfrebbau 2. custu late no est bonu ca est afrebbadu Translations French fébricitant English feverish Spanish calenturiento Italian febbricitante German fiebernd.

afecàu , agt: afexau Definition nau de ccn., afexiau, chi est pudésciu de feghe, chi at bufau, chi s'imbriagat fatuvatu Synonyms e antonyms afegonadu, fegone, imbreacone 2. mancai siast afexau biu ca de sa funtana passas atesu! Scientific Terminology ntl Etymon srd.

afedài, afedàre , vrb: fedare* Definition fàere fedu, fígios; pesare animales a séberu; foedhandho de animales, fintzes betare su fedu (angiones, crabitos) a súere a is mamas Synonyms e antonyms afigiare, agnare, fizolare / arratzare / achisciare Sentences custa mallora gei afedat: est fintzas acanta de angiai! ◊ si mullint is pegus chi ant afedau 2. semus afedendhe sa robba Scientific Terminology vda Translations French mettre bas, faire ses petits (animaux) English to litter Spanish parir Italian figliare German Junge werfen.

afède , nf: fede Definition s'anedhu de is isposos Synonyms e antonyms anedhu, manafidi, maninfiore, matzete Etymon srd.

afegàre , vrb: afexiai, avexiai Definition in cobertantza, fàere a feghe, imbriagare, bufare binu a tropu Synonyms e antonyms abbinai, afegonare, ammuscai, infegare Sentences nci depit bolli mera a coglionai a tui, candu cumèncias a ti afexiai!… 2. est sempri imbriagu, avexiau de su binu Etymon srd.

afegonàdu , pps, agt Definition de afegonare; nau de unu, chi est sèmpere bufau, imbriagu Synonyms e antonyms afecau, apiriciolau, fegone, imbreacone Translations French ivre, aviné English drunken Spanish borracho Italian avvinazzato German betrunken.

afegonàre , vrb Definition bufare binu meda (o àteru cun àrculu), èssere giau a su binu, imbriagare fatuvatu Synonyms e antonyms abbinai, afegare, infegare Etymon srd. Translations French s'enivrer English to become gipsy, to get drunk Spanish emborracharse Italian avvinazzarsi, ubriacarsi German sich betrinken.

afeidài , vrb Definition conciare, únghere cun ógiu de olia su tzafaranu innanti de dhu pònnere a assoliare po dhu turrare a sole Etymon itl. affaità.