A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ilgiúnghere igiúgnere

ilgiúntu , pps: irjuntu, irzuntu Definizione de ilgiúnghere / a s’ilgiunta = candho si ndi liat su giuali a is bòis giuntus acabbendi de trabballai.

ilgrabbulàdu, ilgrabilàtu , agt: isgrabbuladu Definizione chi est chentza o cun pagu crabbu, pagu àbbile, chi tenet maneras de fàere pagu fines, pagu delicadas, fintzes chi est fatu chentza crabbu Sinonimi e contrari burrincatzu, ildeoltu, ilgadólciu, intrudhadu, irgestu, irgrabbau, mabigrabbau, manimuruncu / cdh. scatólciu | ctr. grabbosu Frasi cudha istatuedha fit ilgrabbulada, chena zestru e ne misura ◊ sas paràulas meas sont pòveras e ilgrabilatas ◊ comente at créschidu su pisedhu no est prus isgrabbuladu ◊ daghi chircaia de lu azuare fit sempre isgrabbuladu, ca no cheriat Terminologia scientifica ntl Etimo srd. Traduzioni Francese maladroit, rustre Inglese boor, clumsy Spagnolo torpe, desmañado Italiano maldèstro, tànghero Tedesco unbeholfen, Tölpel.

ilgrabilatúra , nf Definizione su èssere chentza crabbu / a i. = chentza de grabbu, de mala manera Etimo srd.

ilgratzàre , vrb Sinonimi e contrari iscosciai, iscratzare Frasi male fatu a ilgratzare sas cariasas pro mannicare su frutu!

ilgravaméntu , nm: isclavamentu, iscravamentu, sclavamentu Definizione su ndhe calare a Cristos de sa grughe, sa funtzione de chida santa po ammentu de sa passione e morte sua Sinonimi e contrari iscravadura, iscravatzone, iscravu 1 | ctr. incravamentu Etimo ctl. desclavament Traduzioni Francese Déposition de croix Inglese the deposition (from the cross) Spagnolo descendimiento Italiano deposizióne del Cristo dalla cróce Tedesco Kreuzabnahme.

ilgrenucàta , nf Definizione cropu de genugu Sinonimi e contrari irbrenugada Frasi cudha die m’at intzichitu una surra a ilgrenucatas e a irbatilatas Etimo srd.

ilgrezàre , vrb: iscrezare, isgreziare Definizione nau de ccn., coment’e cambiare calidades, essire diferente de comente funt is parentes in sa carena e in su fàere Sinonimi e contrari chilzeniare, ischilziniare 2. bisonzat de recuperare sa limba sarda pro dare a sos Sardos isgreziados sa prima identidade (A.Dettori).

ilgríbbi , nm: iscribbi Definizione in cobertantza, carabbineri, chie ponet gente in gríbbia; fintzes piciochedhu ifadosu Sinonimi e contrari carabba / mauchedhu, serpellucu, tribbuletu Frasi pro maiganta zente su nimigu númeru unu fint sos ilgribbis e no sos bandhidos.

ilgrussínu , nm Definizione genia de prana manna po segare a pígiu grussu giaendho una prima manu de apranadura Terminologia scientifica ans.

ilgúbbia iggúbbia

ilguèna , nf: irguene, isguene Sinonimi e contrari alguena*, garguena, gorgobena, ogroena Frasi a s'iscàmpidu de sa buca che l'at fichidu sa lepa in s'ilguena Terminologia scientifica crn.

ilgupàre , vrb: irgupare, iscupai 1, iscupare, scupai 1 Definizione in su giogu, fàere o ammesturare is cartas e ispartzire su matzu in duos muntonedhos Sinonimi e contrari cupai*, iscupitzare, smatzai 1.

ilgutadèra , nf Definizione canaledhu o tubbighedhu po arregòllere abba de che bogare a istidhigadura Sinonimi e contrari gutera, istidhiadórgiu Etimo srd.

ilgutàdu , pps, agt: irgutau Definizione de ilgutare; nau de cosa, chi at irgutadu, chi at pérdiu s’abba o àteru a istidhigadura Traduzioni Francese dégouliné Inglese dripped Spagnolo goteado Italiano sgocciolato Tedesco abgetropft.

ilgutadúra , nf: irgutadura, isgutadura, sgutadura Definizione su irgutare, su istidhigare, sa cosa chi orruet istidhigandho Sinonimi e contrari sucutadura Frasi so pronta a ti dare s'última isgutadura de su coro! Etimo srd. Traduzioni Francese égouttage Inglese dripping Spagnolo goteo Italiano sgocciolatura Tedesco das Tropfen.

ilgutàre , vrb: irgutare, iscutare, isgutare, isgutiare, sgutai Definizione calare, pèrdere, lassare o fàere calare s’abba (o àteru) a istídhigos Sinonimi e contrari aggutai, botiare, ilbutiare, ilgutire, sucutare, sucutire Frasi sa cursa de sa vida, peleosa e in pigada, nos faghet irgutare rios de suore ◊ ant isgutadu suore e brios, ratzighendhe carvone suta de terra ◊ sa cobertura est ilgutendhe, comente at próidu ◊ sos ojos suos isgutant piantu ◊ su cabixu de sas bamas anzonadas est de late novellu isguta isguta! Etimo srd. Traduzioni Francese dégouliner Inglese to drip Spagnolo gotear Italiano sgocciolare Tedesco abtröpfeln, tröpfeln lassen.

ilgutíre , vrb Sinonimi e contrari aggutai, botiare, ilgutare, sucutare, sucutire.

ilguzòne , nm: irguzone, isguzone, iscurzone, iscuzone Definizione bobboi pitichedhu chi ponet in su trigu incungiau e in is alegúmenes e si dhos papat Sinonimi e contrari alguzone, gruguglioni, orguloni, suzone Frasi millos, mih, isorizendhe a disa de isguzone in su ranu! Terminologia scientifica crp, calandra granaria.

Ilíade , nf Definizione unu de is duos poemas immortales de su poeta grecu Omero, cudhu chi contat de sa gherra de Ilione (Trója).