Ditzionàriu in línia
de sa limba e de sa cultura sarda

cànsciu 1 , nm: càsciu 2, cansu 2 Definition su cassiare; a logos, orruga istrinta Synonyms e antonyms botorinu, istrintógliu / irbortu Idioms csn: dare cànsciu = fàghere a mancu, istrobbai, impedire; càsciu cobertu = a logos, zenia de passizu fatu a arcu pro totu unu tretu de carrela istrinta inter duas domos de unu matessi mere Sentences no apo pro sas ranas simpatia, ma tantas bortas dae sa funtana pro no ti ofendher càsciu ndhe daia!◊ dae meda, isciuchèndhemi, daia càsciu de mi abbaidare in s'ispixu! Etymon srd.

cansèsa , nf Definition su èssere istracos, immarrios Synonyms e antonyms istrachesa, istrachidúdine Etymon srd.

cansiàre cansài 1

cansídu , agt: acansidu, cassidu Definition immarriu meda, chi est a malu puntu Synonyms e antonyms acassu, achénsidu, achensu, ansidu, istracu | ctr. pasadu, folte Idioms csn: cassidu de sidi = morindhe de su sidi, chi tenet sidi meda; cassidu de pane = chi tenet bisonzu mannu de pane, famidu Sentences sas ancas no lu rezent: sunt cassidas 2. sa terra est cansida de suore: dade suore a sa terra chi bos dat in giambu ispigas! Etymon srd. Translations French épuisé English exausted Spanish exhausto, extenuado, agotado Italian esàusto German erschöpft.

cansítu , nm Definition min. de cànsciu: cànsciu piticu Synonyms e antonyms canscioleta, cànsciu Scientific Terminology bst.

cànsiu cànsciu

cansòla , nf: casciola, cassola, cassora Definition manera de fàere unu papare (de petza a orrughedhos o fintzes de ebrúgiu), fríssiu cun erbas in d-unu pagu de ógiu e sighiu a còere cun d-un'aciuntighedha de abba, binu (segundhu it'est), fintzes chi torrat a s'ógiu Synonyms e antonyms ghisadu Idioms csn: còghere, fàghere una cosa a c. = a casciolinu; èssere in c. (nadu de zente) = àere tratamentu, èssere amigos; passai de c. (nadu de una cosa, de una chistione) = barigàreche tropu tempus de candho tocaiat a fàghere sa cosa; furriaisí a cassola bamba (nau de giogu, de ispàssiu)= furriarechela a burdellu, a istrobbu, unu pagu a machine Sentences s'anzone l'at fatu a cassola cun bardureu e carchi patata ◊ notesta sa famíglia si cenat a cassola: a crasi eus a lassai su chi eus iscabeciau 2. a ita mandas unu billetu de augúrius apustis de tanti tempus, candu est passau de cassola?! Surnames and Proverbs smb: Casciola, Casciolla, Cassola Scientific Terminology mng Etymon ctl. cassola Translations French ragoût, à la nage English stew Spanish guiso Italian spezzatino, guazzétto German Ragout.

cansòne, cansòni canciòne

cànsu , agt Synonyms e antonyms ammungiadu, acassu, istracu | ctr. pasadu Sentences sa manu artziada nci dh'arruit cansa Translations French fatigué English worn-out Spanish cansado Italian stanco German müde.

cànsu 1 cànsciu

cànsu 2 cànsciu 1

cantàda , nf Definition su cantare, ma fintzes sa manera de cantare / c. de sèi = a gara de improvisadores, a sa campidanesa Sentences cantas cantadas fatas in cussas festas! ◊ calincunu at iscritu s'istória de sa cantada campidanesa Etymon srd. Translations French action de chanter quelque chose English singing Spanish acción de cantar Italian cantata German Gesang.

cantadòre, cantadòri , agt, nm Definition chi o chie cantat Synonyms e antonyms cantajolu Idioms csn: zenias de cantadore: c. a chiterra = chie cantat poesias fatas acumpanzadu a sonu de chiterra; c. a poesia = chie si lu pessat cantendhe etotu su chi depet cantare, faghindhe sa gara cun àteros poetas; c. a tenore = onzunu de sos bàtoro chi cantant in d-unu cuncordu o cussertu; c. a frores = chie cantendhe improvisat mutos Sentences aputis chena tzucànt totus cun is iscannos a partza de crésia inue su comitau iat parau su palcu po iscurtare is cantadores ◊ pro sa festa batint sos cantadores ◊ dogni bonu cantadore a sa pesada torrat ◊ Maria Carta fit cantadora de dolos e isperas de Sardigna ◊ mi parit ca tui non ti càstias solu is cantadoris sardus! 2. cucu cantadori, tui ca ses indovinadori naramí cantu ammancat a mi cojai! ◊ passeint sas serantinas tébias aiscultendhe su grígliu cantadore ◊ po sa festa faeus bènnere is cantadores a frores Etymon srd. Translations French chanteur, chantre English singer Spanish cantador Italian cantatóre, cantóre German Sänger.

cantadoría , nf Definition càntigu, pràtiga de càntigu po imparare a cantare Sentences is piciochedhus funt andendi a iscola de cantadoria.

cantadúra , nf Definition su cantare, nau pruschetotu de sa manera Sentences cussa genia de cantadura est mala a fai Etymon srd.

cantàe , vrb: cantai, cantare, cantari Definition nàrrere una cantone o una poesia faendho sa boghe segundhu un'andhare o tràgiu diferente de su foedhóngiu de su chistionu, sighendho unu rítimu chi praghet e chi est agiummai sèmpere decídiu innanti (siat comente si est connotu e siat imbentau e iscritu cun is notas musicales): fintzes imbentare poesia a càntigu; sa boghe de is pigiones candho dha sighint (e fintzes de bobboi, es. sa chíghela, o animale, es. su margiane)/ modas de cantare: a boche de bassu (coment'e po acumpangiare unu ballu), a mummucu (unu pagu a mémula, chentza fàere essire bene crara sa boghe), a sa bassa, a sa séria, a chiterra, a poesia, a tenore, a dillu Idioms csn: pesàresi a cantare = cummentzai, ponnirisí a cantai; cantai is oremus, s'alleluja, sa chiriella a unu = dare una briga; no criat e ni cantat = (nadu de unu) est acoment'e nisciunus, fatu e lassadu; lassare cantare = lassare nàrrere, betaresila a pérdida; cantare in malas = a irmuju, a innóriu, nendhe male de ccn.; cantare in zanna = fàghere sa serenada a sa fémina; gei cantas!… = a ndh'as de s'àsiu si ispetas a!…; c. a boghe ispalatada = itl. a vóce pièna Sentences cantendhe acisaiat sa foresta ◊ a Monserrau torru a benni e cun Pieru cantaus impari (Maxia)◊ no tenet prus gana de cantae e sighet a fàere a sa muda ◊ candho cantat Maria paret una sirena…◊ totu sa grefa ch'est cantendhe in zanna ◊ cussu no fiat bellu a cantai e intzaras fradi miu dh'iat fatu imparai a menti su mutetu de narri a sa picioca 2. su caboni fait iscidu cantendi e dh'istrobbat ◊ un'istria si pesat a cantare ◊ apo inténdhiu is canes apedhandho a dónni'ora e is pudhos cantàndhoro a mengianu 3. est aspetendi a dhu biri, a su dotori de guvernu, po dhi cantai is oremus! Surnames and Proverbs prb: caboni cantat, pudha dhi mancat Etymon ltn. cantare Translations French chanter English to sing Spanish cantar Italian cantare German singen.

cantagànta , nm Definition genia de animaledhu chi in is istades, mescamente a oras de sole, istat sèmpere cantandho: difícile mannu a dhu bíere ca acostindho si citit Synonyms e antonyms angesa, bibbigorra, chíchela, ciriciri, cixa, coibira, pisigorra, sitzigarra, sitzigolla, tzitarra Scientific Terminology crp, tibicen plebejus Etymon srd.

cantagànta 1 , avb Definition (fàere cosa) chentza dificurtade peruna; istare sèmpere cantandho, cantare fatuvatu / pigai una cosa, una chistioni, c. = chentza si ndhe preocupare Sentences in duas dies custu triballu mi che lu fato a sa sola cantaganta! ◊ custa gàrriga bi la ponzo totu: mancari betzu, custu càmiu che la ghirat cantaganta ◊ mama mia a otanta annos che zughiat cantaganta unu sacu de patata subra su cúcuru (Z.A.Cappai) 2. triballendhe istat tota die a su cantaganta: mancu de su tempus si daet a coro ◊ sa piciochedha tocat e paltit cantaganta a fàere s'impériu a sa mama Etymon srd. Translations French facilement English easily Spanish fácilmente Italian facilménte German leicht.

cantài cantàe

cantajólu , nm Definition chie cantat Synonyms e antonyms cantadore Etymon srd.