A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

corraxinài , vrb: corruxinai, curruxinai Definizione betare unu corrighinu, istare o èssere a corrighinos: si narat de animales (àinu, leone), de su mare e fintzes de sa bentre Sinonimi e contrari abborrochinare, corrighinare, corrinai, orriare Frasi parit unu molenti corraxinendi 2. mi currúxinat sa brenti, mi benit a puntas Terminologia scientifica bga Traduzioni Francese braire, rugir Inglese to bray, to roar Spagnolo rebuznar, rugir Italiano ragliare, ruggire Tedesco iahen, brüllen.

corràza , nf Definizione is corros, sa corra; foedhandho de matas, cambos sicaos, naes sicadas Sinonimi e contrari armamenta, corra, corradura, corramenta / miudhinu Frasi cudhu, intendhendhe afare de boes, at pensadu a sa corraza (S.Patatu) 2. apo fatu unu foghighedhu de corraza Etimo srd.

corrèdha , nf Definizione gioga manna, chi si manígiat fintzes a usu de corru po sonare a pidedhadura; corgiolu buidu, bíciu, de castàngia, tega de fae; istugighedhu de corru a pònnere tebbacu o, prus mannu, a bufare abba in su sartu Sinonimi e contrari bórnia, corra, corróina, tufigedhu / corredhu Frasi cussas atitadoras si creent de èssere campanas de tinnu e sunt petzi corredhas arrughidas! Cognomi e Proverbi smb: Corredda Terminologia scientifica sjl Etimo srd. Traduzioni Francese buccin (zool.) Inglese conch Spagnolo bocina Italiano bùccina marina Tedesco Tritonsmuschel.

corredhàda , nf Definizione sonada de corru, de corredha; fintzes su tanti de cosa chi leat unu corru, su corredhu (istúgiu) 2. za si l'ant bufada una corredhada de binu… azummai no ndhe lassaiant! Etimo srd.

corredhàre , vrb Definizione sonare su corru.

corrèdhas , nf pl Definizione boghes e sonos, burdellu chi si faet ananti de sa domo de unu fiudu candho s'est torrau a cojuare Sinonimi e contrari corredhada.

corrédhu , nm Definizione min. de corru; istugighedhu de corru, cun su tapu, po dhue pònnere su tebbacu; istúgiu po chistire paperis; genia de tassa po bufare, de corru; genia de imbodhigadura de is pilos, petonaos a manera de fàere coment'e unu corru curtzu; fintzes una genia de pentzamentu o ravinu malu a iscutulare Sinonimi e contrari corritedhu / corredha, corrigale 2. a su maridu lu cumannaiat a bacheta e lu faghiat pisciare in corredhu ◊ a tabbacare de su corredhu meu chie bi at a pònnere maledade?! Cognomi e Proverbi smb: Correddu / prb: cartas cantant in corredhu Terminologia scientifica stz Traduzioni Francese étui à corne Inglese horn-case Spagnolo estuche de cuerno Italiano astùccio di còrno Tedesco Hornfutteral.

corrèdo , nm Sinonimi e contrari aciva, ammanitzu, asciugàriu, fronimentu, pannamenta, spóliu, spúllia.

corregídu , agt: currígiu (cur-rí-gi-u) Sinonimi e contrari educadu | ctr. scurrégidu Traduzioni Francese bien élevé Inglese polite Spagnolo educado Italiano corrètto, educato Tedesco wohlerzogen.

corrèra , nf Sinonimi e contrari corramenta Frasi is carnatzeris s'ismerànt pinnighendi ossus e correras po dhus bendi (G.Cadeddu).

corrèta , nf Sinonimi e contrari corroneta.

corría , nf: curria Definizione acapiolu, tirighedha fine e longhita de pedhe (e fintzes codriola po sa bardúfola) Sinonimi e contrari agugeta, allióngiu, cordonera, lantu, presógliu, trena / sagonitu Modi di dire csn: bogare sa pedhe a c. = segàrela a tizas; c. de aciotus, de frenu, de porta, de sàndalus; sa c. de su linnàmini = itl. fibra, tìglio del légno; sa c. de sa pasta = tèmpera, more zusta de su pane pro lu sestare, corriatu ma no assutu; segare sa c. a sa pasta (de su pane, de sos durches e gai) = nòghereli in sa pesadura; no leare corria = (nadu de su casu faghindhe) chi no essit bene, chi abbarrat coment'e a renas); c. de rasoja = tira de pedhe pro arrodare sa resorza de su braberi; c. de terra = zura, tiza de terra, binzia de terrinu sestadu a longu; andhare a cabadhu in corrias de focu = a cadhu fuindhe; èssiri de bona c. (nadu de zente) = corriatos, fortes Frasi sas corrias si ponent a prèndhere sas iscarpas ◊ li bogo sa pedhe a corria, si li ponzo manu! ◊ su pastore si bestiat in giancheta de billutu, gambales de corria e pantalones a s'isporta 2. mi ant ispropiau una corria de terra 3. candu est bentu de soli su pani perdit sa corria 4. est tucau a cabadhu in corrias de focu ◊ si ndi est andau… in corrias de fogu! Cognomi e Proverbi smb: Corria, Corrias / prb: in palas allenas corria lada Etimo ltn. corrigia Traduzioni Francese courroie Inglese leather strap Spagnolo correa Italiano corréggia Tedesco Riemen.

corría 1 , nf Definizione genia de pane assadu, finedhedhu, po is festas.

corriàda , nf Definizione cropu, iscrabigada de corria, de aciotu Sinonimi e contrari aciotada, iscorriada, nerbiada, zironiada Etimo srd. Traduzioni Francese coup de fouet Inglese lash Spagnolo azotada, latigazo Italiano staffilata Tedesco Knutenhieb.

corriàda 1 , nf Definizione su andhare orrumbulandho, orruta, orruta fata a furriadura Sinonimi e contrari cadhinada, cadhinamentu, córriu Etimo srd.

corriadúra , nf Definizione su corriare, orrumbulamentu / mòere a c. = a cadhinadura Sinonimi e contrari bortuladura Etimo srd.

corriàlla , nf Definizione corrias, is corrias Sinonimi e contrari corriàmini Etimo srd.

corriallúllu , agt Definizione chi orrúmbulat cun facilidade, chi si che fúrriat, no istat firmu, chi est giogulagiógula Sinonimi e contrari arrumbulanu, arrumbulutzu, corriazolu, lumburutzu, rodhulanu Etimo srd.

corriàlzu , nm: corriàrgiu, corriarju, corriarxu, corriaxu, corriarzu Definizione pedhe, corria fine de pedhe chi si ponet po cosire sogas, sabbatas e àteras cosas de pedhe etotu: est fatu de pedhe de canes o de gatos làngios; fintzes frunimentos de pedhe po animales (cuadhos, burricos) Frasi at cosidu sa tasca cun corrialzu a puntos fitos ◊ gei no portas sa língua cancarada e cosia a corriarxu!…◊ pro fàghere su corriarzu lassaiant unu cane presu a mòrrere de fàmine Etimo srd. Traduzioni Francese courroie de cuir Inglese small leather strap Spagnolo correa Italiano correggiòla Tedesco Riemchen.

corriàmini , nm Sinonimi e contrari corrialla Etimo srd.