A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

pedrighína , nf: predichina, predighina, pretichina, pretighina, pitrichina Definizione (upm) min de pedra, pedra pitichedhedha, prus minuda de sa giarra (ma nau fintzes in custu sensu) Sinonimi e contrari brúscula, pedrischedha, perdíscula, perdixedha, predaredha Frasi sas rodas de sa moto tichirriaiant in sa pedrighina de sos tirighinos ◊ su tretu uve si curriat su palu fit unu cucuredhu de pretichina atzuta 2. so passadu in su fràigu pro isgarrigare sa pedrighina Etimo srd. Traduzioni Francese pierrette, caillou Inglese little stone Spagnolo piedrecilla, piedrecita Italiano pietruzza, sassolino Tedesco kleiner Stein.

pedrighinàlzu, pedrighinàxu , nm: perdighinarzu Definizione logu o terrenu totu pedra, pedra iscàbula, iscapa, pedrosu; in cobertantza, fintzes logu de dificurtades Frasi ranos lampados in pedrighinaxu inue apenas bi at pizu ’e terra tudhint ma si sicant Etimo srd.

pedrighinósu , agt Definizione nau de logu, chi est totu pedra, dhue at pedra iscàbula e pitica meda Sinonimi e contrari pedrosu Etimo srd.

pedrigonàda , nf: perdigonada, prediconada Definizione isparu a perdigones Sinonimi e contrari isperdigionada Frasi una pedrigonada de fusili a isbarradura, paru malu!… Etimo srd.

pedrigòne, pedrigòni , nm: peldigone, perdicone, perdigone, perdigoni, perdixone, pidrigoni, predicone Definizione birilledha pitica de prumu chi in cantidade si ponet in is cartúcias po isparare pigiones / p. de grivare = adatos po isparare pillon'e tàcula Sinonimi e contrari cdh. pildiconi Frasi ita mabasicu seis fendi tirendi a pedrigonis: po puiga m'eis pigau?! ◊ ti at a donai una passada de pidrigonis a paneri, si ti agatat furendi! 2. sa ua ocannu no bi at ammaduradu: sos pipiones parent perdigones! Etimo spn. perdigones Traduzioni Francese plomb de chasse Inglese pellets Spagnolo perdigón Italiano pallino da càccia Tedesco Schrot.

pedriméntu , nm, nf: perdimenta, perdimentu Definizione su pèrdere o mancare, bènnere mancu cosa, fintzes sa cosa pérdia Sinonimi e contrari példua, pérdia / mancamentu / cdh. paldimentu | ctr. bínchida Modi di dire csn: perdimenta de berbeghes = mancamentu, fura; cotu a perdimentu (nadu de ccn.)= imbriagu pérdiu Frasi pitica sa perdimenta totu cussas brebeis mortas!…◊ dhoi at pagu perdimentu e pagu guadàngiu ◊ un'istídhiu puru est perdimentu 2. fut lumenada custa gente mia po circa de fura o de perdimenta ◊ fit bandhidu ma odiaiat sa fura e antzis, si li essiat cungentura de andhare a unu perdimentu, poniat timoria a sos ladrones 3. fadeimí agatai su pedrimentu miu! 4. cussa est fea a perdimentu! Etimo srd.

pedringiànu , nm, nf, agt: peldingianu, perdignanu, perdingiana, perdingianu, perdinzanu, pidringianu, predingianu, predinzanu, predungianu Definizione genia de erba de ortu, a fògias mannas, chi faet coment'e unu frutu (upm) tundhu o longhitu e grussu, bonu a còere, totu prupa tostighina / figu pedringiana = figu niedha de tríulas madura meda Sinonimi e contrari melingiana / cdh. pirinzana Frasi cussu predungianu lu giuchent a lúmene: cada fita ndhe cenet una safata ◊ in is ortos dhue faet sa tamata, su pisu, sa patata, sa crucuriga, s'aeda, sa latuca, su pedringianu, s'àpiu, sa síndria e su melone Terminologia scientifica rbzc, Solanum melongena Etimo itl. petronciano Traduzioni Francese aubergine Inglese aubergine Spagnolo berenjena Italiano melanzana Tedesco Aubergine.

pedrinóstu padennòste

pedrischèdha , nf: pedruschedha, prediscedha, predischedha, preduschedha Definizione orrughedhu de pedra, pedra pitichedhedha (upm), pedrighedha Sinonimi e contrari pedrighina, pedrischédhula, perdixedha, predaredha, predusca Modi di dire csn: zúchere o pònnere p. in s'iscarpa = ficare carch'idea in conca, coment'e cosa chi no lassat in asséliu; intèndhere p. in s'iscarpa = tènniri calincuna cosa chi unu no podit baliai; èssere che pedrischedha in iscarpa = ifadosu meda Frasi sa beridade ponet predischedha in s'iscarpa a chie de issa no est amantiosu ◊ sos Sardos esiliaos sunt preduschedha de rivu cussumada dae s'abba ◊ s'abba de su rivu trazat prediscedhas lúchidas Etimo srd. Traduzioni Francese pierrette, caillou Inglese small stone Spagnolo piedrecilla, piedrecita Italiano pietruzza, sassolino Tedesco kleiner Stein.

pedrischédhula , nf: pedruschédhula, predischédhura Definizione pedrighedha, pruschetotu cudha tundha, bianca, allisada, chi serbit po giogare, pícula, e a logos narant perdas de ogu Sinonimi e contrari pedrighina / bàtile 1, bicu 1, lecucu Frasi in sas cracas isfundhadas abba e pedrischédhula intrat e essit ebbenemindhe ◊ su pitzinnu est acabidendhe pedrischédhula Etimo srd.

pedrischína , nf Definizione pedrighedha pitica Sinonimi e contrari pedrischedha, pedrischédhula, perdixedha Etimo srd.

pedríscia , nf: pedrissa, pedritza, predissa, pidrissa, pitrissa Definizione pedra lada de leminàrgiu o de fentana; pedra a oru a muru po cicire a cuadhu, o fintzes po istare gente cicia passandho ora Sinonimi e contrari curníscia, zannile / istrada 1, istradile, secidórgiu 2. sa zente fit sétida in sas pedrissas de piata ◊ custu contadu est rutu in sa pedríscia de s'isméntigu ◊ sa zente si firmat a pasare in sas pedrissas ◊ pighet a sa pedrissa e setzat a ingropas! Traduzioni Francese rebord, appui de fenêtre Inglese windowsill Spagnolo antepecho Italiano davanzale Tedesco Fensterbrett.

pedriscòla , nf Definizione pedra pitica, pedrighedha. Sinonimi e contrari pedrighina, pedrischedha, predusca.

pedríssa, pedrítza pedríscia

pedròcia , nf Definizione contone, orrugu mannu de pedra Frasi buscamila una pedròcia ca mi setzo!

pedronài , vrb: peldonai, peldonare, perdonai, perdonare, perdonari Definizione no fàere contu de un'ofesa, lassare cúrrere unu dannu o un'ofesa chentza si ndhe pagare; fintzes lassare cúrrere unu dépidu, iscusare / arresposta a chie pedit s'alemúsina candho no dhi giaent nudha: a perdonare!, a perdonai! = a iscusare!, a tènnere passiéntzia! Sinonimi e contrari aggrassiare, annistiare, paedhare | ctr. cundennai Frasi pro no sighire sàmbene subra a sàmbene los perdonei ◊ Gesusu at perdonadu cudhos chi l'ant martirizadu ◊ peldona a chie mi cheret male! ◊ Deus dh'at a pedronai su própriu! ◊ si fit a perdonare sa mancàntzia no tiat tandho esister sa giustítzia (Caria) 2. perdonamí chi non soi bennia innantis! ◊ – Lah ca dhui at unu pòbiru! – Eh, naradhu a pedronai! Etimo ltn. perdonare Traduzioni Francese pardonner, remettre Inglese to pardon Spagnolo perdonar, condonar Italiano perdonare, condonare Tedesco vergeben, erlassen.

pedrónu , nm: peldonu, perdonu Definizione abbonu, no fàere contu de un'ofesa, lassare cúrrere unu dannu o un'ofesa chentza si ndhe pagare / pasca de is perdonus = pasca fiores, pasca rosada Sinonimi e contrari remissione / cdh, paldonu | ctr. cundenna, vangàntzia Frasi s'ànima in s'íntimu arrejonu mi narat chi rispondha a sos azios cun su fior'e s'umanu perdonu (G.A.Cossu)◊ perdonu, Deus meu: apo pecadu! ◊ domanda perdonu a conca calada! ◊ domandu perdonu a chini apu fatu mali ◊ cun cudhus ogus pariat domandendu perdonu Etimo ltne. perdonum Traduzioni Francese pardon Inglese forgiveness Spagnolo perdón Italiano perdóno Tedesco Vergebung, Verzeihung.

pedrósu , agt: perdosu, pidrosu, predosu, pretosu Definizione nau de su logu, chi dhue at pedra meda, chi est totu pedra; nau de frutuàriu (es. pira, pirastu), chi portat una genia de granos, nodighedhos tostaos in mesu: nau de calecuna calidade de nughe, chi portat su corgiolu de mesu totu intrau apare cun su chiu, incasciau de una manera chi no faet a dhos seberare / surdu p. = surdu che picu, chi no intendhet Sinonimi e contrari pedrighinosu, perdichinu, perdigosu, sàssinu / ossichedhosu, perdixedhosu Frasi bi aiat zente arestada peri sos montes piús ràbidos e pedrosos ◊ ca ses frutu selvàticu aescosu a nudha giuas, pirastu predosu! 2. ita dhi gridas, ca est surdu pedrosu?! Etimo ltn. petrosus Traduzioni Francese pierreux Inglese stony Spagnolo pedregoso Italiano pietróso, sassóso Tedesco steinig.

pedrumàscu , nm: perdumascu Definizione númene po inditare fémina de cumportamentu sessuale contràriu, a s'imbesse, chi cricat àtera fémina; fintzes piciochedha chi tenet unu cumportamentu prus de mascu chi no de fémina, mascrulla 2. a piciochedha de doxi annus si poniat povinas a fai su pedrumascu gioghendi cun is piciochedhus ◊ sa piciochedha in bixinau dha narànt Perdumascu ca fet su chi fenta is mascus.

pedrupischédhu , nm Sinonimi e contrari abbajola, babbajola, majola, mandioba, mariapesabola, mariola Terminologia scientifica crp Etimo srd.