A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

perseghíre , vrb: persighire, persighiri, pessechire, pesseghire, pessichire, pessighire, pissichire, pissighire, pressighire, pressighiri, pussighire Definizione cúrrere aifatu po iscúdere, fàere male, cracare, po aferrare, po giagarare, fàere fuire (ma fintzes a giogu)/ pps. pessighidu, pressíghidu Sinonimi e contrari currellai, cúrrere, inchisiri, pissíghere / fèrrere Frasi bi aiat duos pitzinnos pessighíndhesi ◊ su destinu mi pessighit fintzas in su reposu ◊ mi dispiaghet ca ses giagaradu e pessighidu ◊ azutóriu, mi sunt pissichindhe! ◊ sas pudhas si ponzeint a carcarare coment'e pissighidas ◊ pessighidu mi at s'ira fintzas a sa morte ◊ sas àbbiles, cun s'oju fichidu a lantzitare, pussighint su pizu de su sentidu (G.Orgolesu)◊ su malannu dh'at a pressighiri Etimo ctl., spn. perseguir Traduzioni Francese poursuivre Inglese to run after, to persecute Spagnolo perseguir, perseguir, acosar Italiano rincórrere, inseguire, perseguitare Tedesco nachsetzen, verfolgen.

perseveràntzia , nf Definizione manera de fàere de chie agguantat fintzes in is dificurtades, no si perdet de ànimu e sighit su chi credet de dèpere fàere e no s'istorrat Sinonimi e contrari agguantu, apómpiu.

persiàna , nf Definizione genia de apertura a duas perras, fata a traessas cracas, a parte de fora de is fentanas po prus seguresa e fintzes po badrare sa fentana etotu; una genia de orrobba orrolada cun seda, oro, prata.

persiànu , agt Definizione chi est de o pertocat sa Pérsia.

pérsiga , nf: pérsighe Definizione mata e frutu de préssiu Sinonimi e contrari pénsiu, péssiche, prèssaba / cdh. pélsica Terminologia scientifica frt, Prunus persica.

pérsiga 1 , nf Definizione genia de erba, a fogighedhas piticas agiummai tundhas, a cambighedhos longhitos, unu pagu crocaos, de fragu bellu, bona po cundhire papares Sinonimi e contrari limpidedha, maidana, prensa Terminologia scientifica cndh, Origanum majorana Etimo itl.l pèrsega.

pérsighe pérsiga

persighíre, persighíri perseghíre

persòna pelsòne

personàgiu , nm: personazu Definizione sa persona bista po totugantu su chi est o arrapresentat, mescamente in is romanzos, cumédias e àteras òperas de literadura, filmis; fintzes una genia de pantuma chi essit in su sonnu e faet a tímere Sinonimi e contrari pelsone / ammuntadore.

personàle, personàli , agt, nm: pessonale Definizione chi pertocat sa persona, chi est de una persona e de nemos àtere; sa carena de su cristianu, sa persona; is dipendhentes de un'ente, de una sotziedade o àteru Sinonimi e contrari carena Frasi su votu depet èssere líbberu, segretu, personale e contare guale 2. fit una bella fémina deabberu, bianca e ruja che mela, e teniat unu personale fatu a manu de Deu ◊ nonna teniat unu personali minudu ◊ b’aiat in bidha una bella fémina, giughiat unu bellu pessonale, geniosa e ammajadora Traduzioni Francese personnel, corps Inglese personal, staff Spagnolo personal Italiano personale Tedesco persönlich, Personal.

personalidàde, personalidàdi , nf: pessonalidade Definizione sa persona cunsiderada po totu su chi est o chi tenet de naturale e de cultura Traduzioni Francese personnalité Inglese personality Spagnolo personalidad Italiano personalità Tedesco Persönlichkeit.

personalmènte, personalmènti , avb Definizione chi dhu faet sa persona interessada etotu chentza incumandhas perunas, chentza si serbire de àtere; fintzes a idea de chie est foedhandho.

personàzu personàgiu

persòne, persòni pelsòne

pèrta , nf: pleta, preta 2 Definizione genia de bobboi niedhudu chi faet in is domos chi dhue at umidore Sinonimi e contrari apeta, babbalocu, babbasaju, buvone, cadalana, candhulitu, partabúdiga, patedha, paulina, pertiàcia, sasàgia, scarfajoni Frasi sa preta ghetat nexi a s'iscrafajoni ◊ su mandroni est coment'e preta in domu de palla ◊ est mortu istrecau che una preta ◊ est niedhu cument'e una preta Terminologia scientifica crp.

pertabúdiga partabúdiga

pertenénsia , nf Definizione su apartènnere, su fàere o èssere parte de calecuna cosa prus manna o méngius Sinonimi e contrari apartenéntzia, apartenidura Frasi su coro ue si amparat, ue si cuat sena sinnos de pertenénsia pro si sentire abberu in domo sua? (Z.A.Cappai)

pertenitòre , nm Definizione ómine chi domandhat fémina a pobidha Frasi aspeandhe a isse apo torratu chi nono a tantos pertenitores.

pertènnere , vrb: pretèndhere, pretèndiri, pretènnere Definizione pedire, bòllere a foedhos o cun fatas una cosa cun fortza, unu pagu a poderiu, cun o fintzes chentza ndhe àere diritu o arrexone; dimandhare a pobidha / pps. preténdiu, pretesu Sinonimi e contrari bòlere, chèrrere, pedie Frasi mi est pertenzendhe àteru dinari! ◊ no triballas e pretenes puru! ◊ s'Àrdia cheret nàrrere soledade in sos mamentos chi sa balentia ti pretendhet a èssere solu solu (P.Pillonca)◊ pedeus e pretendeus chi siat arrispetada e arriconnota sa língua nosta (G.Atzori) 2. custa zòvana l'at pretesa Fulanu ◊ Cichedhu est pretenzendhe sa fiza de su dutore Etimo itl. Traduzioni Francese prétendre Inglese to claim Spagnolo pretender, exigir Italiano pretèndere Tedesco verlangen, fordern.