A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

dàrrere dàe 1

darrutànu , nm Definizione unu chi durrundanat, chi istat in giru, nau de un'èssere fatu a pentzamentu. Terminologia scientifica fnt.

dàrsana, dàrtzana , nf Definizione parte prus aintru de unu portu, prus amparau, ue si acònciant is naves Traduzioni Francese darse Inglese wet dock Spagnolo dársena Italiano dàrsena Tedesco Dock.

daségus daesécus

dasiànu , agt: daxianu Definizione chi si leat is cosas tropu a dàsiu, chi dhue ponet tropu tempus faendho sa cosa / fuedhai a bogi dasiana = séria, nendhe abberu, cun seguresa Sinonimi e contrari adasiau, cojanesu, dasiosu, immajonadu | ctr. coidadosu, impressidu, lestru 2. s'est incrarau un'ómini bestiu de binticuàturu e camminandu a passu dasianu Etimo srd.

dasiàrzu , agt Sinonimi e contrari dasianu Etimo srd.

dasiòre , nm Definizione abbitúdine, manera de fàere is cosas chentza presse Sinonimi e contrari addaju, apódhiu | ctr. lestesa Frasi custa serviat sos crientes cun dasiore alleghendhesila cun totu.

dasiósu , agt Definizione chi si dha pigat totu chentza presse, faet is cosas abbellu abbellu Sinonimi e contrari adasiau, cojanesu, dasianu Frasi chini est dasiosu papendi est dasiosu trabballendi puru.

dàsiu dàju

dàssa dànsa

dassàre , vrb Definizione abbarrare o istare a su chi bolet fàere s'àteru, arrimare o abbandhonare po pagu o po sèmpere, iscuncordare Sinonimi e contrari abbandhonare, acadiare, acogiai, cambare, codiare, coigiare, discuidai, ilmentigare, incoizare, lassai, scabidai | ctr. leai, picare Frasi at dassau sa trata de sos pedes suos ◊ su masone dassat sa mandra pro su paschinzu ◊ ses cúrrida a sa gianna dassendhe sa faina ◊ dàssalu irbasolare, chin custos issudhos chi si nch'est cravandhe in conca! ◊ si no cheres bènnere dàssalu! ◊ como bos dasso ca mi che so recuindhe ◊ no mi dassetas solu! 2. cussos duos fint ammorendhe tantos annos e apustis si sunt dassados Etimo ltn. de + laxare Traduzioni Francese laisser, quitter Inglese to leave Spagnolo dejar Italiano lasciare Tedesco lassen, verlassen.

dassàre 1 dansài

dassinúncas , avb: desinunca Definizione de àtera manera, de àteru betu, in àteras cunditziones Sinonimi e contrari candeghinò, chiscussu, diacussu, sinoncas*, sinono Frasi coitai, dassinuncas cussu ndi fait un'antru puru! ◊ desinuncas besseus impari a su passillu, ca dèu gei aproillu! (L.Cocco)

dassíta , nf Definizione min. de dassa, ballitu Sinonimi e contrari dillu.

dàssu , nm Definizione giassu, unu tretu de su logu, minore e precisu o fintzes mannu Sinonimi e contrari giassu*.

dàta , nf Definizione tempus precisau cun die, mese e annu Traduzioni Francese date Inglese date Spagnolo fecha Italiano data Tedesco Datum.

datàre , vrb Definizione istabbilire su tempus, de candho est una cosa.

dàtari , nm: dàteru, dàtili, dàtiri Definizione su frutu chi faet sa pramma Sinonimi e contrari indàtalu*, lindàteri.

datàriu , nm Definizione genia de timbru chi faet a regulare po pòdere pònnere css. data Traduzioni Francese timbre dateur Inglese dater Spagnolo fechador Italiano datàrio Tedesco Datumstempel (s).

dàteru, dàtili dàtari