A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ciapítu , nm Definizione logu in sa domo, aintru o fora, a ue si essit Sinonimi e contrari apitu 1, cortiledhu, cortita, passadissu Terminologia scientifica dmo.

ciàpu , nm: (su c. = nr. suciàpu) ciàpulu, sàpuli, tàpulu* Definizione orrughedhu de orrobba chi si cosit a unu bestimentu po acónciu / min. ciapuedhu Sinonimi e contrari istràciu, napuitu, taparatu Frasi nemos cosit apíciu de unu bestignu béciu unu ciàpulu de pannu nou.

ciapuédhu, ciapulédhu , nm Definizione min. de ciapu, ma mescamente genia de macarrone: is ciapuedhus o tzapuedhus funt macarrones fatos a manu, de chivarzu (ma no solu), orrughedhos de pasta alladiada segada a orrughedhos Frasi a papai eus fatu ciapuledhus a casu furriau Traduzioni Francese genre de pâtes courtes Inglese a kind of macaroni Spagnolo clase de pasta corta Italiano un tipo di pasta córta Tedesco eine Art Makkaroni.

ciapússu , agt, nm: aciapúciu, ciaputzu, tzaputzu Definizione maistu chi trebballat male, chi faet improdhos Sinonimi e contrari abbunzosu, afioncadori, ciaputzeri, coredheri, impiasteri, improdheri, indrovigosu Frasi as fatu fai dus arrangixedhus a genti ciaputza! Etimo srd.

ciaputzài , vrb: aciapuciae, ciaputzare Definizione fàere cosas, trebballos, a improdhu, male, che is ciaputzos Sinonimi e contrari abbaunzare, aciarollai, acoredhai, afioncai, afrochedhare 1, allarodhai, cianfainare, improdhai, inciapugliare, indrovigare Etimo spn. chapucear.

ciaputzamènti , avb Definizione a sa manera de is ciaputzos, male Frasi cussu sonat s'istrumentu ciaputzamenti Etimo srd.

ciaputzàre ciaputzài

ciaputzéri , agt, nm Definizione maistu chi trebballat male, a improdhu Sinonimi e contrari abbunzosu, aciapinadori, aciorodhosu, afarringiadori, afioncadori, atzorodheri, ciaputzu, coredheri, impiasteri, improdheri, indrovigosu Etimo spn. Traduzioni Francese incompétent Inglese incompetent Spagnolo chapucero Italiano incompetènte nel pròprio mestière Tedesco unerfahren.

ciaputzería , nf Definizione trebballu de ciaputzu, fatu a improdhu, male Sinonimi e contrari abbaunzu, abbunzadura, aciarodhu, afioncu, coredhu, impiastru, inciapudhu, inciorodhu, indróvigu Etimo srd. Traduzioni Francese travail mal fait Inglese mess Spagnolo chapuza, chapucería Italiano lavóro mal fatto Tedesco Pfuscherei.

ciapútzu ciapússu

ciàra , nf: giara* 2 Definizione sa parte bianca de s'ou Sinonimi e contrari àbriu 1, allúmene.

ciarabàllu ceravàlliu

ciaramèdha , nf, nm: ciaramedhu, tzaramedha Definizione chistionu, prus che àteru chentza cabu e ne coa, boghes de gente a chistionu, lega, bodheta Sinonimi e contrari apísciulu, argiolu 1, bàdula, ciaciarra, lúlluru, paraleta, ragàglia / argioleri / bodheta, naravèglia Frasi in sos ciaramedhos insoro si faedhaiat finas de cosas importantes ◊ resessimos a evitare ciaramedhos, disgràscias e ispesas ◊ e cantos ciaramedhos cunfidados in annos de fainas tra amigos disizosos de lorodhos!…◊ ischire si fit fàula cheriat su ciaramedhu chi aiant bogadu (A.Rubattu) Etimo itl. ciaramella Traduzioni Francese bavardage, chahut Inglese uproar Spagnolo (cirimía), charla Italiano ciarla, cagnara Tedesco Gerede, Krach.

ciaramedhàre , vrb Definizione istare a chistionu ma cun pagu sustàntzia, tanti po foedhare, naendho cosas de pagu importu Sinonimi e contrari argiolae, arrallai, badaciare, badulare, ciaciaredhare, friganzare, paraletare, tricatare Frasi istaiant ciaramedhendhe subra de sos difetos suos prusaprestu che de ndhe ammentare sos valores Etimo itl. ciaramellare Traduzioni Francese babiller, bavarder Inglese to chat Spagnolo charlar Italiano blaterare, cianciare Tedesco schwatzen.

ciaramédhu ciaramèdha

ciaramènte , avb Definizione in manera ladina, crara Sinonimi e contrari sardusardu Etimo srd. Traduzioni Francese clairement Inglese clearly Spagnolo claramente Italiano chiaraménte Tedesco deutlich.

ciaravàllu ceravàlliu

ciarésia, ciaréxia carésia

ciarína , nf Definizione imbriaghera: èssere in c. = imbriagu, bufadu Etimo itl. chiarina.

ciarizàre , vrb: crarizare Definizione castiare de unu tretu artu, de ue si podet bíere craru su logu totu a inghíriu o ccn. cosa chi si est cricandho / crarizaresila = abarrai castiendi bèni Sinonimi e contrari aciarizare, disocrare, isperare 1, palmizare Frasi dae inoghe za faghet, mih, a crarizare, artu comente est! ◊ so crarizendhe a bídere si poto sebertare su bestiàmine meu in cussas costas Etimo srd. Traduzioni Francese scruter loin Inglese to scan far-off Spagnolo escrudriñar Italiano scrutare lontano Tedesco in der Ferne beobachten.