A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

piciàciu , nm: pisciàciu, pisciatzu, pissàciu Definizione s'orina de is animales Sinonimi e contrari lúciu, piscia.

piciài , vrb: (pi-ci-a-i) pissiai pitziai, pitziari Definizione prus che àteru s'efetu chi faet cosa chi punghet o chi abbruxat in sa carre; fintzes pigare cosa (esca) a buca coment'e bicandho; in cobertantza, nàrrere cosa, foedhos chi dispraxent, ofendhent Sinonimi e contrari pistidhire, púnghere, ispiciulare, spurtiri / piticare / anniscai / dispiàchere Frasi su soli budhiu de s'istadi pítziat ◊ mi pítziat sa ferida 2. su piscadori a lentza est abetendi chi su pisci pitzit ◊ su casu papadhu pítzia pítzia, ca no proit de su celu! 3. is fuedhus avrincosus ferint e pítziant, ma a bortas faint prangi a chini dhus ghetat! Etimo ltn. *pits Traduzioni Francese brûler Inglese to burn, to hurt Spagnolo quemar Italiano scottare Tedesco brennen.

piciànti , nm: (pi-ci-an-ti) pitzianti pitzienti Definizione genia de erba, de diferentes calidades ma totu prenas de puntighedhas piticas chi punghent e faent a dolidura: segundhu sa calidade dhi narant ‘fémina’ o pitziantedhu (U. pilulifera), ‘mascru’ (U. dioica) Sinonimi e contrari bistiori, boltíula, frusticaja, granudu, ociada, oltija, pistidhore, pitigallella, pítula, pitziadroxu, pitziafui, purtzigada, pústica Frasi fiat cosa de timi, capatzi de ti pungi che pitzianti mascu Cognomi e Proverbi smb: Pitzianti, Pizzianti Terminologia scientifica rba, Urtica atrovirens, U. dioica, U. pilulifera, U. urens Etimo srd. Traduzioni Francese ortie Inglese nettle (stinging) Spagnolo ortiga Italiano ortica Tedesco Brennessel.

piciàre , vrb Definizione pònnere fogu; pigare fogu, tènnere a fràmmula; nau cun avb. de nega de un'arma, negare, fartare de isparare; nau cun avb. de nega po fémina, fartare de impringiare, no impringiare Sinonimi e contrari allúere, allumae, incèndhere Frasi calicunu at piciadu fogu in su monte ◊ cun custa linna totu ifusta su fogu no píciat Etimo itl. appicciare.

piciàre 1 , vrb Definizione incrubare, piegare 2. custos suvèrgios sunt piciaos de su ventu ◊ est a ischina piciada, messandhe.

picicorródhu , nm Definizione nau de ccn. candho est béciu perrai, unu béciu meda Etimo srd.

picícu pichícu

pícicu , nm: pítzigu Definizione un'apenas, pagu pagu Sinonimi e contrari pibidedhu, piticada Frasi a tie ti cheret unu pícicu de sale in conca Etimo srd.

pícidu píchidu

picigài , vrb: apicigai*, pitzicare, pitzigai, pitzigare Definizione pònnere cosa, prus che àteru cun colla o àteru de apicigosu, a manera chi abbarret totu impare cun àtera; istare a tropu aifatu de un'àteru fintzes giaendho ifadu; arrennèscere a fàere calecuna cosa, fintzes a cuncordare un'ingannu, una trampa, una brulla, giare calecuna cosa (mala) a unu / unu pòberu picigau a terra = póveru meda; pitzigare de ogu = pònnere ogru, fèrrere a ogru (malu) Sinonimi e contrari apodhai, arbiare, atacai / acadenanciare, acadrancai, apegai, incadranancare / bicigari, fèrrere | ctr. ispitzigare Frasi custus fuedhus funt picigaus apari ◊ si si ndhe abbizat mamma, chi coltègias a mie, ti pítzigat su cane ◊ banzu ti pítzigo si no andhas a su cumandhu! ◊ in sa falada pítzigat cust'iscadriada e ch'est ruta a costa longa (A.Bocchinu)◊ càstia a innui tiras sa perda: chi mi picigas, marranu chi no t'ismermu! ◊ e ite si ti pítzigat a cara cussa nae chi ant imboladu!… 3. si achipimus bi la pitzigamus a che la fàghere oe, sa faina ◊ oje puru mi l'as pitzicada, a mi nche ghetare su late a terra! ◊ si nos addasiamus nos la pítzigat s'ora! ◊ cussu pisedhu mi at pitzigadu búglia!◊ at brincau tantas bias ma non si dh’at picigada a ndhe bodhire s'àgina 4. cuss'iscominigada at pitzigau de ogu su catzedhedhu meu!

picigajólu , agt, nm Definizione chi o chie si apicigat, istat a tropu aifatu de s'àteru; fintzes chie bendhet cosa in giru Sinonimi e contrari picigóngiu, picigosu / bendhiolu, tzafanajolu Etimo srd.

picighéri , agt, nm Definizione chi o chie atacat a brigare cun facilidade, si dha pigat meda a briga Sinonimi e contrari begosu, pretadori Frasi cussu picigheri est sempri a chini donat e a chini impromitit e no depeus aciungi linna a su fogu! (S.Loi)

picigóngiu , agt: apicigóngiu Definizione chi apicigat, totu; nau de ccn., chi istat a tropu aifatu de s'àteru, chi si apicigat a foedhare e no dh'acabbat prus Sinonimi e contrari apitzigaditu, apodhosu, atacaditu, impodhau, impodhosu, picigosu / apítzigu, genosu, ifadosu 2. est unu picigóngiu, cussu cristianu!… Terminologia scientifica ntl Etimo srd. Traduzioni Francese gluant, collant, importun Inglese sticky, irritating Spagnolo pegajoso, pesado, molesto Italiano appiccicóso, molèsto Tedesco klebrig, aufdringlich, lästig.

picigósu , agt: apicigosu*, pitzicosu Definizione chi si apicigat, chi tocandhodhu abbarrat atacau a manos o a sa cosa; nau de unu, chi s'istentat a tropu foedhando o istat aifatu de s'àteru chentza bisóngiu, a ifadu; pitzicosu a logos est fintzes un'erba, su pigulosu Sinonimi e contrari apitzigaditu, apodhosu, picigóngiu / apicigu, ifadosu Frasi custu pani est crú: portat sa matza picigosa 2. no fait a chistionai cun tui: ses unu picigosu!

picínna , nf: pitzinna Definizione pipia giai sèmpere pitica, ma fintzes matuchedha, fintzes manna / p. de s'óciu = pipia de s'ogru; cherrer bene chei sa p. de s'óciu = istimare meda Sinonimi e contrari pipia 1, picioca Frasi sa pitzinna daemila ca la leo deo in coa a la drommire 2. pitzinna bella si ch'est fata! 3. sas tzias l'aviant chérfiu vene chei sa pitzinna de s'óciu ma non bi aviant isciu a li dare régula peruna.

picinnàu , nm Definizione ispétzia de pannu po fàere capotos Terminologia scientifica ts.

picinnàxu , agt, nm: pitzinnàgliu, pitzinnarju, pitzinnarxu, pitzinnaxu Definizione chi o chie giaet atentzione a is pipios, càstiat is pipios; brebè chi àngiat a prima borta, fintzes su bagadiu Sinonimi e contrari pipiarzu 2. su stallu serbit po lassari is picinnaxas acorradas ◊ unu de is bastantis chistiat is angionis istitaus cun pegus de pitzinnaxu Etimo srd. Traduzioni Francese baby-sitter Inglese male nanny Spagnolo niñero Italiano bambinàio Tedesco baby-sitter.

picinnédhu , nm: pitzinnedhu Definizione (f. –a) persona pitichedha de tempus, pipiu de pagos annos, o fintzes prus mannitu asuba de is deghe ma no ancora mannu Sinonimi e contrari pipiedhu / piciocu 2. unu grupu de picinnedhos parent chircandho de imparare a cantare a tenore, isperamus chi sicant!

picinnèsa , nf: pitzinnesa Definizione totu su tempus chi unu est minore, pitzinnu Sinonimi e contrari gioventura, picinnia | ctr. becesa Frasi issa fit sa cumpanza de sa pitzinnesa mia Etimo srd.

picinnía , nf: pitzinnia Definizione totu su tempus chi unu est minore o pitzinnu Sinonimi e contrari gioventura, picinnesa, pipiesa | ctr. becesa Frasi in custa terra nci apu trabballau in picinnia ◊ si fit possíbbile a torrare a su tempus de picinnia!…◊ in sardu iscrio sa limba imparada dae totu sentza mastru in pitzinnia (L.Cubeddu) Terminologia scientifica vda Etimo srd. Traduzioni Francese enfance, adolescence Inglese childhood, youth Spagnolo infancia, adolescencia Italiano infànzia, adolescènza Tedesco Kindheit, Jugend.