A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cocodèdha cacódua

cocodrígliu, cocodríle, cocodríllu , nm Definizione genia de animale mannu meda a bisura de tziligheta, perigulosu: faet abbitu in errios mannos tropicales segundhu su continente Terminologia scientifica anar, crocodilus sp.

cocódu cocòde

cocódu 1 , nm Definizione su cocodare de su margiane Sinonimi e contrari gràliu Frasi marjane s'intendhet a cocodos Etimo srd.

cocódula, cocódura cacódua

cocoèdha, cocoédhu , nf, nm Definizione min. de cocòi; genia de druche fatu a caragolu; ómine bàsciu meda e légiu, acocoadu Frasi pro fàere su frammentarzu si lassat una cocoedha tundha Terminologia scientifica pne, drc.

cocói , nm Definizione (in calecunu logu upm) segundu su logu dhu narant a una genia de animaledhu cun su corgiolu, fatu a bisura de caragolu (cocóide pintu), in àteru logu a unu bobboi chentza de corgiolu chi camminat a illascinadura che a su tzintzigorru, ma est longhitu (cocoi nudu)/ fai a cocoi = allorigare, atrotoxai, pinnicai in giru sentza chi unu càbidu torrit cun s'àteru e a girus sempri prus istrintus acostendusí a su centru, fai a caragolu Sinonimi e contrari babbacorra, barbodha, cocóide, cocorra, cocorróciu, cocorróide, croca, gioga, pissigorru 1, portamincorras, sicigorru, tabacorra / babballuca 1 Frasi candho proet essint sos cocois ◊ cocoi cocoi, boga sos corros! ◊ segundhu ue, bi faghent sos cocois aira ◊ sos cocois como los pesant pro los bèndhere ca bi at zente meda chi ndhe chircat ◊ tiu Pepe muru muru fit acogliendhe cocoi chi fit essidu dae sas moridinas e dae sas tupas 2. chei sos cocois faghides, bois, chi essint addaghi proet! ◊ locura est chi presumant sos cocois, ca giughent corros, a pòdere arare! (Cubeddu) Cognomi e Proverbi smb: Coccoi, Cocoi Terminologia scientifica crp Etimo srd. Traduzioni Francese escargot Inglese snail Spagnolo caracol Italiano lumaca Tedesco Schnecke.

cocòi cacòi

cocói 1 cóchi

cocoidàlzu , nm Definizione cricadore de cocois, de tzintzigorros Sinonimi e contrari cocoaju Etimo srd.

cocóide, cocoídu, cocóile , nm: cucóidu Definizione genia de tzintzigorru, biancu, mannu / su c. farrancudu = francusina 2; bogare ispíritu de cocóide = cherrer fàghere s'ispiritosu chentza bi èssere bonu Sinonimi e contrari cocoi, cocolodhe, cocorra Frasi tue chirca cocóide e fenúgiu! Terminologia scientifica crp.

cocoilédhu , nm Definizione genia de petonadura de is pilos de sa fémina chi abbarrant imbodhigaos a cricu tundhu in sa sedha de su cúcuru (unu pagu a cara a daesegus) Sinonimi e contrari cacariolu, ciónciu, cucajone, cucale, cuchedha, cucurinu, picioce Etimo srd.

cocoílla , nf Definizione nau de gente, su istare totus impare postos a bisura de cricu, a inghíriu, a chistionu (nau de su sartitzu, faendhodhu, fàere o pònnere a lobos mannos, a bisura de lóriga)/ fai c. = istare a rodeu Sinonimi e contrari arrodeu, arrógliu 2. is funis de sartitzu andant postas a cocoilla aintru de un'iscivedha Etimo srd.

cocoillài , vrb Definizione pigare s'àteru che unu cochi, pigare a milindros; fintzes abbaidare a ccn. po dhu bòllere, comente si faet fastigiandho Sinonimi e contrari acarignai, allosingai, frandhigare / ammorare, fastigiai Etimo srd.

cocoillèdha , nf Sinonimi e contrari acasàgiu, frandhigu, frandigadura, losinga / ammoronzu, fastígiu Etimo srd.

cocoillédhu , nm Definizione genia de bocighedha pitica, prus che àteru druche (es. orrubiolu, a bisura de bomba de petza).

cocoinínni , nm Definizione bellei de cuadhu (sa sitzia, o pupúntzula froria, groga, si ponet a fàere collanas a is boes e a is cuadhos, in festas de beranu) e fintzes cagarantzu masedu, prus piticu de su pudésciu e bonu a papare (su coromedhu de su cambu, ispuligau) Sinonimi e contrari concuda, pabarantzolu Terminologia scientifica rba, Glebionis segetum Traduzioni Francese chrysanthème des blés Inglese crysanthemum, corn daisy Spagnolo corona de rey, mohino, santimonia Italiano ingrassabùe Tedesco Chrysantheme, Saat-Wucherblume.

cocoínu , agt Definizione de cocoi / èssere, istare a c. = che a su tzintzigorru Etimo srd.

cocojàre , vrb Definizione foedhare a cocoju, achicandho Sinonimi e contrari achicai 1, chechinare.

cocojòni , nm: cucujoi Definizione cúcuru, ma pruschetotu sa piciòcia de is pilos chi is féminas arregollent in su gatzile Sinonimi e contrari cúcuru / concajoni, cucale, cuchedha, picioce Etimo srd.