A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cagòdhi , agt, nm Definizione chi o chie istat sèmpere a paraleta, nau unu pagu a disprétziu Sinonimi e contrari badaceri, ciaciareri, foxileri, paraletadore, tàcula Etimo srd.

cagódu , nm Definizione cosa tundha a us'e birilla / c. de bremis Sinonimi e contrari arrumbuloni.

cagògna , nf: cogogna, cugogna Definizione imbriaghera niedha, manna Sinonimi e contrari cimbrea, inciucadura Frasi como devent pessare fena a sas cogognas bostras, sos de su comune!… Etimo itl. cacona Traduzioni Francese bonne cuite Inglese unforgettable drunkenness Spagnolo borrachera Italiano sbòrnia solènne Tedesco Rausch.

cagòni , nm Definizione chie si cagat timendho dónnia cosighedha, tropu timerosu Sinonimi e contrari cacaredhosu, cacoi, timecaca Terminologia scientifica ntl Etimo srd.

càgu , nm Definizione muntonedhu de merda sicada.

cài càbi

cài 1 , agt, prn: cale, cali Definizione agt. e prn. indefiniu impreau in is pregontas de css. manera fatas: no càmbiat de m. a f., ma solu de su sing. a su pl. (coment'e agt.); su plurale, cun is artículos e chi tenet valore de cng. po ispiegare: su cale, su cali, su (sa, sos, sas) cales chi… = e pro cussu…, difatis…(no tenet valore relativu, mai) Frasi cai cosa ti andat bèni, a tui? ◊ cali mòri pigas po andai a ingunis? ◊ cale bentu ti ndhe at batidu? ◊ ma cale ómine, ma cale fémina?!…◊ cales àrbures est a pudare? chini iscít cun calis ideas nd'iant a èssi torraus! 2. fàghelos totu guales, e no cale goi cale gai! ◊ de custas cosas, cali bolis? ◊ de sos fizos, cale est su cojadu? ◊ tia chèrrere ischire cale ti andhat bene: custu o cudhu ◊ no isco ne chie e ne cale 3. issa est sa prus sàbia e onesta, su cales chi sas bighinas la chircant pro unu cossizu ◊ no bi at istudiadu nudha: su cales chi lu ant botzadu!◊ cussu depet àere finidu sas iscolas, su cales chi lu cherent a triballare in postu ◊ sa mama cosit e tàpulat, su cales sos pitzinnos no andhant in giru istratzulados Etimo ltn. qualis Traduzioni Francese quel Inglese which Spagnolo qué, cuál Italiano quale Tedesco welcher.

caíca, caícu , nf, nm Definizione genia de barchita Frasi in cussa domixedha dhoi at dónnia cosa, parit unu caicu prontu a partiri! Terminologia scientifica trps.

caída cadída

caidhàrgiu , nm Definizione scòrpora caidhus, unu chi furat casidhos Etimo srd.

caídhu , nm: casidhu Definizione genia de aprigu a bisura de tumborru o de casceta fatu apostadamente po niu de s'abe; istrégiu de ortigu coment'e carcida po múrghere; in cobertantza, a logos dhu narant a sa natura de sa fémina / sa parte de aintru de su c. = meséntzia, s'apertura inue s'abe intrat o essit = sa mosta; c. òrfanu = chentza s'abe reina; insedhai su c. = cuncordare su casidhu cun totu su chi dhi dhue serbit Sinonimi e contrari abialzu, bugnu, casa, casidhada, colmena, mógiu, moitedhu, tulu / murghijola Modi di dire csn: ufrare a casidhu, fagheresiche a c. = ufrare meda, nadu fintzas in cuguzu pro arrennegu mannu; segai o ispitzai is casidhus = cincinai, binnennai o bogare su mele; fai sa conca che unu caidhu = che moju, che in moida de rios, dare ifadu faedhendhe a meda Frasi sas abes current totu a su casidhu ◊ candu ispitzat is casidhus bogat meli a cobedinas 2. dh'iat fatu sa conca che unu caidhu ◊ megas de mi fai sa conca cumenti a unu casidhu de abis, cun custus isciollórius! ◊ fit ufradu a casidhu contra a mie e no mi at mancu rispostu 3. comenti nant is pastoris, innòi nci perdeus su lati cun su casidhu Cognomi e Proverbi smb: Casiddu Terminologia scientifica sbs, stz Etimo ltn. quasillum Traduzioni Francese ruche Inglese apiary Spagnolo colmena Italiano alveare, àrnia Tedesco Bienenstock.

caídu , pps, agt Definizione de caire Sinonimi e contrari ischeadu.

caigiòni , nm: caizone Definizione ufradura chi faet sa puntura de sa musca a cuadhos e boes; custa genia de musca etotu; in cobertantza, bisóngiu Sinonimi e contrari babajone, babatzone, papajone, tajone / ampístula, brúgula, dolimazosa, frusca, fustema, postema / malandra / cdh. caicioni 2. aiat pérdidu sa sedha e como si bidiant sas malandras, sos caizones ◊ s'àinu est sempre cun caizones in su corzu ◊ in costas giughiat caizones e mancu l'ant giuntu a beranile 3. su carru tandho mi serbiat, mi ndhe at bogadu tantos caizones Terminologia scientifica crp, tabanus intermedius, chrysops italicus Traduzioni Francese bouton, plaie Inglese sore Spagnolo picadura, habón, tábano Italiano fìgnolo, piaga Tedesco Furunkel.

caillòne , agt, nm Definizione nau de ccn., chi o chie est artu meda e istrígile de carena Sinonimi e contrari giangalloi, iscalandrone Terminologia scientifica crn.

caincúnu cabancúnu

caínu , nm Definizione unu malu che a su Cainu de sa Bíbbia Sinonimi e contrari animiniedhu, boge, malu, zudeu Frasi pro achipire a destrúere su logu, cainos coro de pedra ponent fogu! Traduzioni Francese malfaisant Inglese wicked man Spagnolo malvado Italiano malvàgio Tedesco Bösewicht.

caíre , vrb Definizione istrecare, alladiare cosa po dha trebballare Frasi pro fàghere sos macarrones sa pasta cheret bene caida ◊ finida sa cota de su pane, mamma comintzat a caire sos macarronedhos a úngia.

caíri , vrb Definizione orrúere, ma nau prus che àteru in sensu morale Sinonimi e contrari arrúere Etimo spn. caer.

càisciu , nm Definizione genia de bestimentu de féminas, de pònnere asuta de sa gunnedha e fata a bisura de gunnedha etotu Sinonimi e contrari cànsciu* Terminologia scientifica bst.

caistèdha , nf, nm: canestredha, canistedha, canistedhu, canistredha Definizione de s'istrégiu de fenu (est fata de iscaria), est cussu a costaos bàscios e piticu (unos barantas centímetros de diàmetru) impreau a pònnere prus che àteru cosa de papare, fintzes in mesa (es. su pane) Sinonimi e contrari cherrighedha, palinedha, palini, pobinu Frasi pone duos orzatos in sa caistedha ca immurzamus! ◊ pitzinnu minore ma, si li bocas canistedha, sa parte sua si la fachet che pessone manna! ◊ assupreint sas féminas a ndhe acabidare in cólvulas e canistredhas piatos, istelzos, pane e dulches restados Terminologia scientifica stz Traduzioni Francese corbeille, manne Inglese small basket Spagnolo panero Italiano canestrino Tedesco kleiner Korb.