A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cagarína cacarína

cagasàcu , agt, nm Sinonimi e contrari cacacartzones, cacoi, timarosu, timigiolu | ctr. coragiosu Etimo srd.

cagasúci, cagasútzu cacasúciu

cagatzirríchius , nm Definizione chi istat a tzinchírrios ca timet a tropu Sinonimi e contrari timecaca Etimo srd.

cagavérru , nm Definizione merda de fraile: iscadra de ferru, s'iscartu de su ferru abbrigau in sa forredha o in logu chi iscàgiant ferru Sinonimi e contrari ferríghine, férrina Etimo ctl., spn. cagaferro, cagafierro.

cagaxèra , agt, nm Sinonimi e contrari cacacartzones, cacoi, cagasacu, timarosu, timigiolu | ctr. coragiosu Etimo srd.

cagazechínus , nm Definizione si narat de ómine bàsciu e male fatu Terminologia scientifica zcrn Traduzioni Francese trapu Inglese short and badly formed man Spagnolo achaparrado Italiano caramógio Tedesco kleiner und schlecht gewachsener Mann.

cagentàre, cagentàri caentàre

cagènte caènte

caghète cachète

caghètu , nm Sinonimi e contrari galanseto Traduzioni Francese gommeux, gandin Inglese dandy Spagnolo lechuguino, dandi Italiano damerino Tedesco Geck.

caghinéri cachinéri

caghínu cachínu

cagiagàgia , avb: callagalla, cazagaza Definizione aira, a meda Sinonimi e contrari ghelagghela Frasi nc'est sa genti callagalla, atrupada ◊ cussu gurdoni de àxina est callagalla de frommiga ◊ custus macarronis funt callagalla de bagna ◊ cazagaza de casu, los as fatos, custos macarrones! Etimo srd. Traduzioni Francese fourmillant Inglese swarming Spagnolo hervidero, concentrado, densamente Italiano brulicante, concentrato, densaménte Tedesco wimmelnd, konzentriert, dicht.

cagiàre , vrb: cagliai 1, callai, caxae, cazare Definizione si narat de cosa brodosa, de late, ógiu, e àteru, chi perdendho abba o perdendho calore (o po àteru) si faet prus tostada; nau foedhandho de unu, si narat in su sensu de si currègere, essire sàbiu, lòmpere a calecunu arresurtau bonu Sinonimi e contrari abbeladinare, acragare, aggromare, alleae, ammallorai, apedrare, apiatare, belare, giagare, impagnire, pazare / medrare, medrire | ctr. iscagiae, sòlbere Modi di dire csn: callai a ciorbedhu = essire zudissiosu, sàbiu, cabosu, achistiadu che unu mannu; su cagiau = su callau, preta; cagiare s'ógiu in buca = abbarrare trassidos; cazare una cosa de… = cuguzàrela de…, betàreli carchi cosa a meda, fai callagalla de… Frasi in zerru, comente faghet fritu s'ozu ermanu si cazat ◊ cosa lassada a budhire meda si che cazat tropu ◊ custu binu callat in s'unga ◊ su lati si est callau ◊ sa minestra ca fut ghetada de diora si est callada 2. l'at bidu chi a fàghere male no cumbenit, ma no bi cazat etotu ◊ l'ischis chi andhat male a fàghere gai, ma no bi cazas, no! ◊ tue no bi as cazadu: naras isambrúlios, iscabulada! ◊ s'ómini callat a ciorbedhu a corant'annus ◊ totinduna chi est callendi a ciorbedhu… s'ómini torrat a pipiu ◊ cussa cantzone est serbia a fàere cazare sos sentimentos de sa zente ◊ addaghi at intesu sa senténtzia dhi est cagiadu s'ógiu in buca! Cognomi e Proverbi smb: Callai Etimo itl. cagliare Traduzioni Francese épaissir, coaguler, se cailler Inglese to thicken Spagnolo espesar, condensar Italiano addensare, fare dènso, coagulare, rappigliarsi Tedesco sich verdichten, gerinnen.

cagiàu , pps, nm, agt: callau, caxau, cazadu Definizione de cagiare; su late mortu cun su càgiu; nau de css. cosa, chi che dhi est consumada s'abba (es. brodu); nau de logu po sa gente o animales chi dhue funt, chi ndh'est prenu, totu leau, cagiagàgia Sinonimi e contrari cagliadedhu, pieta / cagiagàgia | ctr. brodosu, isabbisabbi, soltu 2. mi at promintu sa columba de casu dae su primu cazadu 3. su logu est totue cazadu de sordados Terminologia scientifica csu Traduzioni Francese lait caillé Inglese curdled milk Spagnolo cuajada Italiano latte rappréso, quagliato Tedesco geronnene Milch.

cagiòne , nf: acajone, cajone, caxone Definizione motivu o fintzes neghe de unu fàere; fintzes ocasione, su capitare a sola de una cosa, e deosi tempus puru Sinonimi e contrari crupa, neche / bolta Frasi no est mia sa cagione 2. una cajone sa comare anca est abbarrada tempos chene colada mancu in sa carrela Etimo itl. cagione.

càgiu , nm Definizione una de is bàtoro partes de sa bentre de is animales chi orrumigant; su late chi dhue portat su fedu piticu ancora suendho, chi serbit, mescamente candho est sicau, a fàere mòrrere su late po dhu fàere a cagiau e a casu / su c. furriau = zenia de istrobbu chi leat a sas criaduras minudas, candho ndhe torrant su late chi ant sutu Sinonimi e contrari ciagu, cracu Cognomi e Proverbi smb: Caggiu, Catgiu Etimo itl. caglio.

càgiu 1 , nm: caxu 2 Definizione tretu de carre a pígiu de fora intostada a fortza de dhu suíghere o de dhi tocare cosa tostada (e si podet fàere innanti a bubburuca prena de abbadúgia)/ n'est calau che càgiu = (nau de persona) at irromasidu impresse Sinonimi e contrari callu 1 Frasi e cantu càgios mi at fatu in manos, su marrone! (A.Barra)◊ porto unu càgiu in su pè.

cagliàda , nf: callada Definizione su s'istare mudos, citios, su si firmare de foedhare Sinonimi e contrari acaida, cedada, citida | ctr. faedhada Frasi sa cagliada est risposta ◊ fit a chistionu, ma comente li ant nadu cosa at fatu sa callada Etimo srd. Traduzioni Francese action de se taire Inglese action of being silent Spagnolo callada Italiano atto di tacére Tedesco Schweigen.