A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

afònti , nf: fonte* Definizione su lacu inue, in crésia, si ponet s'abba benedita po batiare is pipios.

aforài, aforàre , vrb Definizione giare s'aforu, cabarras, antibitzare una parte de su prétziu po una cosa chi si bolet comporare Sinonimi e contrari acabarrare Frasi cussu at aforadu su bestiàmine meu ca lu so bendhindhe Etimo srd. Traduzioni Francese accaparer Inglese to hoarn Spagnolo dar una señal Italiano accaparrare Tedesco einen Handel durch eine Anzahlung abschließen.

aforrài , vrb: aforrare, forrare Definizione pònnere sa forra, unu pígiu de cosa po fortilesa, po carragiare mancàntzias, fartas, po bellesa / aforrai de arrobba, de màrmuri, de linna Sinonimi e contrari iforrare 1 Frasi si aforrat sa linna druci (modhi) cun linna forti ◊ su bestire mi dh'aforro a seda Etimo spn. aforrar Traduzioni Francese doubler Inglese to line Spagnolo forrar Italiano foderare, impiallacciare Tedesco füttern, furnieren.

aforrainài , vrb Definizione segare ferràina, abbroendhare a forràina Etimo srd.

aforràre aforrài

aforratzài , vrb: farratzai 1 Definizione si narat de su late candho si morit coendhodhu (si càgiat ma a granos coment'e faendhosi a casu, che casu tratagasau, a farinos) Sinonimi e contrari acasare Etimo srd.

aforredhàda , nf Definizione foghilada, fogu mannu e cosa cota in su fogu deasi Sinonimi e contrari fochilada Frasi candho prandhiant inie faiant calecuna aforredhada de castagna (C.Arangino) Etimo srd.

aforrínzu , nm Definizione su forrare, pònnere sa forra Sinonimi e contrari forrada 1 Etimo srd.

afórriu , nm, nf: aforru, anforra Definizione pígiu de orrobba prus fine chi si ponet a sa bandha de aintru de unu bestimentu; pígiu de cosa (es. linna tostada) chi si ponet po afortimentu Sinonimi e contrari forra, iforru, unforru Frasi nd'iscosit s'afórriu de su bistiri ◊ dh'apu postu unu frochixedhu me in s'aforru de sa giaca ◊ una pariga de francus mi dhus iu cuaus in s'anforra de sa giacheta ◊ teniat una tzamarra, a pilu a intro e chena aforru Etimo ctl., spn. aforro Traduzioni Francese doublure Inglese lining Spagnolo forro Italiano fòdera, impiallacciatura Tedesco Futter, Furnierung.

aforrotulàda , nf Definizione su aforrotulare Etimo srd. Traduzioni Francese fagotage Inglese bundling up Spagnolo hacinamiento Italiano affastellaménto Tedesco Anhäufen.

aforrotulàre , vrb Sinonimi e contrari afasciai 2. indunas, intrat a campusantu, duritendhe, e annoditat sa puba aforrotulada de un'isconnotu rutu intro de una tuda.

afórru afórriu

afórru 1 , nm Sinonimi e contrari dibbetu, irgarru.

afortiadúra , nf: afortigadura Definizione su afortire, fàere prus forte Sinonimi e contrari afortiamentu, arrefortzu Etimo srd.

afortiài , vrb Definizione aciúnghere fortzas, giare fortza, fàere o essire prus forte, pigare fortza; nau de is binos, pigare ardore, ispuntu, cumenciare a si aghedare Sinonimi e contrari acadriare, afoltigare, afortire, afortzare, arrefortzai, fortalèssiri, infortiai / achedare 1 | ctr. abblandai, irdebbilitare Frasi su bentu est afortiendi, no fait a nci parai! ◊ Luxia si afórtiat cun d-una chirriella de fuedhus chi non istant ne in celu ne in terra…◊ sa broca portat unu círculu de ferru chi dhi afórtiat su fundu ◊ imbèciat sa cusciéntzia de sa genti curpa de s'afortiai de sa mandronia intelletuali ◊ primu chi torrit a afortiai s'àcua incapat mi ndi andu! 2. tupa sa carrada ca su binu si afórtiat! ◊ su binu cun àrculu meda si podit afortiai ma no pudescit Etimo srd. Traduzioni Francese fortifier Inglese to strengthen Spagnolo reforzar Italiano afforzare Tedesco verstärken.

afortiaméntu , nm: afortimentu Definizione su giare o pigare fortzas, dónnia genia de cosa chi serbit a giare fortilesa, amparu, nau fintzes de su chi giaent is majàrgios a pònnere in dossu nanca po no àere dannu de fatúgiu Sinonimi e contrari afortiadura, afórtigu, arrefortzu / breu, breve, contramazina, foltilesa, fortile, pastagna, punga, scritu 2. l'ant isparadu ma zughiat afortiamentu e no li at intradu balla ◊ est andhadu a sa majarza e si at fatu fàghere afortimentu Etimo srd. Traduzioni Francese renforcement, consolidation Inglese strengthening Spagnolo refuerzo Italiano rinfòrzo Tedesco Verstärkung.

afortiàra , nf Definizione su essire o fàere prus forte, su pigare fortza Sinonimi e contrari afortiamentu Frasi su bentu at fatu un'afortiara e at fatu dannu a su materi Etimo srd.

aforticàre afoltigàre

aforticàre 1 , vrb: afortigare 1 Definizione segare a fórtighes, a serros; nàrrere male de àtere Sinonimi e contrari aferritai, afolfigare Frasi su mastru de pannos est semper aforticandhe telas e cosindhe Etimo srd.

afortída , nf Definizione su essire o fàere prus forte, su pigare fortza: si narat fintzes de su foedhare candho unu artzat sa boghe coment'e arrennegandhosi Sinonimi e contrari afortiamentu, afortiara Etimo srd.