A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ispórulu ispórula

ispòsa , nf: sposa Definizione fémina cojuada, mescamente candho est cojuada noa; fémina cojuandho Frasi s'isposa mireit s'amoradu ◊ custu trintasès est dedicau a una fémina chi aiat chircau a isposa 2. no iscia ca cussa est cojada, e mancu chi si fiat fata a isposa Etimo ltn. spo(n)sa Traduzioni Francese mariée Inglese bride Spagnolo esposa Italiano spòsa Tedesco Braut.

isposài , vrb: isposare, isposari, sposai Definizione fàere sa funtzione e sa festa de s'isposóngiu pigandho pobidhu o pobidha Sinonimi e contrari afidare, cogiare, cojubare, desposare Frasi a bos isposarezas impresse sanos e alligros! ◊ deo apo isposadu a tie ◊ cussus duus funt isposus ma no ant isposau ancora ◊ a nois nos at isposadu unu preíderu amigu nostru ◊ e candho isposades? ◊ a su coru fademu un’ofesa si ti emu isposau po dinai 2. Pitzente e Luisa no ant fatu matana a si cumprèndhere e afrontare sas dificurtades chi ant agatadu sendhe isposados Etimo ltn. spo(n)sare Traduzioni Francese épouser, se marier Inglese to marry Spagnolo casar Italiano sposare Tedesco heiraten.

isposalíssiu, isposalítziu , nm: isposarítziu Sinonimi e contrari isposàntzia, isposognu, isposóriu Frasi commo a facheremus impresse sa festa de s'isposalíssiu!

isposàntzia , nf: sposantza Sinonimi e contrari isposognu, isposóriu Frasi aproillàt a domu de s'obreri po is festas nodias, a is isposàntzias de sa genti arrica.

isposàre, isposàri isposài

isposarítziu isposalítziu

isposàtzu , nm Definizione unu chi est no própriu isposu, fidantzau, ma agiummai, in castiadas cun cuss'idea.

isposàu , pps, agt Definizione de isposare; chi tenet pobidhu, pobidha Sinonimi e contrari cojadu | ctr. bachianu.

isposèlla , avb Definizione su cadirone de su paba / leare a s'i. = cicire in gropera sa fémina cun is cambas ambas a un'ala.

isposentài , vrb Definizione bogare a fora, bogare de domo Sinonimi e contrari bocare | ctr. aposentae Frasi a issu nci dh'ant isposentau Etimo srd.

isposínzu , nm Sinonimi e contrari afidu, cogiuonzu, coja, cojubiu, isposognu, isposóriu Frasi gai onni die chi siat s'isposinzu cunsagradu! Etimo srd.

isposíta , nf: ispusita Definizione genia de pigione Sinonimi e contrari codilonga, coeta, coisàida, culisàida, madisca, madiscedha, niacoa, tzantzigadita Frasi cun su sole si pesat un'isposita e cun s'addescu a bicu bolat a sa cria in su niu (A.Pes)◊ sas ispositas tenent ue s'aumbrare, in cuss'àrbure Terminologia scientifica pzn Etimo srd.

isposógnu, isposóngiu, isposónzu , nm: sposóngiu Definizione funtzione e sacramentu de cójua; festa de candho duos si cójuant; fintzes su si cojuare Sinonimi e contrari afidu, cogiuonzu, coja, cojànscia, cójuba, cojubiu, giuratóriu, isposàntzia, isposóriu Frasi s'isposóngiu est unu de sos sete sacramentos de sos católicos 2. sos Murtones no si incuraiant de sas ispesas ma de fàghere un'isposonzu dignu de èssere ammentadu 3. medas bortas is isposòngios si cumbinànt tra famíllias Terminologia scientifica prdc., sntz Etimo srd. Traduzioni Francese mariages, noces Inglese wedding Spagnolo boda, casamiento Italiano sposalìzio Tedesco Hochzeit.

isposóriu, isposórju , nm: sposóriu Definizione isposóngiu, funtzione e sacramentu, festa de isposare Sinonimi e contrari afidu, cogiuonzu, coja, cojànscia, cójuba, cojubiu, isposàntzia, isposognu Frasi ahi, fradi, tui ses chi, apusti tentu isposóriu, tui puru malassortau, cun sa tua morti morti donendi ses a mei! (P.Rombi)◊ crica de t'isbrigare ca ti che benit sa zente po su cafè de s'isposóriu de Chírigu! Terminologia scientifica prdc, sntz Etimo ctl. esposori.

isposporàda ispaporàda

ispossedídu, ispossedíu , agt Definizione ibregungiu, chi est a bregúngia Sinonimi e contrari abbirgonzadu Frasi càladi su bestire, ispossedia! (Z.Porcu)

ispossessàre , vrb: spossessai Definizione bogare de possessu Sinonimi e contrari ispobidhare, spossidiri | ctr. impossessai Frasi gioghendhe a su possessu, s'amparadore lu deviat defèndhere e sos àteros chilcaiant a unu a unu de l'ispossessare a ghintadas Etimo srd.

ispóssia , nf Definizione genia de gana, de fortza de fàere o de bòllere calecuna cosa Frasi si che asciavat a domo pro chistionare chin nois de bona ispóssia (V.Flore).

ispossiàre , vrb Definizione coment'e bogare, fàere essire Sinonimi e contrari abbèrrere, bocare, irganzare Frasi una luche tesset prendhas chi ispóssiant e crompit milli dugales ◊ una zovanedha si est acurtziada a isse ispossiandhe unu galanu surrisu ◊ turmentadas umbras malos pessos abbandhant ispossiandhe sas laras a su risu ◊ in camineras de noedhos bisos ispóssient in laras largos risos (G.Brocca)◊ frunzas e frores ispóssiant colores e bellesa 2. no ti cherzo gosi pispiniu: ti cherzo ispossiau e alligru, ca zai l'as su motivu de l'èsseres! (P.Pireddu) Traduzioni Francese dégager Inglese to emit Spagnolo desprender, emanar Italiano sprigionare Tedesco ausströmen.