A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

tambadúra , nf Definition su tambare Etymon srd.

tambài , vrb: tambare Definition mòvere, mòvere de una parte a s'àtera, tròchere o incrubare a una parte, ma mescamente nau po serrare un'apertura lassandhodha pagu pagu aperta, acostia Synonyms e antonyms afacai, aggalenare, imbasare, irganzare, iscadangiai, iscanzire, sucunzare, suzire / tambulare Sentences tambachela, sa zanna, ca est intrendhe fritu! 2. rughiant malàdios e moriant chentza mancu los tambare ◊ deghi recuo a domo tamba tamba mi frundho in colcadolzu Etymon srd. Translations French entrouvrir English to half-close Spanish entornar, entrecerrar Italian socchiùdere German halbschliessen.

tambarallòta , nm Definition zocare a su t. = tambàndhelu e lotandhe, tambàndhelu e iscudèndhelu Synonyms e antonyms durriandò.

tambàre tambài

tàmbaru , nm Definition tumborru, aina a cilindru po sonare a iscudidura, a cropighedhos, a tzacurradura Synonyms e antonyms tumbarinu, túmbaru.

tambarúe , avb Definition a su t. = a su rue e pesa Sentences pro èssere lezera tantu ndhe pato eo e patis tue, cun su coro a tambarue in sospiros e piantu (G.M.Cherchi).

tambàta tambàda

tambèdha , nf, nm: tambedhu Definition genia de moida, prus che àteru de boghes chi giaent ifadu Synonyms e antonyms impelegu, secamentu, tzorobedhu Sentences inie mi pasà sentza degógliu subra sas pedras d'una semidedha chi a crabas tiat aer dadu imbrógliu, subr'àter'adhe e àtera tambedha (P.Casu)◊ sa malasorte mi at assaltiadu e continu mi tenet in tambedhu ◊ intronaiat piús su tamburu e fit tambedhu su carrasegare ◊ sa zente est martirizada dae sos tambedhos Etymon srd. Translations French embêtement English bother Spanish lata, fastidio Italian seccatura, nòia contìnua German Belästigung.

tambedhàre , vrb Definition fàere moida, istare foedhandho, giare ifadu / tambedhadu = infadadu Synonyms e antonyms ifadare, ifastizire, impeltinare, intrigliare Sentences si fis pro marasu a ossos pistos e tambedhadu in mesu a su trambustu semper su cantu ti det dare gustu ◊ istant tota sa die tambedhendhe Etymon srd. Translations French chahuter, agacer English to make a noise Spanish hacer ruido, molestar Italian rumoreggiare, molestare German lärmen, belästigen.

tambedhósu , agt, nm Definition chi o chie faet tambedhu, giaet ifadu Synonyms e antonyms ifadosu Sentences baediche, tambedhosu! Etymon srd. Translations French gêneur English bother Spanish pelma Italian seccatóre German lästiger Mensch.

tambédhu tambèdha

tambène!, tambènes!, tambèni , iscl, avb Definition e de a bonu!: foedhu chi narant disigiandho una cosa, pruschetotu candho est cosa chi no faet, o chi s'iat a pòdere àere; dhu narant puru po fintzes, ancora, mancari coment'e po lassare andhare o cèdere in calecuna cosa Synonyms e antonyms acabbonu, aggàlia, deabbonu, eillà Sentences si podia torrare vint'annos addaisegus, tambene! ◊ tambene si aia tentu su saludu!…◊ si l'aimus tentu nois, tambene, totu cussu!…◊ tambene si proiat!…◊ tambene si cussu focu ti aiat pótiu caentare su coro! (S.Mattana) 2. apo chircadu sa fortuna in terra, tambeni in mare ◊ lu podes nàrrere tambene ◊ Deus bit tambeni su chi at a benni ◊ acostadí tambeni prus acanta! (E.Sanna)◊ sos carros a boes, tambene chene trumbas, s'intendhiant dae innedha ◊ bestes bi ne aiat ammuntonatas tambene in terra Etymon spn. también Translations French si seulement! English you bet! Spanish ¡ojalá! Italian magari! German und ob!

tambidàmbi tambadàmba

tambonàda , nf Definition su tambonare Synonyms e antonyms colpu Etymon srd.

tambonàre , vrb Definition giare unu cropu, fèrrere cun calecuna cosa (es. bardúfola, birilla) Etymon srd.

tambòra , nf Synonyms e antonyms tumbinu Etymon spn. tambora Translations French bouche d'égout English man-hole Spanish boca de alcantarilla Italian tombino German Strassenschacht.

tambulàda , nf: tamburada, tumbulada Definition su tambulare, su che furriare, su che orrúere a terra de una cosa prantada; atumbada, cropu Synonyms e antonyms bortulada / abbrúnchidu, atapada 2. dónnia tumbulada a su pódhiche malàidu!… Etymon srd.

tambulàdu , pps, agt: tumbulatu Definition de tambulare; chi est in terra orrutu Synonyms e antonyms bortuladu, furriau | ctr. ficadu, istantàrgiu, reu, ritzu Sentences pesandhela, cussa cadrea, chi ch'est tambulada a terra! Translations French renversé English overturned Spanish vuelto al revés Italian rovesciato German umgefallen.

tambulàna , nf: tamburrana, trambullana Definition genia de istrégiu mannu de làuna grussa, a tumborru mannu, de forma cilíndrica Synonyms e antonyms badhidoni Sentences is trambullanas nci funt arrutas de su carru fadendi un'iaxi de carraxu ◊ nois ponimus s'ozu in tambulanas de atarzu Scientific Terminology stz Translations French fût English drum Spanish tambor Italian fusto German Faß.

tambulàre , vrb: tumbulare 1 Definition incrubare a una parte fintzes a orrúere o fàere orrúere a terra, furriare o crocare a terra Synonyms e antonyms boltulare, corcare, furriai, irbersulare, parangai, rúchere Sentences l'ispinghesit a folte e che tumbulesit in sas iscalinas trodhulenne ◊ a caragolu a caragolu tambulamus a sa marina ◊ a su tàmbula tàmbula, a su rue rue, faghiat unu trechetu de totu sos diàulos 2. bae a su letu a ti tambulare un'iscuta! Etymon srd. Translations French renverser English to overturn Spanish volcar Italian rovesciare German umwerfen.