A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ciachitài , vrb Definizione tzochitare, giare o fàere cropighedhos cun su sedatzu o àtera aina trebballandho Sinonimi e contrari tzocare Frasi s'intendit su sedatzu ciachitendi, cerrendi sa farra Etimo srd.

ciachitaméntu , nm Definizione su ciachitai, mòvere a iscutuladas Sinonimi e contrari issúculu, sachedhadura Etimo srd.

ciàciara , nf: ciànciara, tzàntzara Definizione boghes chi s'intendhent a meda de gente foedhandho, a chistionu / lassare a unu in ciàciaras = lassàrelu solu, lassaidhu a perdi Sinonimi e contrari apísciulu, argiolu 1, arralla, bàdula, ciaciarra, ciaramedha, ciarra, lillora, lúlluru, paraleta, prafata, ragàglia Etimo spn. chàchara Traduzioni Francese bavardage Inglese chatter Spagnolo charlas Italiano chiàcchiera, ciarla Tedesco Gerede.

ciaciaràda , nf: ciaciarrada Sinonimi e contrari argiolada 1, colessada, crastulada, foxilada, prafatada, tzarrata Etimo srd. Traduzioni Francese causerie Inglese chat Spagnolo charla, conversación Italiano chiacchierata Tedesco Plauderei.

ciaciarài, ciaciaràre , vrb: ciaciarrai, ciaciarrare, tzantzarare Definizione istare a chistionu cracu ma cun pagu sustàntzia, foedhandho tanti po nàrrere calecuna cosa, po su gustu de foedhare Sinonimi e contrari argiolae, arrallai, badaciare, badulare, ciaramedhare, crallatai, friganzare, itzarralai, paraletare, prillissai | ctr. cagliare, citire Frasi fiant ciaciarrendi, chistionendi de su tempus, de sa genti e de tantis atras cosas ◊ no ciaciarrànt prus a fuedhus ma cun làgrimas chi calànt in is trempas che funtanedhas de arriu ◊ los aimis bidos in piata ciaciarrendhe cun àtere Etimo spn. chacharear Traduzioni Francese bavarder, babiller Inglese to talk in low voice Spagnolo chacharear Italiano parlottare Tedesco tuscheln.

ciaciarèdha , nf Sinonimi e contrari ciaramedha, laredha, trepedha Etimo srd. Traduzioni Francese bavardage Inglese idle-talk Spagnolo charla Italiano ciància Tedesco Geschwätz.

ciaciaredhài, ciaciaredhàre , vrb: ciaciarredhai Definizione foedhare chentza contu e chentza cabu, passare de una cosa a s'àtera a s'afaiu Sinonimi e contrari ciaciarai, ciaramedhare Etimo srd.

ciaciaréri , agt, nm: ciaciarreri Sinonimi e contrari argioleri, badaceri, càdara, ciaciarone, ciaramedha, faduile, foxileri, illanadu, paraletadore, tàcula, tzarrantinu | ctr. mudulone, mudurcu Terminologia scientifica ntl Etimo spn. chacharero Traduzioni Francese verbeux, parleur Inglese tattler Spagnolo chacharero Italiano parolàio Tedesco Schwätzer.

ciaciaròne, ciaciaròni , nm: ciaciarroni Definizione chie istat sèmpere foedhandho, no chellat mai, est sèmpere a chistionu Sinonimi e contrari argioleri, badaceri, barrosu, càdara, ciaciareri, ciaramedha, ciarrone, ciavanone, faedheri, illanadu, paraleta, paraletadore, tàcula Frasi ses betzu, ciaciarone e presumidu Terminologia scientifica ntl Etimo spn. chacharón Traduzioni Francese verbeux, parleur Inglese chatterbox Spagnolo chacharón Italiano parolàio Tedesco Schwätzer.

ciaciàrra , nf Definizione su istare foedhandho chentza importu, a boghe arta, meda Sinonimi e contrari apísciulu, argiolu 1, bàdula, ciaramedha, ciarra, lúlluru, paraleta, ragàglia Traduzioni Francese bavardage, jacasserie Inglese talk Spagnolo charlas Italiano chiàcchiera Tedesco Plauderei.

ciaciarràda ciaciaràda

ciaciarrài, ciaciarràre ciaciarài

ciaciarredhài ciaciaredhài

ciaciarrédhu , nm, agt Sinonimi e contrari ciaciareri, paraletadore Etimo srd.

ciaciarréri ciaciaréri

ciaciarròni ciaciaròne

ciaciàtu , agt: satzau, tzatzatu Definizione tzatzau, chi at papau bene Sinonimi e contrari afiancu, atatu, mascadu, pienu, zibbu | ctr. famidu Traduzioni Francese rassasié Inglese replete Spagnolo harto, lleno Italiano sàzio Tedesco satt.

ciaconàdu , agt Definizione chi tenet ciaca, male, malebigau Frasi est coment'e unu muru ciaconadu e ruendhe.

ciacòne , nm Definizione fossu, calanca naturale (in terra, in s'orroca) Sinonimi e contrari calancolu.

ciacósu , agt: aciacosu* Definizione chi tenet nésiga, ciaca, est sèmpere maladióngiu, chi s'immalàidat meda Sinonimi e contrari iscusosu, maladióngiu, malesanu, maltzaulladu, tacadu, temadu, temósigu, tunconidu, tzimiliosu | ctr. sanu, líaru.