A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

passolidàde , nf Definizione pasia, unu tanti de personas Frasi una passolidade la cheret cota e una passolidade la cheret cruda (G.F.Sedda).

passolitórtu , agt, nm Definizione chi o chie portat is peis trotos de posidura (cun is puntas chi s'istésiant a fora o chi si acostint apare) Etimo srd.

passoníu , nm Definizione its Frasi in su tassiau passoniu de cabidanni de guàrdia in sa funtana de Bia Lada po iscrufi s'imperu de s'arrabiori tedescu bufamu paga àcua, ma pischendu timoria meda (A.Ruggiu).

pàssu , nm Definizione incambionada o tretu chi si faet cun is peis camminandho; apertura de longu de is cambas, su tretighedhu chi cabet tra unu pei e s'àteru postos su prus atesu (si pigat fintzes coment'e misura de longària, tanti po bíere cantu podet èssere unu tretu); genia de móvia chi si faet cun is peis ballandho; mutúgiu, moida chi si faet cun is peis camminandho; in sa màdria o vite, apertura de su surcu a caragolu o distàntzia tra ferme e ferme, inter duas cristas; fintzes tretu significativu de iscritura Modi di dire csn: fàghere a p. in carrela = passai ananti de una domu sentza de si firmai mancus a saludai; caminare a p. istracu = abbellu, azummai trazendhe sos pes, a passu istasiu; annare a p. pasatu = caminare pàsidos, abbellu; andai a p. istirau = lestros; betare p. = pònnere passos, caminare, mòeresi; illonghiare, istirare, allegrare, spetiai su p. = caminare prus impresse; camminai a p. = andhare chentza cúrrere; èssiri de passu, in su passu = in passera, in colada; mòghere de p. = mòere unu passu; castiai is passus a unu = zúghere a unu a oretu; su p. torradu = zenia de ballu chi no serrat a chircu Frasi custa bronchita no mi lassat isperriai passu ◊ torrat pro bídere ue sos primos passos at betadu ◊ apu fatu una poriga de passus ◊ tanti funt bàtero passos de sa fiera de Abbasanta a bidha!…◊ no cumences gasie a passos mannos a t'ischertzare sa persona mia! 2. cussu terrinu l'apo medidu a passos 3. in sos ballos, isse daiat su passu e su tonu a su cantu ◊ tue ballas bene, ma custu passu no l'ischis 4. s'intendint passus in foras: funt issus torrendi! 5. nci portaus custa cosa a domu sua, po cantu ca seus in su passu ◊ dae inoche no s'est móghiu de passu ◊ onzi pitzinna mirat s'amoradu e fintz'a chelu si altzat su piúere a donzi colpu de passu torradu (A.Casula)◊ bai in bonora, fortuna, giai chi ses de passu! ◊ torrat a bidha a passu istasiu ◊ gei coidat a torrai… portat passu de sitzigorru! Cognomi e Proverbi prb: cunformi a sa camba tira su passu Etimo ltn. passus Traduzioni Francese pas Inglese step Spagnolo paso Italiano passo Tedesco Schritt.

pàsta , nf Definizione farra ammesturada cun abba, unu pagu tostada, po fàere a pane, macarrones e fintzes is macarrones etotu (fintzes sicaos) e su papare chi si faet cun custos; genia de druche chi faent is ofellerias (es. p. sciringa); satzada de calecuna cosa (o fintzes múngia, pelea, arrennegu, tzacu) Sinonimi e contrari macarrone / pastícia / papada, satzada Modi di dire csn: sa p. podit èssiri ciueta, axeda, ispongiada, corriatza; donaisí una p. de àcua = fàgheresi una bentre de abba, fàghere una bella bufada de abba; ómine de bona p. = de naturali bonu; èssere una p. de mele (nadu de unu) = èssere bonu meda, de naturale chi piaghet; p. impelciada = macarrones cun casu furriadu 2. poneidhas in su frigoríferu cussas pastas ca sinuncas si guastant! 3. si at fatu una pasta de risu, de prantu, de arrejonu, de tússiu ◊ nos fachimus una pasta de gurugliones ◊ proigat piús sa peta comporada chi no sas pastas de peta furada (M.Dore) Terminologia scientifica mng Etimo ltn. pasta Traduzioni Francese pâtes Inglese dough Spagnolo pasta Italiano pasta Tedesco Teig, Nudeln, Gebäck.

pastàgna , nf Sinonimi e contrari breu, contramazina, foltilesa, punga, scritu Frasi pastagna de sas súrbiles Etimo spn. pestaña.

pastàrgiu , agt, nm Definizione chi o chie faet meda in sa pasta, dhi praghet a papare macarrones Etimo srd.

pastarràgna, pastarràina , agt: pistarràina Definizione nau de s'espu, chi tenet su niu in terra Sinonimi e contrari espivorràini, muscone Terminologia scientifica crp.

pastèdha , nf: pasteta Definizione ispétzia de colla fata de farra cun abba o de imbidonu cota po atacare cosas diferentes Etimo ctl. pasteta.

pastèra paltèra

pasteràtzu , agt, nm Definizione nau a disprétziu, pasteri Sinonimi e contrari pasterone, sassagoni Frasi sangunera pasteratza chi satzas is bramas chi ti assogant sangrendu a chini t'istimat (F.Onnis) Etimo srd.

pasteréntzia , nf Definizione su èssere pasteri, papadore meda Sinonimi e contrari bentrania, inguglioneria, inguglionia, ingurtímine, ingurtionia, pasteria Etimo srd.

pastéri , agt, nm Definizione chi o chie papat meda, ma nau pruschetotu in su sensu de bòllere tropu, totu issu / èssere cafudu e p. = zúghere bentre manna e… manigare meda Sinonimi e contrari allambridu, allupidu, bentranu, inguglionalzu, iscorpargiau, livone, mangiufoni, sassagoni, sgalluponi, tuvonarxu Frasi pasterone, ti màndhigas un'armentu! ◊ su corvu e s'unturzu sunt ambos pasteris: s'isméntigant in d-unu corpus mortu! ◊ e ite sos pasteris si podiant… continu fint istados sempre in gherra pro lu pòdere otènnere unu sartu! ◊ ita cani pasteri chi est su miu!… Etimo srd. Traduzioni Francese gros mangeur Inglese heavy eater Spagnolo comilón Italiano mangióne Tedesco Fresser, Vielfraß.

pastería , nf Definizione su èssere pasteris, sa gana malammodida de bòllere totu unu Sinonimi e contrari bentrania, inguglioneria, inguglionia, ingurtímine, ingurtionia, pasteréntzia Frasi abbà sa pasteria tua: no ndhe as dadu a neune de cussa cosa e como che la frundhis guasta! Etimo srd.

pasteròne , nm Definizione nau a menisprésiu, pasteri etotu Sinonimi e contrari pasteratzu.

pasterúmini , nm Definizione su èssere pasteris, asuriosos Sinonimi e contrari bentrania, inguglionia, ingurtionia, pasteréntzia, pasteria Etimo srd.

pastèta pastèdha

pastícia , nf Definizione pasta, druche de tantas genias chi faent in is ofellerias.

pastifíciu, pastifítziu , nm Definizione fàbbrica chi faet macarrones a bèndhere.

pastíglia, pastílla, pastíllia , nf Definizione meighina a bisura de caramelledha, prus che àteru tundha, de ingurtire intrea, o iscagiada in s'abba, a bufadura Sinonimi e contrari muscardinu, péndhula 1 Frasi dàemi unu ticu de abba ca mi bufo sa pastíglia! ◊ pighissí una pastíglia! ◊ su dutore li at dadu una meighina a pastillas ◊ pigu una pastíllia po su dolori de casciali ◊ seu pighendi tres pastíglias grogas a mengianu e tres asullas a merí ◊ su vinu inoghe no lu vivent po víssiu: est coment'e una pastíglia po su dolore de conca!