A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

dibbilèsa debbilesa

díbbili débbile

díbbiri , iscl Definition foedhu chi si narat coment'e po ifadu candho s'àteru torrat sèmpere a sa matessi cosa foedhandho, abbetiandho Synonyms e antonyms drínchidhi Etymon srd.

dibicàu delicàdu

dichiàra , nf Definition su chi si narat po fàere a ischire a sa ladina una cosa importante, cosa chi si pentzat, chi si credet, chi s'ischit, chi si bolet Synonyms e antonyms dichiarassione Sentences cun oriolu currindhe che frina che arrivo a inie e li presento asie sa dichiara de sa meighina ◊ prammas, gravellos e rosas istant murmurèndhedi amorosas dichiaras de ammiru Translations French déclaration English declaration Spanish declaración Italian dichiarazióne, deposizióne German Erklärung.

dichiaràre declarài

dichiarassiòne , nf Synonyms e antonyms dichiara.

dícia , nf: ditza Definition bona sorte, cuntentesa mana Synonyms e antonyms ajubore, biadesa, biadia, cuntentesa, foltuna, gosa, prégiu | ctr. isfortuna, mabasorti Idioms csn: lograre una dícia = acansai, tènniri sa fortuna; dícia mia!… = pagu bene meu!, siscuru a mie! Sentences bido onzi fiore godendhe de sa dícia de su mamentu (P.Serra)◊ narant chi su poeta est veramente tale candho cantat pro dícia o pro dolore (A.Dettori)◊ bisos, desizos, bozas, m'infiorant de dícias sos caminos (S.Casu)◊ apo sa dícia de èssere conchi sana ◊ pro dícia, in custa cumpagnia che at zente forte ◊ est inchieta po sa pagu dícia chi dhi ponint infatu Surnames and Proverbs prb: nascher in bona dícia est nascher cun sas dentes Etymon ctl., spn. ditxa Translations French chance, bonheur English luck, happiness Spanish dicha Italian fortuna, felicità German Glück

diciàdu , agt, nm Definition chi o chie tenet dícia Synonyms e antonyms afortunadu, diciosu | ctr. malassortadu Sentences mi mancat su cunfortu diciadu de sos mios Etymon srd.

diciàre , vrb Definition contare o nàrrere cosas alligras, fàere essias de erríere, nàrrere brullas Synonyms e antonyms botai Etymon srd. Translations French plaisanter English to joke about Spanish bromear Italian motteggiare German scherzen, spaßen.

diciàu diciàdu

diciosía , nf: ditzosia Definition su èssere diciosos, afortunaos, prexaos Synonyms e antonyms dícia, diciosidade, diciosura | ctr. derdícia Sentences no apena in su sinu cuntzepidu, chi ancora forma umana no aia, pro me sentias tanta diciosia (G.Sini) Etymon srd. Translations French bonheur English happiness Spanish felicidad Italian felicità German Glückseligkeit.

diciosidàde , nf Synonyms e antonyms ajubore, cuntentesa, diciosia, prégiu Sentences in custa delisciosa solidade dogni boghe de natura est un'osanna, dultze cumbidu a sa diciosidade Etymon srd.

diciósu , agt, nm: ditzosu Definition chi o chie tenet dícia, fortuna, bona sorte Synonyms e antonyms addiciadu, additzosau, afoltunadu, assortadu, contentu, fadosu, iscofadu | ctr.   deldiciadu, disdiciosu, ifoltunadu Sentences sa ditzosa sorte nos diat in paradisu! ◊ ditzosu a chie ti at a incapare! ◊ de sas intragnas diciosas naschet su bellu fiore ◊ diciosu de chini tenit mulleri, e no coment'e dèu chi seu sorteri! Etymon spn. Translations French heureux, qui a de la chance English happy, lucky Spanish feliz, dichoso Italian felice, fortunato German glücklich.

diciosúra , nf Synonyms e antonyms diciosia.

díciu , nm: ditzu Definition genia de senténtzia, de lei o cumandhamentu chi sa gente ndhe at bogau de s'isperiéntzia de sa vida e chi arregodat coment'e régula de su fàere, de sa costuma e de sabiesa; genia de númene chi si ponet e si narat a unu po befa o fintzes carculandho calecuna calidade bona Synonyms e antonyms provérbiu / impróveru, nomíngiu, paranúmene Sentences is Sardus candu seus de gana bella e chistionaus de is malifatias nci esseus in dícius acutzus ◊ su díciu est bene fundhadu, paret setéscia divina! ◊ narat su ditzu: Cane e ratza ispinghet matzone; chie a s'assegus istat o perdet o achistat ◊ díciu antigu, bene postu! 2. cussu nòmini dhu tenit a díciu Etymon spn. Translations French proverbe English proverb Spanish dicho, proverbio, refrán Italian provèrbio German Sprichwort, Spruch.

diclaràre declarài

diculadúra , nf Definition istrúpiu, dannu mannu a sa carena, a unu arremu Synonyms e antonyms guastu, irvistu, isémpiu Etymon srd.

diculài , vrb Definition pònnere istrúpiu, fàere dannu, guastu de dhi abbarrare, a sa carena Synonyms e antonyms bisastrare, immelmare, irfrezare, iscempiai, iseniare, istropiai.

diculàu , pps, agt Definition de diculai; chi est malu, guastu, malàidu Synonyms e antonyms irvàlitu, iscalfante, isentiau, istropiadu | ctr. àbbile 1, sanu.