Ditzionàriu in línia
de sa limba e de sa cultura sarda

ciài 1 , vrb: giai, zare Sinònimos e contràrios dae* 1, donai, gionai.

ciài 2 ciàe

ciaíbbu! , agt, iscl Sinònimos e contràrios séliu / múcicu!, múciu, mudu!, mutu!

ciaitàre , vrb: craitare, giaitare* Definitzione pònnere is craos, firmare calecuna cosa a craos / pps. de craitare: cràitu Sinònimos e contràrios cioitare, cravillai, inclavai, incraitare, obbilai | ctr. ilgiaitare Frases at ispiegadu s'iscravamentu de Cristos pro l'ammentare ciaitadu in sa rughe ◊ pariamus ciaitados a sa cadrea, mudos, iscurtendhe sos contos.

ciamàda , nf: cramada, giamada Definitzione boghe po tzerriare, su tzerriare naendho su númene de ccn. chi si bolet Sinònimos e contràrios ciamu, clàmida, giàmida, giuilada, làmidu, mutia, mutinzu Ètimu srd. Tradutziones Frantzesu appel Ingresu call Ispagnolu llamada Italianu chiamata Tedescu Ruf.

ciamàre , vrb: cramai, cramare, cramiai, giamare Definitzione pònnere sa boghe, betare boghe naendho su númene de ccn. po chi bèngiat, get atentzione o atendhat a calecuna cosa; giare o pònnere unu númene a unu o a calecuna cosa; betare o pònnere boghes a lamentu in crica de agiudu o fintzes contra a ccn. coment'e maleighendho; mandhare a nàrrere calecuna cosa de fàere a ischire / pàrriri cramendi giustítzia = èssere a boghes, iscramendhe, pedindhe Sinònimos e contràrios abboigare, atzerriai, betogare, giubilare, lamai, muntire, tzerriai / pedie, invocai Frases candho colas in carrela cràmami ◊ no lu crames ca no che at bisonzu de isse puru ◊ a isse lu cramant a totue ca est àbbile meda ◊ cramade a mastru Antoni! 2. sos istudiosos ant ciamadu "scarto semantico" sa mancàntzia de ligàmene tra s'istérria e sa torrada de sos mutos 3. dhu cramu cantus grammus de petza portat asuba, ca est portendumí a su puntu de mi fai cundennai! Ètimu ltn. clamare Tradutziones Frantzesu appeler Ingresu to call Ispagnolu llamar Italianu chiamare Tedescu rufen.

ciamàrra, ciamàrru , nf: aciamarra Definitzione genia de trastu a bestire asuba: est una pedhe conciada cun sa lana e fata coment'e una giaca chentza bratzos Sinònimos e contràrios bestebedhi, besti Terminologia iscientìfica bst. Ètimu spn. chamarra.

ciambàre : cambiài

ciambellósu , agt: cimbellosu Definitzione chi tenet cimbella, pentzamentu, est dispràxiu Sinònimos e contràrios impensamentau, penciamentosu, pistichinzosu Frases no sias ciambellosa de is cosas passadas! ◊ nosu naraus "cimbellosu" e bollit narri a èssiri pentzamentosu.

ciambellòtu , nm: sciambellotu, tzambellotu Definitzione tela téssia cun pilu de craba Terminologia iscientìfica ts Ètimu itl. ciambellotto.

ciambràna cembràna

ciàmbu càmbiu

ciampanèlla , nf Definitzione papada in cumpangia Sinònimos e contràrios pichetada, rebbota.

ciampaúrru , nm Definitzione ómine pitichedhedhu e cannàile, fine; fintzes sa trota de naschidórgiu Sinònimos e contràrios trotischedhu, tzurrita Terminologia iscientìfica zcrn.

ciampudhéri , agt, nm Definitzione maistu chi trebballat male in s'arte sua, a improdhu Sinònimos e contràrios afioncadori, atzorodheri, ciaputzeri, impiasteri, improdheri Frases pro ischire si unu est mastru bonu o ciampudheri bastat de abbaidare su trabàgliu chi at fatu!

ciàmu , nm Sinònimos e contràrios ciamada, clàmida, giamada, mutinzu Frases a su ciamu de s'untulzu curret cun sos canes Ètimu srd. Tradutziones Frantzesu rappel Ingresu recall Ispagnolu llamada Italianu richiamo Tedescu Ruf.

cianàbara canàbara

cianài cenài

ciancànu , agt, nm: tzancanu Definitzione chi o chie andhat a tzopu; fintzes maladia Sinònimos e contràrios tzopu / anciulia Terminologia iscientìfica mld Ètimu itl. Tradutziones Frantzesu bancal, ankylose Ingresu limping Ispagnolu renco, rengo Italianu sciancato, anchilòsi Tedescu hüftlahm, Gelenkversteifung.

ciancarronàda , nf: tzancarronada* Definitzione aconcada maca, fatura de tzancarrones Sinònimos e contràrios aconcada, acucada, garrafatoni, isconcata, isconchinada, machighinada, meleda.