A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

calacàsu , nm: colacasu Definizione iscova de argiolas o mundha domos: una genia de erba linnosa, fragosa, bona po iscovas a mundhare fora e auscare porcos Sinonimi e contrari alacasu, alluevogu 1, bronzedhu, cocici, locasu, lochera, luchitu, lucrexu, mummueu, ossassi, spinedopis Frasi lea sa fune e bae a batire fàscias de calacasu e de sarmentu a su fogarone! ◊ sas raichinas tenio afunnadas chei sos colacasos in precas de rocas sollanas Terminologia scientifica rbl, Stachis glutinosa Etimo srd. Traduzioni Francese épiaire Inglese betony Spagnolo betónica Italiano stàchide Tedesco Schweinerübe.

calacórru cabagórru

calàda cabàda Frasi

caladògia, caladòlza, caladòrgia , nf: caladorza, caladorzu, caladroxa Definizione logu, orruga, camminu in calada, chi faet andhandho e abbasciandho Sinonimi e contrari abbasciada, achirradorzu, acirrada, betada, cabada, falada, faladorza | ctr. alciada, pigadorza Frasi cussa est una caladroxa mala ◊ a Sa Caladòrgia in bidha dhi narant aingasi poite dhue tenet una calada manna Terminologia scientifica slg Etimo srd. Traduzioni Francese pente Inglese declivity Spagnolo bajada, cuesta abajo Italiano discésa, pendìo Tedesco Abstieg.

caladórgiu , nm Definizione genia de canale de abba próina; tretu o logu, passadórgiu, inue faet a calare.

caladòris , nm pl Definizione trastighedhos chi serbint a pigare istrégiu budhiu postu in su fogu Etimo srd. Traduzioni Francese poignées pour saisir un objet chaud Inglese small grips Spagnolo agarrador Italiano presine Tedesco Topflappen.

caladòrza, caladórzu, caladròxa caladògia

caladúra cabadúra Frasi

calafatài, calafatàre , vrb: calavatare, callifatai, carafatare, caravatare, colivetai, colovetai Definizione istangiare, tupare is istampighedhos de sa linna o de àteru (es. de is barcas, carradas e àteru) Sinonimi e contrari imbovai, istagnai Frasi caravatendhe in s'ànima feridas chi tempus no at pótidu cunzare Etimo itl. Traduzioni Francese calfater Inglese to caulk Spagnolo calafatear, empegar, embrear Italiano calafatare Tedesco abdichten.

calafígu , agt, nm Definizione chi o chie est artu meda e istrígile, finigosu, de carena Sinonimi e contrari giangalloi, iscalandrone Frasi innoghe che fiant cussos calafigos de Tedescos longos longos Terminologia scientifica zcrn.

calafóju , nm: calavoju, colovoju, corovoju, corovozu, gorovoju Definizione fossu mannu coment'e gruta, úrbidu malu; logu de tupas, de malesa craca Sinonimi e contrari calafossu, colovone, ingurtidorju, iscafada, iscaravossu Frasi si sunt isperrumados in sos calafojos (T.Rubattu)◊ apo trouladu in d-unu palinzu e rutu che so in d-unu corovozu chi aiat fatu s'abba (N.Motzo) 3. sas tantas cosas bellas chi mi nesint in s'onore mi ant fatu colovoju! Terminologia scientifica slg Etimo srd. Traduzioni Francese ravin, gouffre Inglese gorge Spagnolo barranco Italiano burróne, inghiottitóio Tedesco Schlucht.

calafóssu , nm: calavossu, caravossu Definizione logu malu, de fossu mannu meda, a úrbidu, iscrébigu Sinonimi e contrari calafoju, iscafada, iscaravossu, strampafossu Terminologia scientifica slg Etimo srd.

calagàsu cabagàsu

calaginàre , vrb: caliginare Sinonimi e contrari acalabiare, acalamai, addormicare, allacanae, allartzanai, allizare, ammustiai, carigai Frasi totu cussu campu fioridu si est caliginadu de botu Etimo srd.

calagórru cabagórru

calagòrus , nm pl: caracolos, caragolus Definizione genia de erba fragosa, po bellesa: faet su frore unu pagu a caragolu Terminologia scientifica frs, Phaseolus caracalla Etimo spn. caracol. Traduzioni Francese fleur tire-bouchon Inglese snail creeper vine Spagnolo caracolillo Italiano caracallo Tedesco Feuerbohne.

calagòsta cabagòsta

calài cabài

calàma , nf Definizione dannu mannu meda Sinonimi e contrari destrossa, digràtzia, disastru, disdícia, sagura, sciacu.

càlama , nf: càrama, carma Definizione ischeadura de su pei e de s'iscarpa tra su cracàngiu e s'ossu de su pódhighe mannu; aina de su sabbateri Sinonimi e contrari fàmixi, grambione, sutagarcàngiu Etimo srd.