Ditzionàriu in línia
de sa limba e de sa cultura sarda

càlama 1 , nf: càlema Sinonimi e contrari basca, cama.

calamacàu , nm Sinonimi e contrari ispérruma Frasi ci nd'iu tentu s'ampramanu nci dh'iu iscavulau in d-unu calamacau! ◊ fut unu calamacau difícili a atruessai fintzas a is crabas Terminologia scientifica slg.

calamadúra , nf Definizione maladia, male, atema Sinonimi e contrari calama Frasi Gesús andàt curendi dónnia casta de maladia e dónnia calamadura (A.Ghiani) Etimo srd.

calamài , vrb: acalamai, calamiai, calemai, callamai, caramai Definizione calàresi de su sicore, po mancamentu de abba, de fortzas Sinonimi e contrari acalabiare, allartzanai, allebigiare, allizare, irdebbilitare / ammaculiare, apirchizonare Modi di dire csn: unu frori caramau, calamiau, follas callamadas = tzédidu, tzédidas de su sicore; c. s'atza = dòrchere, pèrdere s'ata (in suspu, sa capatzidade de s'impònnere, de faedhare) Frasi s'est calemada sa mata 2. gopai Giuanni, bosu gei seis de bon'arratza e no si calamat s'atza che gortedhu arruinau! ◊ seu caramada: no tengu balia de nudha, cun cussu pentzamentu! Etimo srd. Traduzioni Francese se flétrir, affaiblir, se faner Inglese to dry up, to wither, to weaken Spagnolo marchitarse Italiano appassire, infiacchire Tedesco ermatten, welken.

calamàndra , nf Definizione una genia de orrobba, de lana Terminologia scientifica ts.

calamàndria , nf Definizione fuedhu chi narant po nàrrere preitza Sinonimi e contrari preícia, mandronia.

calamarédhu , nm Definizione genia de calamaru Terminologia scientifica anb, loligo media, l. marmorae.

calamàri, calamàru , nm Definizione genia de animale de mare Frasi ammisturu prupu, sépia, pagellu, gallinetas, sorellu, vacas, òrgunus, calamaris… una bella cassola! Cognomi e Proverbi smb: Calamari Terminologia scientifica anb, loligo vulgaris, l. forbesi Etimo spn. calamar Traduzioni Francese calmar Inglese squid Spagnolo calamar Italiano calamaro Tedesco Tintenfisch.

calàmbre , nm Definizione càncaru, dolore forte chi benit a unu músculu chi s'intèterat o intostat a solu Sinonimi e contrari ranchine.

calambría , nf Definizione genia de idea de seguresa chi unu tenet de issu etotu, genia de ànimu (no sèmpere cun arrexone, fintzes a tropu) Sinonimi e contrari créita / ànimu Frasi totu cussu bufonzu li minteit calambria (P.Fogarizzu)◊ sos bàntidos chi li deint li minteint calambria.

calàmbru , agt Sinonimi e contrari fuliosu, furianu.

calambúsa , nf Definizione ramigiolu de cheréssia càrrigu de frutu Etimo srdn.

calaméntu , nm Definizione su calare e fintzes logu in calada Etimo srd.

calamiài calamài

calamída , nf: caramida Definizione pedra de benimindhe: css. cosa càrriga de magnetismu chi si che tirat ferru o àteru metallu (ammesturu) ferrosu Frasi retratu d'ermosura atraet piús de forte calamida ◊ pro sa fémina s'ómine regirat ca est issa sa calamida vera (Cubeddu) Cognomi e Proverbi smb: Calamida Traduzioni Francese aimant Inglese magnet Spagnolo imán Italiano calamita Tedesco Magnet.

calamidàre , vrb Definizione carrigare de magnetismu Sinonimi e contrari incalamidae.

calamidósu , agt Definizione nau de materiale, chi tenet calidades de calamida, atirat su metallu Traduzioni Francese aimanté Inglese magnetic Spagnolo imanado Italiano calamitato Tedesco magnetisch.

calamína , nf Definizione minerale de zingu, unu de is minerales chi sa Sardigna teniat e tenet in abbundhàntzia in is montes de s'Iglesiente, de Lúvula e de Sa Nurra Sinonimi e contrari zelamina Terminologia scientifica mnr Etimo itl. zelamina Traduzioni Francese calamine Inglese calamine Spagnolo calamina Italiano calamina Tedesco Galmei.

calamistràre , vrb Definizione fàere improdhos, calamistros Sinonimi e contrari abbaunzare, aciapuciae, aciarollai, aciorobedhare, afioncai, allarodhai, improdhai, incalamistrare, indrovigare Etimo srd. Traduzioni Francese gâcher Inglese to mess Spagnolo chapucear Italiano pasticciare Tedesco beklecksen.

calamistréri , agt, nm Definizione chi o chie faet improdhos, abbunzos Sinonimi e contrari abbunzosu, coredheri Etimo srd.