Ditzionàriu in línia
de sa limba e de sa cultura sarda

ghelestiàu , pps, agt Definizione de ghelestiare Sinonimi e contrari coloviadu 2. la fachiat note note manicandhe peta de crapitu (de pische fit ghelestiau).

ghelestiósu , agt Definizione chi sentit gheléstia, chi ndhe tenet gheléstia de sa cosa, chi crisat totu Sinonimi e contrari afastiadori, ascamile, ascamosu, ischifosu, mendhosu, pilingosu, pisigarzu, pullinu, salàsticu, schivinosu, stogumosu, strichidheri Frasi su pitzinnu fit ghelestiosu Terminologia scientifica ntl Etimo srd. Traduzioni Francese chichiteux Inglese fussy Spagnolo melindroso Italiano schizzinóso, schifiltóso Tedesco heikel.

gheléstiu gheléstia

gheléu , nm Definizione unu de is númenes chi narant a su dimóniu, in cobertantza Sinonimi e contrari demóniu Etimo srd.

ghélia , nf Sinonimi e contrari bufonu, ciacota, cionfra, mofa.

gheliàre gelài

ghelónzu , nm Definizione beladura, su ghelare o cagiare de is cosas mescamente comente faet s’abba a temperadura bàscia meda Sinonimi e contrari abbeladinadura, cagliadura Etimo srd. Traduzioni Francese coagulation Inglese coagulation Spagnolo coagulación Italiano coagulazióne Tedesco Gerinnung.

ghéltzu , agt: ghertzu Definizione chi no est fatu a deretu; nau de ccn., chi portat is ogos trotos Sinonimi e contrari abboe, achifilu, acorrimboe, calembru, doltu, imboe, isbésciu, isgretzi, sbiàsciu / chertzu, gréciu, lértzinu, ocrighertzu, ocritortu Frasi dontzunu naraiat chi sa resogliedha sua fit sa mentzus e chi sa de s'àteru fit curtza, o ghertza o no baliat in nudha ◊ at picau sa resòglia e at provau si fit ghertza Etimo ctl. guerx Traduzioni Francese tordu Inglese crooked Spagnolo torcido, tuerto Italiano stòrto Tedesco krumm, schielend.

ghélu gélu

ghèma , nf Sinonimi e contrari afandha, assubentu, ghémida, sàgada, sufrata, supedhu Etimo srd.

ghèma 1 , nf, nm: ghemu Definizione pagu pagu / no bi ndh'at ghema = no dhoi nd'at istídhiu, no ndi tengu mancu unu ghemu = própiu nudha, mancu un'apenas Sinonimi e contrari botiu, istidha.

ghemèdha germèdha

ghèmere , vrb Definizione istare a tzúnchios coment'e chesciandhosi de su istare male, nau de gente e de animales, o fintzes de àteru; nau de trúturis e culumbos, arrullai, trutuliare Sinonimi e contrari ciunchiare, intzunchiai, tunchiare / arrullai, trutuliare Frasi a múrigu sa frasca ghemet a inghíriu de s'ortu in sa cresura Etimo ltn. gemere.

ghémida , nf Sinonimi e contrari lamentu, túnchiu / bémida Etimo srd.

ghemidósu , agt Definizione chi est a bémida, chi respirat a trebballu Sinonimi e contrari afannadu, assupau, batimosu, ghemosu Etimo srd. Traduzioni Francese haletant Inglese panting Spagnolo jadeante Italiano ansimante Tedesco keuchend.

ghemissòne , nf, nm: chimisone*, ghimisone Definizione genia de pane de órgiu, grussu, a bentre coment’e civraxu, a corgiolu grussu e tostau: sa matza essit modhe, si papat e si ndhe ponet a frammentu, mentres chi su corgiolu po dhu papare si coet a budhiu e si faet a piscadura Sinonimi e contrari bermisone, erminzone, misone / fermentarzu, fermentu Frasi nos dant sa pannota chi est fata in forma de unu ghimisone, bella, bianca… chei su carbone! ◊ mi at dau bàtoro cocones mannos che ghimisones ◊ candho fipo deo in pitzinnia su ghimisone pariat pistocu 2. at cumintzau a impastare e pònnede sa ghemissone chitzia po s'ocasione Terminologia scientifica pne.

ghemósu , agt Definizione chi est a sufrata, a bémida, chi est arrespirandho a trebballu prus che àteru po neghe a prumones Sinonimi e contrari afannadu, assupau, batimosu, ghemidosu Etimo srd.

ghému ghèma 1

ghéneru géneru

ghenèse , nf, nm Definizione genia de animale malu, cosa lègia, mostru; nau in cobertantza, sa morte Sinonimi e contrari animalatzu, mostre / molte Frasi allughie sos sírios de sa pache pro ch'imbergher a fundhu sa píchida fiaca de su ghenese! (G.Piga)◊ su ghenese est ispreosu ◊ sa ghenese nighedha a ube ti che at ispentumau in custu biazu chene torrada?! ◊ cussos gheneses de pitzinnos l'aiant intzugliatu Etimo itl. Chinese.