A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

apiliadúra , nf Definizione apílliu, disizu Frasi mi as brivadu de s'apiliadura, de su gustu de dare e leare (P.Giordanu) Etimo srd.

apiliàre , vrb rfl: apilliare Definizione bènnere su disígiu, pigare a disígiu, disigiare forte, pedire ccn. cosa (o fintzes gente, agiudu) chi s'iat a bòllere; fintzes atacare, andhare o cúrrere aifatu po cracare Sinonimi e contrari apeliai Frasi si est apilliadu a li dare cosa ◊ sos fizos si sunt apiliados a sa mama ◊ sa ulturina si est apiliada a su mortorzu ◊ ite balet cust'umanu apiliare sentza ischire pro pòdere isperare si avreschet un'àteru manzanu? (G.A.Salis)◊ a sos carvonajos si apillieit a li dare su carvone ◊ so apilliadu a erba ◊ ti ses apilliadu a una castigada: no agataias una fémina menzus?! 2. donzi borta chi bogo a pizu carchi faina paret chi si mi apíliet su malejanu ◊ si li sunt apilliados sos canes che dimónios Etimo itl. appigliare Traduzioni Francese désirer ardemment Inglese to have a strong wish, to ask insistently Spagnolo anhelar, pedir con insistencia Italiano avére fòrte desidèrio, chièdere con insistènza Tedesco wünschen, eindringlich bitten.

apilicàda , nf Definizione logu a punt'in susu Sinonimi e contrari alciada, altzadòglia, ampuada, muntada, petorru, picada, pigadorza | ctr. cabada, falada Etimo srd.

apilicadòre , agt, nm Definizione chi si apílicat, chi costumat o est bellu a si apiculare po artziare a logu; unu chene regréssia, chentza bregúngia e a face de sola, chi istat sèmpere apedhiau a dhi giare cosa Sinonimi e contrari apiciurradore / merendhone Frasi sa martinica est un'animale apilicadore 2. merendhones, apilicadores, pudhos de casta, manicandhe a bator barras! Terminologia scientifica ntl Etimo srd. Traduzioni Francese grimpeur Inglese climber Spagnolo trepador, escalador Italiano arrampicatóre, scalatóre Tedesco Felskletterer.

apilicadúra , nf Definizione su apilicare Sinonimi e contrari aperrintzadura, apilicu Etimo srd.

apilicàre , vrb: apiligare, aplicare 1 Definizione artzare a ccn. logu o a ccn. cosa, in artu, aguantandhosi cun is manos fatas a cancarrone o a gànciu; camminare o andhare a pelei in pesada Sinonimi e contrari acadhai, alciare, ampiai, apicai, apichedhai, apiculai, apiliconare, apitzuligare, apugiai / ampilare Frasi sos pitzinnos si che apilicabant in su muru ◊ si sunt apilicadas pro basare sos pedes a su Redentore ◊ andhamus che furmicas, apiligados a filichedhos ◊ isse si apiligaiat a sos cànnaos de sas campanas ◊ che sunt apilicados a supra sua ◊ si che sunt apilicados a un'élighe ◊ sos funnos comente est colatu su focu si fint fortzicatos e apiligatos apare ◊ ti ses apiligadu a su carrotzone 2. si nche bidiant sas féminas apilicandhe in cudhu punta a susu Traduzioni Francese grimper Inglese to climb Spagnolo trepar, encaramarse Italiano arrampicare Tedesco klettern.

apiliconàre , vrb Sinonimi e contrari apichedhai, apicocai, apiculai, apilicare Etimo srd.

apilícu , nm Sinonimi e contrari apilicadura Etimo srd.

apilída , nf Definizione su apilliare, genia de disígiu, de domandha, de pedidura chi si faet 2. deo puru apo apilidas e non abbasto a cuntentare a totus! Etimo srd.

apiligàre apilicàre

apiliscàdu , pps, agt Definizione de apiliscare; chi est disigiandho calecuna cosa a papare / soru a. = arriscotu essiu mali, asciutu, ca dh'anti lassau a budhiri: su bellu ndi àrtziat sentza de pesai búdhidu Sinonimi e contrari asciutu.

apiliscadúra , nf Definizione su èssere apiliscados, su s'intèndhere coment'e asciutos, cun sa buca asciuta Sinonimi e contrari asciutore Etimo srd.

apiliscàre , vrb: piliscare* Definizione fàere a pilisca, asciutu che pilisca Sinonimi e contrari asciutai.

apíliu apéliu

apílla , nf Traduzioni Francese petit bouquet Inglese bunch Spagnolo ramito Italiano mazzétto Tedesco Bündel.

apillàda , nf Definizione crufessone manna de gente Sinonimi e contrari afollamentu, apubulada, atrepógliu, atrupamentu Frasi totu sa siendha cosa sua fiat un'apillada de fillus (F.Pes) Etimo srd. Traduzioni Francese entassement Inglese heap, crowd Spagnolo muchedumbre Italiano ammuchiata, fiumana di gènte Tedesco Menschenstrom.

apilladúra , nf: apizadura Definizione su apillare, su èssere a pígios; fintzes su bogare a pígiu in su sensu de numenare a ccn. Etimo srd. Traduzioni Francese stratification Inglese stratification Spagnolo estratificación Italiano stratificazióne Tedesco Schichtung.

apillài , vrb: apillare, apixari, apizare Definizione pònnere sa cosa a pígios, a pígiu pígiu, unu in pitzu de s'àteru a muntone, pònnere su pígiu; artzare a pígiu de pitzu; a logos, fintzes isserrare de su corpus Sinonimi e contrari abbigai, acasidhai, acastedhare, ammuntonae, apirare Modi di dire csn: apillaisí a istrintu = istare o pònneresi in afissu; apillai sardina = pònnere sardina a pizos Frasi su pane de fresa apustis assadu si apizat ◊ sa ní est calandu a tzàpulis abbellu abbellu apixandu… (L.Pirarba) 2. nci afungat in s'àcua e ndi torrat a apillai 3. a papai figamoru meda apillat, ma fintzas su casu fait apillai Etimo srd. Traduzioni Francese stratifier, entasser Inglese to stratify, to stow Spagnolo poner en capas, estibar Italiano méttere a strati, stratificare, stivare Tedesco aufschichten, zusammendrängen.

apillài 1 apigliài

apillaméntu , nm Definizione su apillare, su pònnere a muntone, a pígios Sinonimi e contrari apilladura Etimo srd.