A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

bocíu , pps, agt Definition de bociri Synonyms e antonyms moltu | ctr. bibu 2. ne los sont ghiranne sos duos frades botzidos a bistrale.

bóciu , nm Definition pedra atundhada de s'abba Synonyms e antonyms bocinu 2, códua.

bociulàre , vrb: botzulare Definition orrumbulare, andhare orrumbulandho Synonyms e antonyms bocinare, boltulare, cadhinare, mòere Sentences su pitzinnu si bóciulat, duas làgrimas, e si ndhe pesat cantendhe (F.Secchi)◊ pianu, bóciula bóciula, at brincadu totu sos crastos ◊ sa betza si l'abbaideit ma, innanti de abberrer buca, Giacobbe che li fit bociuladu a pes ◊ e ite si s'àinu che bóciulat de su ponte!…◊ totu sa mela a terra mi ch'est botzulada dae sa farda Etymon srd.

bòcs , nm Definition genia de logu o de trastu serrau: mannu, prus che àteru a bèndhere cosa in is mercaos, pitichedhu a pònnere su pipiu chi no ischit a caminare.

bòda , nf Synonyms e antonyms carrada, cua 1 Scientific Terminology stz Etymon spn. bota.

bodàe , vrb Definition fàere a bíere de èssere alligru, isprodhenti, fàere su pageri, su boderi Synonyms e antonyms bragai.

bodalàre , vrb: bodolare, bodulai, bodulare Definition fàere de una manera, o una cosa, chi, po sa presse de su foedhare, unu no arregodat comente si narat o no faet a tempus a nàrrere, fintzes si dha tenet crara: si podet pònnere a su postu de calesiògiat àteru verbu, ma dh'imperant fintzes po nàrrere chentza precisare nudha Synonyms e antonyms bodalire, intenantai, iterinare, nichelare Sentences nachi lu depias bodalare e no li as fatu nudha! ◊ tantu ant bodaladu e nigheladu chi ant chircadu a cumone unu peritu ◊ leas cussa carrela e no bi at de bodalare: faghes pagos metros e che ses in s'ufítziu! Etymon srd. Translations French faire (fam.), combiner English to do Spanish hacer, decir Italian cosare German Zeitwort ohne bestimmter Bedeutung, das jedes andere Verb ersetzen kann.

bodàle, bodàli , nm, prn: vodale Definition unu css. númene, mescamente de persona ma fintzes de logu o de cosa, nau candho in sa presse de su foedhare a unu no dhi benit a mente su númene giustu (o fintzes po no dhu nàrrere, po no pàrrere maleducau) Synonyms e antonyms fulanu, itadhinanta, nichele, taligeni 2. Fulanu no ch'est in bidha: ch'est in Bodale… in… no mi ammento ite li narant Etymon itl. cotale Translations French truc, machin English whatsit Spanish eso, fulano Italian còso German Dings, Dingsda.

bodalínu , nm Definition in calecunu logu, deosi mutint cudhos de su Logudoro inue narant Bodale.

bodalíre , vrb Definition fàere de una manera, o una cosa, chi, in sa presse de su foedhare, unu no si arregodat comente o ite si narat (o no si bolet nàrrere): si podet nàrrere in càmbiu de css. àteru verbu Synonyms e antonyms bodalare, intenantai, iterinare, nichelare Sentences bodali custu ca mi serbit deretu! ◊ ite bi sezis bodalindhe, cue, totu s'ora? ◊ no bodalas gai ca faghes dannu! ◊ ma mih chi ses bodalindhe abberu, oe, mih, cun custa chistione! ◊ bodàliche sa cradea, coita, ca mi serbit logu! Etymon srd. Translations French faire (fam.), combiner English to do Spanish hacer, decir Italian cosare German Zeitwort ohne bestimmter Bedeutung, das jedes andere Verb ersetzen kann.

bòdas , nf Definition funtzione e festa de candho duos si cójuant (si narat fintzes singulare) Synonyms e antonyms afidu, cogiuognu, coja, cojànscia, cójuba, cojubiu, isposognu, nunsas / falóldia, festa Sentences sa zente chi venit a sa boda devet gudire totu sa tzerimónia comente l'amus connota 2. e aici boit narri ca cras seis de bodas?! ◊ Gesugristu at fatu su primu miràculu in is bodas de Cana Etymon spn. bodas Translations French noces, mariage English wedding Spanish bodas Italian nòzze German Hochzeit.

bodéri , agt, nm Synonyms e antonyms bantageri, bragheri, creitosu.

bòdha , nf: brodha Definition brebè bècia o malandhada Synonyms e antonyms busale, giurrita, tzica 1, tzurra Sentences bi teniant carchi bodha cota a budhiu chin patata e chipudha Etymon srdn.

bòdha 1 , nf Definition sa natura de sa fémina, nau unu pagu a brulla Synonyms e antonyms bodhodhu, brodhoi, cunnu Etymon srd.

bòdha 2 , nf, nm: brolla, brollu Definition ispurgadura de is prumones chi si arrasigat de su gúturu po dh'ispudare Synonyms e antonyms grúspidu, ispudu, scupidura Sentences sa tzica chi che gruspiat andhàt a si fraigare a su truncu de un'acàssia che a totu sas àteras brollas ◊ sos pitzinnos no ant intesu su bolu de sa brolla, niedha de tabbacu, e ant sighidu a arreare ammuntonados in su bancu de Bobboredhu.

bodhàre , vrb Definition ispudare bodhas, carràschios Synonyms e antonyms bodhulare, carraschiare, sdarrasciai Etymon srd.

bòdharu , nm Definition terrenu friscu, grassu, chi dhue sumit abba, bonu po iscra, po ortu Synonyms e antonyms tuerra Etymon srdn.

bòdhere , vrb Definition bodhire, arregòllere; nau in cobertantza, pigare cropos Synonyms e antonyms acabidae, acoglire, arragolli, bodhire, tòdhere | ctr. lassae 2. oe che la bodhes, si no mi lassas sa conca in pasu!

bòdhero , nm: bòdhoro Definition sa birilla de su tziníbiri Synonyms e antonyms arrulloni Sentences bufànt bòdhoro budhiu pro ricostituente Etymon srd.

bodhèta , nf Definition cosa chi si narat a s'afaiu, de s'unu e de s'àteru; una cambarada, chedha, unas cantu personas impare Synonyms e antonyms colessu, contulàntzia, crítica, istrísina, licutu, limbizada, naravèglia, noedha, prillissu / cdh. budheu Sentences ti dha faint, sa bodheta, chi dhu scit sa genti! 2. una bodheta de féminas iat pesau avolotu po nci bogari su segretàriu cumunali Translations French racontar English gossip Spanish murmuración, habladuría Italian dicerìa German Gerücht, Gerede.