A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

gétidu , nm: ghétidu, zétidu Definizione materiale impastau modhe meda (cimentu, arena, giarra) o àteru chi si faet a betadura; su tanti de sa cosa betada, nau mescamente de su dinare chi si arregollet cun is pagamentos a un'istadu, su chi si ndhe bogat de unu trebballu coment'e badàngiu Sinonimi e contrari ghetada / intrada, resa Frasi a fundhamentu bi cheret gétidu ue no est terrinu meda frimmu ◊ sa bòveda est fata a gétidu Terminologia scientifica mrd Traduzioni Francese coulage, coulée, rendement Inglese casting, yield Spagnolo fraguado, ingresos Italiano gètto, gèttito Tedesco Guß, Aufkommen, Ertrag.

getósu , agt Definizione chi andhat bene, chi faet po calecuna cosa o iscopu Sinonimi e contrari adatu, adecuadu Frasi custu est unu logu prus getosu po is pegos.

gétu , nm: ghetu Definizione su betare, su fàere a betadura, ma inditat prus che àteru sa manera o fintzes su gradu o gravidade de unu fàere: foedhandho de laore, su sèmene chi si betat Sinonimi e contrari bessu, betu, manera, puntu 1, tretu Modi di dire csn: colare a ghetu, bènnere a ghetos = colare a betu, a manera o acurtzu de andhare bene a fàghere carchi cosa; a su ghetu… = a su chi parit…; èssere a ghetu malu = a malu tretu, a malu puntu, istai mali; a ghetu meu, tuo, suo = acomenti andat bèni a mimi, a tui, a issu, e gai; muncadore de ghetu = mucadore tanadu a fiores pro die de festa (= de ghetai in conca?); fàiri una cosa a getu de… = a zisa de…; fae su getu de… (+vrb.)= fàghere a manera de… (+vrb.) Frasi aiat imparatu a connòschere sos fómines e a cale ghetu los potiat tòrchere ◊ si sichimus de custu ghetu, de sa Sardigna petzi nos abbarrat unu desertu de chisina ◊ sas cosas las videt a ghetu suo ◊ sas cosas no andhant sèmpere a ghetu deretu 2. caentabamus sos crapitos fintzas a candho no fint a ghetu de poder súghere ◊ su criedhu s'est illascau a prànghere, a ghetu de nche li falare sa matichedha ◊ est ghetandhe fritu a ghetu de astragare s'àlinu ◊ po fàiri su carrúciu si segat una canna a getu de furca, a una parti ◊ aus fatu su getu de atobiae su veterinaju 3. chirco sos pilos tuos in sos ghetos e in sos ghentinos de sos ispuntones ◊ Bantonedhu, no de nepode, li pariat fizu de cantu si assimizabat de coloriu e de ghetos 4. sos massajos fint avertitos de semenare solu su ghetu comporatitzu Etimo srd. Traduzioni Francese façon Inglese way, reverse Spagnolo manera Italiano manièra, vèrso Tedesco Art.

gèu gèo

geunàda , nf Definizione su geunare Sinonimi e contrari dejunu, giaugnu | ctr. papada, sassada Frasi za l'at fata sa geunada, duas dies chentza assazare! Etimo srd.

geunàre , vrb: ageunare, giaunai, giaunare, giaunari, giunai, zaunare Definizione abbarrare o istare chentza papare Sinonimi e contrari deinare 1, irgeunzare | ctr. ilgiunare, manicare, papae Frasi medas bortas giaunàt, candu no agatàt nemus de dhi donai unu strónciu de pani ◊ dónnia cenarba depes giaunare po su Cristu, morte e passione Etimo ltn. jejunare Traduzioni Francese jeûner Inglese to fast Spagnolo ayunar Italiano digiunare Tedesco fasten.

geúnu , agt, nm: ceunu, giaunu, giunu, zeunu Definizione chi no at papau, chi est chentza papare; su abbarrare chentza papare, a istògomo buidu / musca giauna = (in suspu) fiadu, cristianu ifadosu meda Sinonimi e contrari augiunu, dejunu, gigunu / gigunzu, irgeunzu | ctr. irmurzadu, pràndhidu, chenadu, satzau Frasi bi faghes mala figura che berveghe tenta a ruos, chi finit a sos concluos totu imbrutada e geuna! (G.A.Cossu)◊ issu geunu benit e geunu si che andhat Etimo lat. jejunus Traduzioni Francese jeûne Inglese fast (ing) Spagnolo ayuno Italiano digiuno Tedesco nüchtern, Fasten.

geúnzu , nm: giaugnu Definizione su istare chentza papare / su g. de su giumpu = de su trapassu Sinonimi e contrari dejunu, geunu, irgeunzu, zeunonzu Frasi sa die de chenàbura santa su geunzu fit diai rigorosu chi no si podiat bíere mancu abba fora de su bustu e de sa chena ◊ su geunzu de su giumpu incomintzaiat sa gioja santa pustis de sa missa truncada e duraiat finas a su mesudie de su sàpadu santu chena manigare Etimo ltn. jejunium.

gève, gèvi , agt Definizione modhe, prus che àteru nau de erbas, ma in cobertantza (po cosa chi praghet) fintzes de gente Sinonimi e contrari coramedhosu, latucarzu, ledreledre, modhe | ctr. dolau 1, tostadu, tostu Frasi cussu est pascendu a fura e benemindi, e si betat peri a s'erba gevi! ◊ sa làtia, su fasolu, su cugúmburu funt gevis ◊ sa punta de su sarmentu est gevi 2. conc'a sa fossa, però, corpu de balla, dhi praxit sa cosa gevi! ◊ is pipius pitichedhedhus funt gevis gevis Traduzioni Francese tendre Inglese tender Spagnolo tierno Italiano tènero Tedesco weich, zärtlich.

gévuli, gévulu , nm Sinonimi e contrari lissa, mughedhu, músulu, muzaldu Frasi in s'erriu ant piscau unu gévuli a frúscina ◊ nci nd'at una pariga de calidadis de gévulu ◊ ita ndi fadiast de unu gévulu mannu mannu? seus in duus! Terminologia scientifica psc Etimo itl. cefalo.

gèxere , vrb Definizione su andhare bene, èssere adatu, bellu, de una cosa o de unu fàere Sinonimi e contrari dèchere.

ghedhatòne godhetòne

ghelàda , nf Definizione su ghelare, su fàere a astrau de s'abba, su abbeladinare o cagiare àteru Sinonimi e contrari belada Terminologia scientifica tpm.

gheladína galadína

gheladinósu , agt Definizione nau de cosa cagiada, chi paret gheladina Sinonimi e contrari lecuedhosu Traduzioni Francese gélatineux Inglese gelatinous Spagnolo gelatinoso Italiano gelatinóso Tedesco gallertartig.

ghelagghèla , avb Definizione coment'e ghelandhe, nau de cosa cagiagàgia de cantu dhue ndh'at meda Sinonimi e contrari cagiagàgia Frasi sa cuchina est ghelagghela de fumu ◊ zuchet duos ocros istracos, ghelagghela de annos ◊ est ghelagghela de sonnu ◊ su locu fit ghelagghela de sonos Etimo srd.

ghelàre gelài

ghelèa , nf Definizione brulla mala, befa, giogu de martzocu; su burdellu chi si faet in logu de festa; genia de trumentu po ccn. cosa / a ghelea = in ziru Sinonimi e contrari befa, belea, bergugna, gherda 1, isfrorígiu / carralzu / matratamentu Frasi ant fatu sa ghelea de lu bèndhere a sa zustíssia, su bandhiu ◊ si, comente tzapadu ant sa manta, tzapadu aiant sa pessone mea, za mi l'aiant fata sa ghelea! (A.G.Solinas)◊ fit una ghelea chi li fint fachendhe pro illudratzare su lumen suo ◊ sas gheleas fràzicant su mundhu de malidade ◊ li apo cumbinau una ghelea chi si ndh'at a ammentare pro cantu durat! 3. Elias si l'intendhiat cun sa connada, ma custa ghelea no podiat istare sèmpere cubada Traduzioni Francese plaisanterie de mauvais goût Inglese bad joke Spagnolo broma pesada Italiano brutto schérzo Tedesco schlechter Scherz.

gheléstia , nf, nm: gheléstiu Definizione genia de gana lègia chi si sentit po calecuna cosa chi no praghet, su èssere ghelestiosu, gravellosu, su àere ischifu Sinonimi e contrari afàstiu, àscamu, aschiore, dilgéniu, grisu, ischifera, ischifu, noscu Frasi apustis de su godimentu probabat petzi gheléstiu ◊ Sennore meu, s'abba custa borta est diventada brodu e pro cussu a issa postu apo gheléstia e no ndhe bibo! (A.G.Solinas) Traduzioni Francese répugnance, dégoût Inglese repugnance, fussiness Spagnolo repugnancia Italiano ripugnanza, schifiltosità Tedesco Ekel, Zimperlichkeit.

ghelestiàre , vrb Definizione fàere o provare àscamu, ischifu, crisare Sinonimi e contrari abborrèschere, afeai, aschiai, grisai 1, irdinzare, surreschiare Etimo srd. Traduzioni Francese répugner Inglese to disgust Spagnolo repugnar Italiano ripugnare Tedesco anekeln.