regía , nf: rezia Definition chie cumandhat e cuncordat totu faendho un'ispetàculu, unu filmi, aprontandho e giaendho órdines po comente e ite fàere po chi un'òpera arrennèsciat.
règia règa
regiméntu , nm: rezimentu Definition corpus militare de chentinas de sordaos: nau sèmpere in su sensu de medas, gente meda Sentences bei curret sa zente a regimentos.
regiòla ragiòlla
regioladúra , nf: arregioladura* Synonyms e antonyms impamentadura.
regiolài , vrb: arrazolare*, regiolare Definition pònnere is arregiolas, is pianellas, a su pomentu po dhu finire Synonyms e antonyms allosai, apamentae, impianellare, pianellare Sentences sa domo no fiat de lussu pro la regiolare 2. s'aposentu no fiat regioladu.
regiolàju , nm: arregiolaju* Definition chie faghet regiolas Synonyms e antonyms arregioleri, matonaju.
regiolaméntu , nm Synonyms e antonyms arregioladura Etymon srd.
regiolàre regiolài
regiolèta , nf Definition trebballu fatu a cuadredhos.
regionalísmu , nm Definition idea e pràtiga de amministratzione de un'istadu chi lassat a is regiones (partes de su territóriu suo) poderes chi manígiat un'ente apostadamente fatu, sa Regione (deasi comente àteros poderes dhos giaet a s'ente Comuna po territóriu prus piticu, po una bidha).
regiòne rajòne
regiòne 1 , nf Definition leada, parte chi si distinghet in calecuna cosa de unu territóriu prus mannu chi po piessignos geogràficos si depet pigare totu a unu Synonyms e antonyms incontrada Sentences su Sulcis, su Campidanu de Castedhu e su Sàrrabbus funt is regiones prus meridionales de sa Sardigna, sa Cadhura sa prus a nord Scientific Terminology slg.
regiràre , vrb: rezilare,
rezirare Definition
essire de tinu, ammachiare po ccn. cosa o calecunu (pruschetotu po amore): giogare, tocare su crebedhu
Synonyms e antonyms
dessessire,
ilgirare,
irbariare,
iscansae,
issentire,
vogliare
Sentences
est bella chi ndhe faghet regirare! ◊ pro me regiras e peleas, ma ses perdendhe tempus debbadas! ◊ mi ndhe so rezirendhe, so fora de tinu ◊ in coro intendho unu turmentu chi mi fachet sa mente rezilare ◊ faghiat rezirare su chervedhu, de cantu fit bella
Translations
French
avoir un chagrin d'amour
English
to suffer agonies
Spanish
desvivirse,
morirse
Italian
spasimare
German
schmachten.
regíru , nm: reziru Definition
su regirare, genia de ammàchiu, de dispraxere mannu, de pentzamentu chi no lassat asséliu po ccn. cosa chi si disígiat o chi no est andhada bene (pruschetotu in chistiones de amore)
Synonyms e antonyms
dellíriu,
dischíssiu
/
cdh. riciru
Sentences
a fortza de preguntas, prenetas e regiros so reséssidu a bídere ue fint ◊ pupa, candho naras "Mamma!" pones a mamma in regiros! (G.Raga)◊ cun totu no mi atrivo, bell'e chi vivo cun tantu regiru ◊ tue ses cudha chi at postu in regiros a mie!
Etymon
srd.
Translations
French
chagrin d'amour
English
pang
Spanish
cuita,
pena
Italian
spàsimo
German
Qual.
registradòre , nm Definition aparíciu elétricu (o eletrónicu) fatu a manera de iscríere boghes e sonos in nastru o in discu de dhos pòdere ascurtare torra o, segundhu, po registrare datos Synonyms e antonyms lezistradore.
registrài, registràre , vrb: rezistrare Definition iscríere in su registru, o a dónnia modu iscríere una cosa a manera de dha tènnere prus segura (fintzes in nastru o in discu) e de dha pòdere averguare; regulare calecuna cosa a manera (comente serbit o andhat bene) Synonyms e antonyms allistai, lezistrare Etymon itl. registrare.
registrassiòne, registrassòne , nf Definition su registrare, iscríere in registru, fintzes iscríere in nastru, in discu cun médios modernos Synonyms e antonyms rezistradura Sentences bi at garas de poesia cantadas in parcu chi si agatant, pro bona sorte, in registrassiones.
regístru , nm: arrezistu, rezistru Definition genia de líbberu inue s'iscrient is cosas a manera de dhas tènnere iscritas; genia de aina po regulare ccn. cosa Synonyms e antonyms lezistru / cdh. irricistru, rigistru, ttrs. rigistru Etymon itl. registro.