A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

apilutzíri apilurtzíe

apimpirinài , vrb Definizione fàere a pimpirinus, a farinos Sinonimi e contrari amminudare, filchinare, fratazare, ifrighinare, irfarfaruzare, scirfinai, sfiniallai, spamparinai, spimpirallai, spimpiridai Etimo srd. Traduzioni Francese émietter Inglese to crumble Spagnolo desmigajar Italiano sbriciolare Tedesco zerbröckeln.

apimpirinàre , vrb: apipiniai, apipiniare, apipirinare, apirpirinare, apispirinare Definizione pònnere apipiredhaos, abbasciaos cun is cambas pinnigadas e is nàdigas in pitzu de is carrones Sinonimi e contrari abbibbirinai, abribidhai, apatai, aperperinare, apibidedhare Frasi s'est apipirinadu a bodhire una mola de frenugu Etimo srd. Traduzioni Francese s'accroupir Inglese to crouch (down) Spagnolo agazaparse Italiano accoccolarsi, accosciarsi Tedesco sich zusammenkauern, sich niederkauern.

apindaciài , vrb: pindaciai Definizione coment'e pitzigare a ogu, nàrrere o bíere unu male coment'e fatu, de ccn. o de calecuna cosa, e chi própriu po dh'àere nau si averat abberu Sinonimi e contrari | ctr. spindaciai 2. agiudit a nosu puru, tzia Pepanna, ca seus apindaciaus! (G.Tatti)

apingulàre , vrb Definizione prnl., apilliàresi, èssere apedhiaos a calecuna cosa 2. su pitzinnu est galu apingulau a sa tita (G.F.Sedda).

apiniòni , nf: opinnioni Definizione genia de pentzamentu malu a bogare de conca po calecuna cosa chi si timet, no si bolet o no praghet Sinonimi e contrari apensamentu, arraolu, cimbella, intabatzu, pedighinu, pedine, pestighinzu Frasi no tengiais apinioni po su chi papais o bufais! ◊ sa vida tenit is apinionis suas ◊ tui ses sempri beridadosu e no ti ponis apinioni de su chi narat sa genti (Ev)◊ cun s'opinnioni de depi movi a fai is fainas si ndi furiat iscidau ◊ dèu portà s'apinioni de mi morri! Traduzioni Francese préoccupation, inquiétude, souci Inglese preoccupation Spagnolo preocupación Italiano preoccupazióne Tedesco Sorge.

apinioníri , vrb: apinnioniri Definizione tènnere apinionis, su si pònnere pentzamentos, arreolos timendho calecuna cosa Sinonimi e contrari apensamentai Frasi intendendu custus fuedhus su rei Erodi si fut apinioniu e, pinnigaus totus is capus de is sacerdotis e is iscribbas, dhis iat domandau in cali logu depiat nasci su Messia (Ev)◊ calancunu fut meda apentzamentau e apinnioniu Etimo srd. Traduzioni Francese alarmer Inglese to alarm Spagnolo alarmar Italiano allarmare Tedesco alarmieren.

apinnicàdu , agt Definizione chi tenet pinnicu, chi dhue pentzat a is cosas Sinonimi e contrari apensamentau, impensamentau, orioladu, pistichinzosu | ctr. discodiau, discoidosu, trancuillu Etimo srd.

apinnicàre , vrb Definizione istare in pinnicu, tènnere o su si pigare arreolu, pentzamentu Sinonimi e contrari apensamentai, oriolare Etimo srd.

apinniciàre , vrb Definizione fàere a o unu pinníciu, una pubada o cannugada Etimo srd.

apinnícu , nm: pinnicu* Definizione idea, pentzamentu po calecuna cosa in su sensu de àere presse, arreolu, coment'e timendho o isperandho Sinonimi e contrari apensamentu, apinioni, arraolu, cimbella, intabatzu, pedine, pennítziu, pestighinzu, presse, spinnicu | ctr. descuidu Frasi sa tardantza tua mi poniat in apinnicu ◊ mi beniat gana de abboghinare pro cussos malos apinnicos Traduzioni Francese préoccupation, hâte Inglese urgency Spagnolo apremio, preocupación Italiano preoccupazióne, premura Tedesco Sorge, Bemühung.

apinnigonài , vrb Definizione fàere a pinnigas o gajas totu paríviles de largària e longària, foedhandho de bestimentu Sinonimi e contrari aggajai, apeciare, illetimare, infrinzire, pressare.

apinniocàre , vrb Definizione tènnere apinniocu Sinonimi e contrari apentare Frasi dàeli cussu zogu, a su pitzinnu, gai si apinniocat! Etimo srd.

apinniócu , nm: pinniocu Definizione cosa po istare faendho, mescamente po gustu, ispàssiu, cosa lichitosa a papare; in cobertantza, cosa trebballosa, ifadosa, chi giaet tropu it'e fàere, it'e pentzare Sinonimi e contrari apentu / apicónia 3. e andhe apinniocu chi ti as leadu, ocannu! Traduzioni Francese passe-temps Inglese plaything Spagnolo pasatiempo Italiano trastullo Tedesco Zeitvertreib.

apinnioníri apinioníri

apinnonaméntu , nm Definizione su apinnonare Etimo srd.

apinnonàre , vrb Definizione pònnere a pinnone, su si parare prantaos; andhare a una filada, a una bandha Sinonimi e contrari impinnonare, punnai Frasi si est apinnonadu in sa gianna ◊ su batu at apinnonadu sa coa 2. sa robba est apinnonendhe a s'abba ◊ as a bídere torra apinnonendhe sa nae tua a sa terra chi isetat Etimo srd. Traduzioni Francese dresser Inglese to raise Spagnolo erguir, levantar Italiano rizzare Tedesco aufrichten.

apinnotàu , agt Definizione nau de animale, chi portat sa coa in mesu de is cambas, timendho.

apinnulàre , vrb Definizione apirastrare, ammadurare is ogos Sinonimi e contrari acrabionare, ispalpedhare, sparrunchiai Etimo srd.

apinociàu , agt Definizione chi costumat a bestire bene meda, a braga Sinonimi e contrari alleputziu, apomponissau, apupuxadu, impobunau, lussadu.