A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

picocuàna, picocuànna , nf Definizione genia de matighedha chi benit de s'América, bona po purga Terminologia scientifica mt, Psychotria ipecacuanha.

picòi , nm: picoti Definizione genia de orrobba de seda, lúghida Terminologia scientifica ts Etimo spn. picote.

piconài, piconàre , vrb Definizione trebballare o iscúdere a picu Sinonimi e contrari picai.

picòne , nm Sinonimi e contrari picu Etimo itl. piccone.

picòne 1 , nm: apicone* Definizione cambu o tenaghe de is frutos, parte de mesu ue est atacau su tenaghe Sinonimi e contrari nasedhu 1, tanache Frasi sa figu cota meda portat su picone marciulau e ndi orruet.

piconéri , agt, nm Definizione chi o chie trebballat a picu Etimo srd.

picóngiu , nm: piconzu Definizione su istare picandho, a su pica pica, acropandho, a cropos; su trebballu chi si faet picandho is molas Etimo srd.

picónia , nf: abbicónia*, bicónia Definizione calecuna cosa bona de papare Sinonimi e contrari ispuntinu, pichetada, pranzete, rebbota Frasi sos bichinos torrabant gràssias a chie lis batiat cussa picónia.

picónzu picóngiu

picósu , agt, nm Definizione chi o chie faet o bolet is cosas totu a puntinu e po cussu istat meda a murrúngiu, est malu a cuntentare Sinonimi e contrari pibincu Frasi Perdu, ca fut sèmpere prus picosu, fut a murrúngiu.

picòta , nf Definizione fermizolu burdu, genia de maladia apicigosa chi faet coment'e a bubburuchedhas Terminologia scientifica mld Traduzioni Francese varicelle Inglese chicken pox Spagnolo varicela Italiano varicèlla Tedesco Windpocken.

picotàda , nf Sinonimi e contrari cuciarada, scafitada Etimo srd.

picotài , vrb Definizione púnghere cun is foedhos, naendho foedhos chi dispraxent, chi ofendhent Sinonimi e contrari abbituperare, afrentai, aggraviai, scafitai Etimo spn. picotear.

picòti picòi

picotósu , agt: pigotosu Definizione nau de ccn., chi portat sa pedhe totu a marcos de sa pigota Sinonimi e contrari aggutau, pigotau / ttrs. vagliuradu Frasi miràdela sa màschera: est sentza ojos, sentza orijas, pigotosa! Etimo srd. Traduzioni Francese grêlé, variolé Inglese pocked Spagnolo picado Italiano butterato Tedesco pockennarbig.

picotzína, picotzínu , nf, nm Definizione genia de martedhu de maistu de muru Terminologia scientifica ans Etimo itl. piccozza.

pícu , nm Definizione aina de ferru a duas puntas, una tundha, s'àtera lada (a istúturu), po mòvere cosa tostada (pedra, codina, terra firma mai o de meda chentza trebballare)/ min. pichitu, pichighedhu / partes de su p.: punta o corru, atza, ogu, màniga Sinonimi e contrari picone Modi di dire csn: p. de tallu = picheta; surdu che p. = surdu pedrale, surdu deunudotu; segai su picu trabballendi = triballare meda; picare a p., p. p. a unu, una cosa = pessighire; tènniri in p. a unu = leare in ódiu, àere cosa contras a ccn.; èssiri in p. = èssere leadu a ódiu, èssere in malas; èssere o istare picubicu dimandhandho = sighire a dimandhare Frasi picu modhe, no piches in sa roca! ◊ balla ca a trabballai a picu fàdiat puru! 2. sos annos mi sapo colandhe, zocandhe a tenedene chin sa presse picàndhemi a picu sa bida ◊ za est una die chi sos carabbineris lu zuchent a picu, a cussu bandhiu!…◊ a totus nos at curtu picu picu, Mastru Giuanne!◊ ndi as segau seti, de picus, oi puru!… Cognomi e Proverbi smb: Piccu, Picus Terminologia scientifica ans Traduzioni Francese pioche Inglese pick Spagnolo zapapico Italiano piccóne Tedesco Spitzhacke.

pícu 1 , nm: bicu 1 Definizione pícula, donniuna de is chimbe pedrighedhas de erriu piticas, tundhas, chi si ponent po giogare; fintzes cosa coigiada Sinonimi e contrari ballina, bàtile 1, brusca 1, cucu 1, lecucu Frasi su pipiu currendu cun is buciacas segadas at pérdiu is picus Etimo ctl. pico.

pícu 2 , nm Sinonimi e contrari arrogu, bículu* Frasi nche li ant secadu unu picu de su mantedhu.

picuabbistràle , nm Definizione picu de tallu, genia de ferramenta chi assimbígiat a su picu, ma portat duas atzas chi arresurtant fadhias, a grughe, a una parte una de unu betu (che a su picu, a istúturu) e s'àtera in s'àtera parte de longu (che a sa segure) Sinonimi e contrari marrabicu, picheta Frasi tenzo su contumazu a dólimas, istrossadu, fia totu sa die a picuabbistrale boghendhe cutighina Terminologia scientifica ans.