A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

pedighína , nf Definizione genia de fossu chi si faet in s’oru de su truncu (in su pei de sa mata), a inghíriu de matas o de àtera cosa prantada po dhis abbarrare abba apaulada; fossu Frasi su terrinu arvatadu a marrinfatu l'ischérviant, ndhe betant sas cadrijas e sas pedighinas (G.Addis) Etimo srd.

pedighinàre pedichinàre

pedighínu , nm: pidighinu Definizione genia de pentzamentu / àere una cosa a pidighinu = tènniri iscinitzu po ccn. cosa Sinonimi e contrari apensamentu, apinnicu, arraolu, ischinitzu, pedine, pestighinzu / abbalàviu, atàviu, fazellu Frasi candho unu at su pidighinu de tucare chito no drommit ◊ su pidighinu chi ant sos de domo est su chi podet capitare cras (M.Bua)◊ su pidighinu chi aiat si apasigheit addaghi resesseit a si ammentare su càntigu Etimo srd. Traduzioni Francese agitation, mouvement Inglese restlessness Spagnolo inquietud, desasosiego Italiano irrequietézza, moviménto Tedesco Unruhe, Bewegung.

pedigòne, pedigòni , nm Definizione frucàgiu prantau; muredhu o àteru a inghíriu de su fundhale de una mata (es. olia), a cortina Etimo srd.

pedigótu , agt, nm: peigotu Definizione chi o chie sufrit de peanas Sinonimi e contrari peanosu Traduzioni Francese podagre Inglese gouty Spagnolo afecto de podagra Italiano podagróso Tedesco podagrisch.

pedigúngia , nm Sinonimi e contrari abbericúngia, poburedha, procumuntoni Terminologia scientifica crp, philoscia muscorum, porcellio laevis, armadillium granulatum Etimo srd.

pedijólu , agt, nm Definizione chi o chie istat a su pedi pedi, a su dimandha dimandha, prus po avesu chi no po bisóngiu Sinonimi e contrari pedixolu Terminologia scientifica ntl.

pedíle , nm: predile Definizione genia de acorru fatu a muru bullu in is tancas ue si acorrant is vitellos, o fintzes is porcos Sinonimi e contrari petrule Frasi candho tenes porchedhos in predile, cun su mere as a tènnere chistione! Etimo srd.

pedimèdha padimédhu

pedimènta , nf Definizione crica de dinare, su pedire po àtere, po agiudare a calecunu Sinonimi e contrari busca, peduina, pedulia Etimo srd.

pedimòdhe , agt Definizione nau de ccn., chi portat sa pranta de su pei lada lada, chentza ischeadura in mesu Sinonimi e contrari pedibbassu Etimo srd.

pedína , nf: pidina 1 Definizione petzu de su giogu de dama e de iscacos chi si movet in taulita iscacada; nau a befa, fémina de bàscia cunditzione.

pedinàre , vrb Definizione caminare, andhare / p. sas fàulas in terra a ccn. = istare sèmpere naendho fàulas.

pedíne , nm, nf: pedinu, pidina, pidinu Definizione genia de pentzamentu chi si tenet po ccn. cosa Sinonimi e contrari apensamentu, apinnicu, arraolu, pedighinu, pestighinzu, revinu, solovu Modi di dire csn: est unu pedinu (nadu de unu) = ifadosu; fàchere una cosa a p. = bene, cun contivizu; intrare pedine = leàresi pessamentu Frasi tota addolimada est sa persone chi pro sa cura li ponet pedinu ◊ lu tenia a pidinu de andhare a fàghere cussu cumandhu ◊ si essis, tene pidinu de torrare! ◊ mama tua ti sighit a pedinu in s'isconsolu ◊ cun cussu pidinu in conca no resesso a drommire ◊ su dutore l'at bisitada cun cuidadu e mudu: in cara si li leghiat però sa pidina e unu belu de suore si est mudadu in gútios Cognomi e Proverbi prb: chie no at pedinu est ómine mischinu Etimo srd. Traduzioni Francese anxiété, hantise Inglese worry Spagnolo ansia, inquietud, angustia Italiano ànsia, assillo Tedesco Angst, angstvolle Unruhe.

pedinósu , agt: pidinosu Definizione nau de ccn., chi tenet pidinu, pentzamentu, contivígiu Sinonimi e contrari apidinadu, apinnicadu, apremuradu, pinnicosu | ctr. discodiau, trascuradu Frasi za est pidinosu pro triballare: su manzanu petzi ndhe lu bides pesadu, chito chito ◊ pisedha pidinosa: no bi at bisonzu de bi las nàrrere, sas cosas, za bi pessat! 2. candho fit bajanu no teniat oriolos e ne pensamentos de crios e ne de muzere pidinosa Etimo srd. Traduzioni Francese prompt Inglese prompt Spagnolo solícito, celoso Italiano sollécito Tedesco eifrig, fürsorglich.

pedínu pedíne

pedinzòne , nm Definizione ufradura chi faet su fritu, prus che àteru in manos o in peis, e faet a iscrafíngiu Sinonimi e contrari filinzone, maninzone, pilinzone, pirignone*, zelone Terminologia scientifica mld Traduzioni Francese engelure (aux pieds) Inglese chilblain Spagnolo sabañón a los pies Italiano gelóne (ai pièdi) Tedesco Frostbeule (an Füßen).

pedínzu , nm Definizione su pedire, pedidoria Frasi sos disaguraos fachent pedinzos pro cada bisonzu (B.Murgia) Etimo srd.

pedíre, pedíri pedíe

pedisciànca , avb Definizione a p. = a pincaredhu, brinchidandho o andhandho cun d-unu pei solu.