A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

atongínu , agt: atonzinu, atunzinu Definizione de s'atóngiu Sinonimi e contrari atongiali Frasi sas nues passizant in artu, s'intendhet su friscu atonzinu (P.Mura)◊ mi ant dadu assustu su fritu punghinosu e su mufore de una die atunzina Etimo srd. Traduzioni Francese automnal Inglese autumnal Spagnolo otoñal Italiano autunnale Tedesco herbstlich, Herbst.

atóngiu atógnu

atóngiu 1 , nm Definizione provista de frutuàriu sicau (figu de giuncu, pilarda, figumorisca e àteru) chistiu po papare in ierru Frasi totus faiant s'atóngiu de figu e de figumoro (L.Monni)◊ s'atóngiu de figu e sa pilarda de pruna dh'apu arrimau aintru de sa càscia Etimo srd.

atonicàre , vrb: atunicare Definizione su si meravigliare, ispantare meda Sinonimi e contrari ilmeravizare, isbaudire, ispantai, meraitzare, mirificai.

atonníle atongíle

atonomía , nf: autonomia Definizione nau de unu pópulu, podere de si fàere is leis issu etotu, de si guvernare a solu, de manu sua, a manu sua; pràtiga istórica de amministratzione regionale chi nudha tenet de indipendhéntzia in cantu s'istadu chi dha cuncedit dha controllat deunudotu in su chi prus contat. Su foedhu si manígiat fintzes foedhandho de sa síngula persona po totu su chi no dipendhet o no depet dipèndhere de àtere Sinonimi e contrari indipendhéntzia / regionalismu Frasi s'autonomia no est una cosa in prus, un'ispétzia de casu fratadu o de pimentu chi si podet o no si podet ponner pro facher prus licantzu su gustu: s'autonomia est su gustu 2. sa Sardinna tenet una autonomia fartza, chi est dipendhéntzia Traduzioni Francese autonomie Inglese autonomy Spagnolo autonomía Italiano autonomìa Tedesco Autonomie.

atonostàdu , pps, agt Definizione de atonostare; chi est che ammarmurau de su dolore, de su dispraxere Sinonimi e contrari atrudiu, trassicu 2. sa bidha intrea fit atonostada: s'intendhiat solu su lamentu de s'isposa ca li aiant mortu s'ómine (S.Saba).

atonostàre , vrb Sinonimi e contrari atordire, trassicare.

atontadúra , nm Sinonimi e contrari atontamentu, aturdimentu Frasi ite seis istrecandho? Bosi est calau Peilébiu e eis drommiu a atontadura! Etimo srd.

atontài , vrb: atontiai, atontare Definizione fàere o essire tontu, fàere a tontu, istare coment'e ammammalucaos chentza cumprèndhere Sinonimi e contrari abbambanai, abbrabbalucai, abbucallotare, ammacocae, ammammalucai, atolondrai, atontixinare, collonare, improsae Frasi sas criaduras no si depent iscúdere, ca las atontat ◊ cussu mobetzugu tontu… a nosu fiat acanta de atontai! ◊ a cussu piciochedhu dh'atóntiant a corpus Etimo spn. Traduzioni Francese abrutir, abêtir Inglese to stun Spagnolo atontar Italiano intontire Tedesco betäuben.

atontaméntu , nm Sinonimi e contrari atontiadura, atontononzu, aturdimentu Etimo srd. Traduzioni Francese abêtissement, abrutissement Inglese dull feeling Spagnolo atontamiento Italiano intontiménto Tedesco Betäubung.

atontàre atontài

atontàu , pps, agt Definizione de atontare Sinonimi e contrari abbentau, ammincau, atolondrau / cdh. intuntitu Frasi sos banzos l'ant atontadu 2. no istes gai atontadu: bae e faghe sa cosa! Traduzioni Francese abruti Inglese stunned Spagnolo atontado Italiano intontito, istupidito Tedesco betäubt, verblödet.

atontiadúra , nf Sinonimi e contrari atontamentu, atontononzu, aturdimentu Etimo srd.

atontiài atontài

atontinàdu , agt Definizione chi est coment'e atontau, chi no est atuandho, immadoinau Sinonimi e contrari istronadu Frasi su muscone a su corpu est rutu a terra atontinadu Etimo srd.

atontixinàre , vrb Sinonimi e contrari ammammalucai, atolondrai, atontai Etimo srd.

atontonàre , vrb: atuntonare Definizione coment'e atontare etotu, fàere a tontone Sinonimi e contrari abbalaucare, abbanghelare, abbelare, abberelare, atolondrai, iselentare, istronae, isturdinare, scilibriri, stolondrai 2. sa pitzinna, iscontzadu su fatuzu, fit ancora atontonada e débbile ca in tres dies no aiat manigadu nudha Etimo srd. Traduzioni Francese abasourdir Inglese to astonish Spagnolo aturdir Italiano sbalordire Tedesco verblüffen.

atontonónzu , nm Definizione su atontonare Sinonimi e contrari atontamentu, atontonu Etimo srd.

atontónu , nm Sinonimi e contrari atontamentu, atontononzu Etimo srd.