A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

istasídu , pps, agt: istasiu, istaxidu, stasiu Definizione de istasire; chi est chentza fortzas nudha, pigau a debbilesa, de s'immarritzone / porcu istasidu de su lardu = chi no si podet aúrghere de cantu est rassu, chi no bi la faghet a si mòere Sinonimi e contrari ammunzadu, fiacu, infrachiu, irbaléndhidu, irbalesiadu, irmarridu, iscaudhadu, iscinigau, istagiu / cdh. scussatu / frimmadu | ctr. briosu, forte Frasi su tempus malu l'at istasidu 2. tue andhas che muvra, giovanedha, e deo so che pegus istasidu (A.Casula)◊ it'e mandhigare no at fortza a ndhe chircare ca est débbile, istasida ◊ messajedhus cun duus bòis istasius, unu carru e calincunu terrenu, adítziu si campànt sa vida ◊ milliones de pipios morint istasios in cada ala de su mundhu Traduzioni Francese épuisé Inglese worn-out Spagnolo agotado, exhausto Italiano estenuato, stremato Tedesco erschöpft.

istasiméntu , nm Definizione su istasire Sinonimi e contrari finizu, istrachidúdine Etimo srd.

istasína , nf Definizione a logos est sa presone e fintzes s'arressa de unu trebballu po órdine de un'autoridade, órdine de secuestru / istare o èssere a i. = a imbàlliu, po istrobbu Sinonimi e contrari arricatu, imbargu, scicuta / istasinzu 2. nois no balimus piús a nudha, istamus inoghe a istasina, a pesu de sa terra! (G.Ruju) 3. l'ant aciapadu sos carabbineris, li ponent sos ferros e a istasina! Etimo itl.t stasina.

istasinàre , vrb Definizione poderare firmu o fintzes aorare, bogare o istesiare a unu a un'aterunu logu Sinonimi e contrari tratèniri / disterrare Frasi a sos duos fuidos che los ant torrados a istasinare in sa tzella 2. sos cantos chi si pesant dae su parcu falant a murinada che lentore a sa zente istasinada Etimo srd.

istasínzu , nm Definizione istasina, órdine de secuestru; su istare chentza si pòdere mòvere Frasi pensandhe in istasinzos soe!…(G.F.Sedda) Etimo srd.

istasionàre istajonàre

istasiòne istagiòne

istasíre, istasíri iltasíre

istasíu istasídu

istàssa, istàssia istàscia

istassíle , nm: stassile Sinonimi e contrari arreciau, cadaletu 1, canníciu, casaletu.

istassiòni , nf: istatzione, istatzioni, stassioni Definizione firmada pruschetotu de is mezos chi faent trasportu de gente (trenos, aeroplanos, pulmas e àteru) Etimo itl. Traduzioni Francese gare Inglese station Spagnolo estación Italiano stazióne Tedesco Bahnhof.

istatàri , agt Definizione nau de chie tenet s'avesu de furare, chi cricat is istatos in is cuiles, po ndhe furare de su chi dhue agatat Sinonimi e contrari furuncu Etimo srd.

istatèa istadèa

istàticu , agt Definizione chi istat firmu, no est in movimentu (energia i. = potentziale, firma, chi no est faendho, ma podet fàere, efetu).

istatísta , nm Definizione amministradore de un'istadu, guvernante de importu mannu e de grandhe capacidade.

istatística , nf Definizione isciéntzia chi cricat, arregollet, manígiat e istúdiat datos chi pertocant mescamente sa gente in cantu comunidade, cumportamentos e àteru, ma fintzes chi pertocant fenòmenos de àtera genia.

istatísticu , agt Definizione chi pertocat s'istatística; datu chi est fatu, cricau, agatau, manigiau cun is régulas de s'istatística.

istatizàre , vrb Definizione pònnere in manos de s'istadu, fàere mere s'istadu Frasi bi at logos chi ant istatizadu totu, s'istadu est padronu assolutu Traduzioni Francese nationalizer Inglese to nationalize Spagnolo nacionalizar Italiano nazionalizzare Tedesco verstaatlichen.

istàtu iltàtu