A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

iscruài, iscruàre , vrb: iscrudare, scroai Definizione bogare su cruo, su chi si podet cunsiderare coment'e cosa crua, no tanti bona: foedhandho de filu, de tela, de cosa téssia, pònnere in lessia a dha fàere prus bianca; foedhandho de unu, abbituare a fàere bene is cosas, avesare a su trebballu, educare; foedhandho de imbriagos, pèrdere s'efetu de s'àrculu, isturdire s'imbriaghera; foedhandho de fémina, tastare ómine sa primu borta Sinonimi e contrari ibentiare, ifegare, iscoturare, scexiai / irberzinare 2. su lentore friscu de su sero iscruat sa crea ◊ in s'àtera iscola nos ant iscruadu dae minores, nos ant abbituadu a triballare ◊ su zòvanu cantaiat a sa sola pro s'iscrudare sa boghe ◊ su domadore iscruat su pudhecu areste ◊ ite faghet s'ómine mandrone si no est iscruadu a tribagliare? (Tucone) 3. Pascale est iscrudandhe sa cochera de eris note ◊ si no est in tinu po s'imbriachera, zai s'iscruat! Etimo ctl. escruar Traduzioni Francese dégrossir Inglese to refine Spagnolo desbastar Italiano levare il crudo, dirozzare Tedesco den rohen Teil entfernen, vorarbeiten, verfeinern.

iscrúciu isciúrtzu

iscrucubicàre iscorcovicàre

iscrucudhài , vrb: scrucudhai Definizione orrúere a istràmpidu, a cropu de artu, iscartinare a terra Sinonimi e contrari istrampare.

iscrucuedhài , vrb Definizione betare a cúcuru ficadu, conca a bàsciu, a terra, a furriadura, coment'e covecandho, a iscucuadura Sinonimi e contrari iscucuai / boltulare, tambulare Frasi m'intendia iscrucuedhenduminci a bàsciu!(A.C.Serra)

iscrucugiàre, iscrucullài, iscrucullàre, iscruculliàre , vrb: iscucullare, iscurculliare, scrocollai Definizione cricare abbaidandho e movendho totu po agatare calecuna cosa, cricare de ischire cosa, istare a su dimandha dimandha Sinonimi e contrari iscrucuzonare / imbistigare, speculitai Frasi in dónnia domo dhue furint féminas iscrucugiandho po bíere is trastos ◊ iscrucúgio in cue puru circandhodi! ◊ bolia èssere àngiulu po iscrucugiare in s'ànima tua! (I.Patta)◊ iscrucullu in fundu a s’ànima po circai fuedhus giustus (C.Picci)◊ iscrucullaiaus cun is ogos is bellesas de su sartu Etimo ctl. escorcollar.

iscrucurigàre iscorcorigàre

iscrucurighedhàre , vrb Definizione orrúere a istràmpidu, iscartinare de artu a terra Sinonimi e contrari iscrucudhare, istrampare Etimo srd.

iscrucuzonàre , vrb: iscucuzonare, iscurcuzonare Definizione cricare in is cugigones, cricare de mala manera pigandho e lassandho sa cosa chentza órdine Sinonimi e contrari corrovai, fodichinare, frustigai, iforrogare, isculcuzare, isculuzonare, scorrovonai Frasi iscucuzono in sa bértula in chirca de calchi farfaruza ◊ in sa pupujonada càscia manna iscurcuzono che in cosa istranza… toh, sa murroculedha de castanza chi che aia furadu a Pepe Sanna! ◊ bastu chi no iscurcuzones, intra puru in s'aposentu e pómpia Etimo srd. Traduzioni Francese farfouiller Inglese to rummage Spagnolo hurgar Italiano frugolare Tedesco kramen.

iscrudàda iscruàda

iscrudadúra , nf Sinonimi e contrari iscrudada Etimo srd.

iscrudàre iscruài

iscruecài iscopercàre

iscrúfere, iscrúfi , vrb: iscúfere, iscúrfere, scrufi Definizione pigare sa cosa cun sa fortza, a pelea, a unu chi no dha bolet lassare, che dha bolet furare (fintzes pigare a unu de is duos o medas gherrandho po dh'iscabbúllere de s'àteru) Sinonimi e contrari afrapare, illatzare, isculpire, iscúrpere, istratzare / iscabbúllere Frasi su fiadu pariat de chèrrere iscúfere s'anzone dae perígulu ◊ est fendi cosa ma gei dh'at a iscrufi unu momentedhu! ◊ iscrufimus un'iscapada pro fàghere custu ◊ cudhos si fint corpendhe e si ch'est postu in mesu a los iscúfere ◊ pro mòrrere unu débbile iscufindhe, mezus mòrrere brighendhe duos foltes! (Piras)◊ pro azuare s’amicu tuu che as iscúrfitu tue puru una parte manna de corfos! 2. prite tepo iscurtare boghes no connotas chentza mi pòdere cuare e ne iscrúfere? ◊ est bujosu su tempus benidore e no mi poto iscrúfere ◊ a chini ti pregontat de unu e no ndi podis nai bèni, no ndi nerist mancu mali iscrufendudindi nendi chi no dhu conoscis Traduzioni Francese extorquer, arracher Inglese to extort Spagnolo sacar, arrebatar Italiano ottenére con la fòrza, estòrcere Tedesco erpressen.

iscrúfu , nm Definizione su iscrúfere / a i. = a poderiu, ammarolla, cun prepoténtzia Sinonimi e contrari iscurpidura Frasi pigu a iscrufu su perdonu cumbintu chi siat unu diritu ◊ mi ndi ant pigau cussa cosa a iscrufu, ma mi serbiat ◊ dhoi nd'at chi bollint is méritus a iscrufu! Etimo srd.

iscrufulàre , vrb Definizione iscapare a erríere a iscracàllios, fintzes murrungiare comente faet su porcu pedindho Sinonimi e contrari crochidare Frasi - Custu sutzu de chelu, eallu, eallu su chi sos coros ponet totu in pasu! - Si puru no los ponet totu in gherra! - iscrúfulat sa cuba risulana.

iscrúfulu , nm Definizione su iscrufulare Sinonimi e contrari cróchidu Etimo srd. Traduzioni Francese éclatement d'une bagarre Inglese burst of laughter Spagnolo estallido de risa Italiano scòppio, bòtto di risa Tedesco vor Lachen platzen.

iscrujuràre , vrb Definizione tròchere sa cresura, trantzire su crispione chi si ponet a serrare is àidos Sinonimi e contrari iscresurare Frasi donzi note l'iscrujuraiat s'àitu e chin sa robba l'iscussimintzaiat su semenatu Etimo srd.

iscrúmpere isciòmpere

iscruncassàre , vrb Definizione isconciare, fàere iscónciu mannu, bogare de pare, fragassare Sinonimi e contrari agigotare, degogliai, destrossai, ifasciare, isciasciai, secare, truncai Frasi su pudhéricu li potiat servire ca si li fit iscruncassata sa moto Traduzioni Francese fracasser, abîmer, détraquer Inglese to shatter Spagnolo destrozar Italiano sconquassare Tedesco erschüttern.