A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ciài 1 , vrb: giai, zare Sinonimi e contrari dae* 1, donai, gionai.

ciài 2 ciàe

ciaíbbu! , agt, iscl Sinonimi e contrari séliu / múcicu!, múciu, mudu!, mutu!

ciaitàre , vrb: craitare, giaitare* Definizione pònnere is craos, firmare calecuna cosa a craos / pps. de craitare: cràitu Sinonimi e contrari cioitare, cravillai, inclavai, incraitare, obbilai | ctr. ilgiaitare Frasi at ispiegadu s'iscravamentu de Cristos pro l'ammentare ciaitadu in sa rughe ◊ pariamus ciaitados a sa cadrea, mudos, iscurtendhe sos contos.

ciamàda , nf: cramada, giamada Definizione boghe po tzerriare, su tzerriare naendho su númene de ccn. chi si bolet Sinonimi e contrari ciamu, clàmida, giàmida, giuilada, làmidu, mutia, mutinzu Etimo srd. Traduzioni Francese appel Inglese call Spagnolo llamada Italiano chiamata Tedesco Ruf.

ciamàre , vrb: cramai, cramare, cramiai, giamare Definizione pònnere sa boghe, betare boghe naendho su númene de ccn. po chi bèngiat, get atentzione o atendhat a calecuna cosa; giare o pònnere unu númene a unu o a calecuna cosa; betare o pònnere boghes a lamentu in crica de agiudu o fintzes contra a ccn. coment'e maleighendho; mandhare a nàrrere calecuna cosa de fàere a ischire / pàrriri cramendi giustítzia = èssere a boghes, iscramendhe, pedindhe Sinonimi e contrari abboigare, atzerriai, betogare, giubilare, lamai, muntire, tzerriai / pedie, invocai Frasi candho colas in carrela cràmami ◊ no lu crames ca no che at bisonzu de isse puru ◊ a isse lu cramant a totue ca est àbbile meda ◊ cramade a mastru Antoni! 2. sos istudiosos ant ciamadu "scarto semantico" sa mancàntzia de ligàmene tra s'istérria e sa torrada de sos mutos 3. dhu cramu cantus grammus de petza portat asuba, ca est portendumí a su puntu de mi fai cundennai! Etimo ltn. clamare Traduzioni Francese appeler Inglese to call Spagnolo llamar Italiano chiamare Tedesco rufen.

ciamàrra, ciamàrru , nf: aciamarra Definizione genia de trastu a bestire asuba: est una pedhe conciada cun sa lana e fata coment'e una giaca chentza bratzos Sinonimi e contrari bestebedhi, besti Terminologia scientifica bst. Etimo spn. chamarra.

ciambàre : cambiài

ciambellósu , agt: cimbellosu Definizione chi tenet cimbella, pentzamentu, est dispràxiu Sinonimi e contrari impensamentau, penciamentosu, pistichinzosu Frasi no sias ciambellosa de is cosas passadas! ◊ nosu naraus "cimbellosu" e bollit narri a èssiri pentzamentosu.

ciambellòtu , nm: sciambellotu, tzambellotu Definizione tela téssia cun pilu de craba Terminologia scientifica ts Etimo itl. ciambellotto.

ciambràna cembràna

ciàmbu càmbiu

ciampanèlla , nf Definizione papada in cumpangia Sinonimi e contrari pichetada, rebbota.

ciampaúrru , nm Definizione ómine pitichedhedhu e cannàile, fine; fintzes sa trota de naschidórgiu Sinonimi e contrari trotischedhu, tzurrita Terminologia scientifica zcrn.

ciampudhéri , agt, nm Definizione maistu chi trebballat male in s'arte sua, a improdhu Sinonimi e contrari afioncadori, atzorodheri, ciaputzeri, impiasteri, improdheri Frasi pro ischire si unu est mastru bonu o ciampudheri bastat de abbaidare su trabàgliu chi at fatu!

ciàmu , nm Sinonimi e contrari ciamada, clàmida, giamada, mutinzu Frasi a su ciamu de s'untulzu curret cun sos canes Etimo srd. Traduzioni Francese rappel Inglese recall Spagnolo llamada Italiano richiamo Tedesco Ruf.

cianàbara canàbara

cianài cenài

ciancànu , agt, nm: tzancanu Definizione chi o chie andhat a tzopu; fintzes maladia Sinonimi e contrari tzopu / anciulia Terminologia scientifica mld Etimo itl. Traduzioni Francese bancal, ankylose Inglese limping Spagnolo renco, rengo Italiano sciancato, anchilòsi Tedesco hüftlahm, Gelenkversteifung.

ciancarronàda , nf: tzancarronada* Definizione aconcada maca, fatura de tzancarrones Sinonimi e contrari aconcada, acucada, garrafatoni, isconcata, isconchinada, machighinada, meleda.