A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

caticiòba , nf: gaticiola* Definizione c. de còscia = faciabi de còscia, ufradura a is gràndhulas de ímbenas Sinonimi e contrari arràndula, giàngula, gràndhula, làndora Terminologia scientifica crn.

càticu , nm, nf: càtiga, càtigu Definizione su catzigare / a c. = nau de cosa, chi portat pesu in pitzu o istat in istrintu meda Sinonimi e contrari acracigu, calcighinzu, iscàticu Modi di dire csn: una càtiga de zente = zente meda, a muntones, a càtiga muredhu, unu subra de s'àteru azummai che a sas pedras de unu muru; pònnere una cosa a càtigu = asuta, asuta de is peis Frasi sa zente in crésia bi fit a càticu, a càtiga ◊ no bi ndhe ponzas meda ca a càtigu si pistat, sa figu ◊ bi est acudida piús zente de sa chi bi podiat istare: meràculu si no bi ndhe at mortu a càtigu! ◊ sa sue a càtigu s'at mortu unu porchedhu 2. si l'at posta a càtigu sa cosa bona! Terminologia scientifica Etimo srd. Traduzioni Francese piétinement, serré Inglese trampling, pressed, tight Spagnolo pisado, estrecho Italiano calpestìo, pigiato, strétto Tedesco Getrappel, gedrückt, eng.

catièra , nm Sinonimi e contrari gatiéria, mandronia.

catífa , nf Definizione su tapeto chi si ponet in s'artare, in crésia Terminologia scientifica prdc Etimo ctl. catifa Traduzioni Francese tapis d'autel Inglese altar carpet Spagnolo sabanilla de altar (catifa) Italiano tappéto dell'altare Tedesco Altardecke.

càtiga càticu

catigadòre cacigadòri

catigadórzu , nm: catzigadolzu Definizione logu inue si passat a meda, chi si càtzigat tropu; fintzes su istare catzigandho, passandho a tantas bortas Frasi sas iscrapas noas no ti dhas ponzas a catzigadolzu! Etimo srd.

catigadúra cacigadúra

catigaméntu carcigaméntu

catigammuntòne, catigamuntòne , nm Definizione gente a meda, a tropu in pagu logu, a càtzigu / rúere, mòrrere a c. = a unu muntone, in medas totus impare, a muntone Sinonimi e contrari catigamuru, ingarriu 2. canno lis ant betau su contu de pagare sunt mortos totu a catigamuntone! Etimo srd. Traduzioni Francese cohue Inglese crowd Spagnolo gentío, muchedumbre Italiano rèssa, fòlla Tedesco Gedränge.

catigamúru , nm Definizione gente a meda in pagu logu, a càtzigu Sinonimi e contrari apretone, arrufa, catigammuntone Etimo srd. Traduzioni Francese cohue, presse Inglese throng Spagnolo gentío, muchedumbre (f) Italiano calca Tedesco Gedränge.

catigàre cacigài

catigàti , nm: gatuggatu Definizione su toca toca chi si faet segundhu is tretos de sa carena po fàere erríere a unu Sinonimi e contrari cagaitas, chilighili, chitirighítili, corigori, sintzirigu, tzillidetzíllighe, tzintzirighilli Etimo srd.

catighèra , nf: catzighera Definizione su catzigare; genia de cadriga ue si ponet su sacu de s'àghina a dha catzigare; logu inue s'iscàrchiat su furesu Sinonimi e contrari caticadura / calchera Frasi in cabidanni est tempus de catighera 2. riu riu bi fint sas catigheras pro mazare su furesi a su puntu de lu pòdere impreare ◊ su catigherarzu, pro batire su fresi a catighera, istat meses e meses in ziru Etimo srd. Traduzioni Francese foulage Inglese crushing Spagnolo pisa Italiano pigiatura Tedesco Keltern.

catigheràrzu , nm Definizione chie càtzigat o trebballat su furesu po dhu ammodhigare Sinonimi e contrari cacigadori, cracheraju, iscarchiadore Frasi si ti la boltas cun catigherarzos o cun calchi crabita de domo tua sentza bi aer sustàntzia ne resa, no betes bandhos falsos cun vilesa! (P.Murone) Terminologia scientifica prf Etimo srd.

catigónzu , nm Sinonimi e contrari calcighinzu, carcigamentu Etimo srd.

càtigu càticu

càtiri , nm: catre, catri Definizione genia de letu fatu de linna, cun is tàulas de su fundhu incasciadas in is costaos e cun is costaos artos in tres latos; fintzes mobbília po cicire Sinonimi e contrari letu / otomana Frasi est dormendi in càtiri de òru ◊ de mi nd'iscidai disigiamu s'ora po no riposai in càtiris de fogu ◊ ge at a èssi cosa de nci passai sa noti… mi at a parri de portai púncias in cussu catiredhu! 2. si nci est ghetau in su catiredhu e aconcau s'est (G.Pili) Terminologia scientifica mbl Etimo ctl., spn. catre Traduzioni Francese lit de camp Inglese campbed Spagnolo catre Italiano branda Tedesco Feldbett.

catirúju , nm Definizione su podhibodhi de is frores, su chi arregollet s'abe Sinonimi e contrari galureu, leu, melereu, pódhine 1, podhinedhu Terminologia scientifica rbr, sbs Traduzioni Francese pollen Inglese pollen Spagnolo polen Italiano pòlline Tedesco Pollen.

catíu , avb Definizione a c. = medas bortas, de sighiu, fatuvatu Frasi de cussu no si ne papat a catiu ca faghet male (A.Cossu)◊ su pische a ne papare a catiu no mi aggradat.