A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ammesturadórgiu , nm: ammesturadroxu, misturadorju* Definizione su tretu inue si atóbiant apare e aunint duos errios (cropadura de ribos), frochidhadura de un'erriu Sinonimi e contrari imbesturadórgiu, zuntura.

ammesturadòri , agt, nm Definizione chi o chie ammesturat Etimo srd. Traduzioni Francese mélangeur Inglese mixer Spagnolo mezclador Italiano mescolatóre Tedesco Mischer.

ammesturadróxu ammesturadórgiu

ammesturadúra , nf Definizione su ammesturare Sinonimi e contrari ammisturamentu, meschiadura | ctr. chirrionzu, seberadura Frasi est una ammesturadura bèni essia Etimo srd. Traduzioni Francese mélange Inglese mixing Spagnolo mezcla Italiano mescolaménto Tedesco Mischung.

ammesturàe, ammesturài, ammesturàre ammasturài

ammesturiciàre , vrb Sinonimi e contrari ammasturai, ammeschiare, meschiare Etimo srd.

ammesturíssu , nm: ammusturíciu, mesturitu Definizione cosas postas o fatas a méschiu, ammesturadas impare, coment'e faina bene fata o fintzes coment'e improdhu Sinonimi e contrari ammesturítzia, ammesturu, misciaredha, misciura, mistudhu, gantine Frasi ma ita ammesturissu soi faendu: no si seus cumprendendu apari! ◊ fàciu ammusturíciu de totugantu Etimo srd. Traduzioni Francese mélange Inglese mixture Spagnolo mezcla Italiano miscùglio, promiscuità Tedesco Mischung.

ammesturítzia , nf Sinonimi e contrari ammesturissu, ammesturu, mescra, mescràntzia, mestura, misciaredha Etimo srd. Traduzioni Francese mélange Inglese mix Spagnolo mezcolanza Italiano mescolanza Tedesco Mischung.

ammesturízu , nm Sinonimi e contrari ammesturissu, ammesturu.

ammestúru , nm, agt: ammisturu, mesturu Definizione cosa posta totu a unu cun àtera, ammesturadas apare; genia de pane de chivalzu / farra ammestura = chentza seberada in is partes Sinonimi e contrari ammesturissu, ammesturítzia, ammísciu, mescra, misciura, gantine, imbestussa / mísciu Frasi connosciat erbas e matas, fiat bona a fai ammisturus e impiastus po béstias e genti ◊ un'arcanu profumu mi prenat sos sensos imbadhinàndhemi in d-unu ammisturu de desizos e timoria (A.Chessa)◊ nosu no boleus fai ammesturu cun nemus! ◊ apustis chi ant cantau, si pàsiant e papant: nci funt ammisturus e improdhus (C.T.Perra) Etimo srd. Traduzioni Francese mélange Inglese mixture Spagnolo mezcla Italiano mistióne, commistióne, miscèla Tedesco Mischung.

ammesúe abbisúi

ammeudhàdu , pps, agt: ammuedhau Definizione de ammeudhare Sinonimi e contrari forte, rassu | ctr. immaodhau.

ammeudhàre , vrb: ammuedhai Definizione pònnere meudhu a un'animale in su sensu de dh’ingrassare Sinonimi e contrari ammidudhare, ingrassai | ctr. irmeudhae Etimo srd.

ammeudhíe , vrb Definizione pònnere meudhu, ingrassare un'animale Sinonimi e contrari ammeudhare, ingrassai | ctr. irmeudhae Etimo srd.

ammexinadúra , nf: meighinadura Definizione su meighinare, su fàere o pònnere meighina po calecunu male Sinonimi e contrari meiconzu, medicadura, medicamentu, meighinonzu Frasi a su trigu de seminai tocat a dhi fai s'ammexinadura cun cànfara po no pigai maladia Etimo srd.

ammexinài , vrb: meighinare* Sinonimi e contrari curai, medicare.

ammezoràre ammellorài

ammezóru , nm: mezoru* Sinonimi e contrari meglioras, melloria.

ammiàda , nf: armiada, miada Definizione su ammiare, genia de abbaidada fintzes fata cun severidade, coment’e ammeletzu Sinonimi e contrari acínnidu, manigiada, móvida, ocrada Frasi mi bastabat solu un'ammiada, un'ingrisada de babbu pro mi pònnere in trassa! ◊ apenas ti bidesi s'ammiada mi abbandhonei in bratzos de sa sorte ◊ no fago mancu s'ammiada, ca isco chi si tratat de dare fune longa a su patire Etimo srd. Traduzioni Francese signe, geste Inglese nod, sign Spagnolo ademán, seña Italiano cénno Tedesco Wink.

ammiàre , vrb Definizione giare a cumprèndhere una cosa cun calecuna móvia de conca, de manu o àteru Sinonimi e contrari acinnai 1, atzinnire, chinnire, oghidare Frasi ponzei su pódhighe afaca a su nasu e ammiei in manera misteriosa (N.Falconi)◊ su babbu si tirat de cinta e lia ammiat a su fizu (N.Rubanu) Etimo ltn. ad + micare Traduzioni Francese faire un clin d'œil, faire signe Inglese to make gesture, to wink Spagnolo hacer un ademánseña Italiano ammiccare, far cénno Tedesco winken.