trumbutài , vrb: trumbutai Synonyms e antonyms tronaciare, tronai, tronitare Sentences sighit a proi e is àiris funt trumbutendu e ponendu in trumbutu su sentidu (F.Onnis)◊ su celu est trumbutendi, sa luna s'est ischisciara.
trumbútu , nm Definition tzàcurru de tronu, ma fintzes murigamentu Synonyms e antonyms tronu / abbolotu, trambullu Sentences is arrundonis si assuermànt e si pesànt is trumbutus, pariant tzacàrridus de linna frisca passionendu po fogu ◊ lampat, tronat, e a is trumbutus de su tempus malu arretronant is susprexus de unu coru segau 2. sighit a proi e is àiris funt trumbutendu e ponendu in trumbutu su sentidu (F.Onnis)◊ fàinti totu custu trumbutu po cuatru sodhus!
trumbutúra , nf Definition moida, sonu forte e sighiu, ischidu, chi si faet intèndhere; in cobertantza fintzes iscurrentziadura Sentences is nugis e is pénsius, in is ortus, murmudhànt tramesu a sa trumbutura de s'abba e de is pillonis (P.Doneddu)◊ is cosas dhas faeus e chena trumbutura! Etymon srd.
trumbuxài trumbugliài
trumentadòre , agt, nm Definition chi o chie trumentat.
trumentadúra , nf Definition su trumentai Etymon srd.
trumentài, trumentàre , vrb: atormentai,
trumentare,
trummentai,
trummentare Definition
istare faendho a pelea; lòmpere, arribbare a s'ingrundha e cun fortza a calecuna cosa, pònnere in tribbulia a ccn., fàere sufrire
Synonyms e antonyms
atrepillai,
marigonare,
matanare,
peleai,
pertojare
/
lòmpere,
trubare
Sentences
a bellu puntu seus: tota vida trumentaus po su dinai! ◊ est trumentendi sempri po àtera genti ◊ ca no dh'eus trumentau, custu fillu!…◊ a cust'edadi chi mi depa ponni a trumentai cun pipius!…◊ is terrenus de custus montis funt pedriaxus, epuru beniant seminaus e si trumentada po pagu resa
2.
deretu at trumentau a pròghere cada gútiu cantu un'obu! ◊ su bentu fit passau, ma apustis de cudha pache si trumentat s'iferru ◊ si l'est trummentadu su trau ◊ si si trummentant cussos canes arguai!
3.
candu mi seu infiudada no apu trummentau a nisciunus, dèu! ◊ fillu miu, no mi portis a su spidali a mi trumentai: lassamí morri in domu!
Etymon
itl.
Translations
French
rudoyer,
harceler,
torturer
English
to mistreat,
to harass,
to torment
Spanish
acosar,
agobiar,
atormentar
Italian
strapazzare,
assillare,
tormentare,
torturare
German
belästigen,
quälen.
trumentàta , nf: trummentada Definition su trummentare Synonyms e antonyms trambuscada, trubbada Sentences a bi l'at dada una trummentada… si li est azuventadu ruèndhelu in su prúere! 2. una trumentata de ventu mi nche fit leandhe Etymon srd.
trumentéri , nm Definition unu chi pesat avolotu contras a ccn. Synonyms e antonyms abboloteri, abbulotadore, abburotosu, avolotadori.
trumentósu , agt Definition chi faet trummentare, dhue at de trummentare, de peleare Synonyms e antonyms arrebbentosu, inzotosu, matanosu, peleosu, trabagiosu | ctr. discanciosu, lébiu Sentences est trumentosu a fai custu trabballu a sa soba!
truméntu torméntu
truméntu 1 treméntu
truminàda Definition su truminare, móvia a cropu, de botu Synonyms e antonyms issédhidu, sédhida Etymon srd.
truminàre , vrb rfl Definition
su si mòvere a cropu coment'e po assíchidu; carrigare contras a unu, cracare
Synonyms e antonyms
fritire,
suncai
/
afarcai,
lòmpere,
trubare
Sentences
a sa bénnida de sos canes sas arveghes si sunt totu truminadas
2.
daghi l'at bidu si est truminadu pro li dare a subra
3.
fia sempre nervosu, truminadu, chena poder tènnere paghe
Translations
French
s'agiter
English
to be agitated
Spanish
agitarse
Italian
agitarsi
German
sich heftig bewegen.
trúminu , nm Definition su truminare Synonyms e antonyms agiàgaru, giagaradura, salarzada, salarzu / trubbada Etymon srd.
trúmma trúma
trummàda trumàda
trummatéri trumbitéri
trummentài, trummentàre trumentài
trummentínu , agt Definition nau de su colore niedhu, chi est che a su trummentu, niedhu pighe Etymon srd.