A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

pendhéntzia , nf: pennéncia Definizione su pèndhere, su èssere prus bàsciu a una parte Sinonimi e contrari ratesa Etimo itl. Traduzioni Francese pente Inglese incline Spagnolo inclinación Italiano pendènza Tedesco Neigung.

pèndhere , vrb: pèndiri, pènnere Definizione èssere o abbarrare apicau a caleuna cosa; èssere coment'e posidura prus bàsciu a una parte (nau de cosa chi iat a pòdere istare in paris) o coment'e incrubau a una parte (nau de cosa istrantagiada, prantada); andhare de pitzu a logu prus in bàsciu (e fintzes iscúdere, calare unu cropu)/ p. a oricras = pecare a origras, èssiri unu pagu surdu Sinonimi e contrari pendhentinare, pendholiare / abasciai, achirrare, cabai, falare Frasi tubbos grussos e fines penniant dae sa bòveta 3. sont pénnitos a giosso e fartziatos a supra ◊ at pénnitu un'istuturrata a su fitzu ◊ de Núoro semus péndhios a Ulíana ◊ sos cumpantzos fint pénnitos a domo sua ◊ semus ghiranne, pennenne a bidha Etimo ltn. pendere Traduzioni Francese pencher Inglese to hang Spagnolo pender, colgar Italiano pèndere Tedesco hängen, sich neigen, schräg hängen.

pendhéu , nm Definizione logu chi no est in paris, chi faet andhandho e abbasciandho a una bandha Sinonimi e contrari abbasciada, betada, caladògia, falada, ghetada, pendenti | ctr. paris / alciada, pigadorza Frasi innoghe su terrinu est in pendheu, in cue si bi agatat carchi paris ◊ che sunt falados in su pendheu de su montigru Etimo srd. Traduzioni Francese pente Inglese slant Spagnolo pendiente Italiano pendìo Tedesco Abhang.

pendhibèndhi pendhebèndhe

péndhida , nf Definizione su pèndhere, mescamente nau in su sensu de ispendhentare (nau de cosa, arresurtare prus bàscia a sa parte chi pesat de prus), de fàere partzialidades (sa p. de unu giúdice po una de is duas partes, de unu babbu po caleunu de is fígios, o àteru).

pendhiligiòne pendharitzòne

pendhilipéndhili , avb: pendhulapéndhula, pendhulipéndhuli, pendilipéndili Definizione chi est pendhendho Sinonimi e contrari pendhebendhe / ttrs. pendurabéndura Frasi bi at fentanas iscancaradas pendhilipéndhili in sas fatzadas ◊ sas berbeghes zughent su ladhajone pendhulapéndhula in sa coa ◊ pendilipéndili de sa bòvida si bint is cannitzus cun casu friscu postu a asciutai Etimo srd. Traduzioni Francese pendant Inglese dangling Spagnolo colgando Italiano penzolóni Tedesco baumelnd, herabhängend.

pendhilizòne pendharitzòne

pendhína , nf Definizione sa prendha chi is féminas si apicant a origas Sinonimi e contrari arra, arracada, loritzina, nabras, pendhulica / cdh. pindina Frasi pro cumpàrrere in su ballu sunt bàrrias de arracadas e de pendhinas, totu robba valorada Terminologia scientifica prd Etimo srd.

péndhinu , nm, agt: péndinu Definizione logu chi no est in paris, chi faet andhandho e abbasciandho a una parte / èssere in p. = menguante, menguadho, andhandho male Sinonimi e contrari falada, pendéntili, pendheu | ctr. alciada, ampuada, picada, pigadorza Frasi sa costera àrtziat unu bell'arrogu cun d-unu péndinu longu e addasiau 2. aiat unu grabbu de faedhare chi faghiat pensare a sa zente nóbbile, ma unu pagu coment'e in derruta, in péndhinu (P.Fogarizzu) Terminologia scientifica slg Etimo srd. Traduzioni Francese pente, déclive Inglese declivity Spagnolo declive, pendiente Italiano declìvio, declive Tedesco Abhang, sanft abfallend.

pendhiríghe , nm Definizione lorighita, genia de filighedhu chi faent unas cantu linnas (es. bide) e imbodhigant a inghíriu de ccn. cosa po si agguantare Sinonimi e contrari intzígliu, sintzillu 1, tramarighe, úrtzula 1 Terminologia scientifica rbr Etimo srd.

péndhiu , pps, agt Definizione de pèndhere; chi est acancarronau, coment'e pendhendho.

pendhizòne , nm Definizione arracada, lorinchinu, fintzes is nàiris de is animales Etimo srd.

pendholiàre, pendholigàre , vrb: pendhulare, pendhulari, pendhuliare, pendulai Definizione istare o portare pendhendho Sinonimi e contrari pendhentinare, pèndhere, pendhulicare Frasi cun cussu bentu sos filos de sa luche fruschiabant pendholiandhe in sos contones de su palatu ◊ bi at unu lorozu pendhulendhe in su muru ◊ sa ua est pendhulendhe a budrones ◊ no li lassat filu pendholighendhe ◊ ses a ogos trotos pro duas titas pendhulendhe che fodhes de bértula!…◊ zuchiat sas labras pendhuliandhe Etimo ltn. *pendulare Traduzioni Francese pendiller Inglese to hang Spagnolo pender, colgar Italiano penzolare Tedesco herunterhängen, baumeln.

pendhòne , nm: pendoni 1 Definizione apicone de àghina o de àteras frutas unias impare in su matessi cambu o tenaghe Sinonimi e contrari apasibi, brutone, transilleri, trúmulu Etimo srd. Traduzioni Francese moissine Inglese pendant Spagnolo racimo Italiano pènzolo di frutta Tedesco Traube.

pendhúcu , nm Definizione orrugu de cosa pendhendho (in cobertantza fintzes sa natura de s'ómine) Etimo srd.

péndhula , nf: péndula, péndura Definizione arrellórgiu chi si apicat a su muru cun su pesu pendhebendhe chi si movet sèmpere a su matessi passu de una bandha a s'àtera faendho unu movimentu a pendhuliu parívile de longària e tempus (movimentu periódicu)/ p. a scaparatu = péndhula chi si ponet subra de unu móbbile Frasi sa péndhula at sonadu mesanote ◊ su coru dhi faiat tic tac, coment'e una péndula candu currit sentz'e contu ◊ su bentu iscianchitat un'ocalitu coment'e una péndula Etimo itl. pendola Traduzioni Francese pendule Inglese pendulum-clock Spagnolo péndulo Italiano orològio a pèndolo Tedesco Pendeluhr.

péndhula 1 , nf: pénnula, píndula Definizione meighina a bisura de caramelledha, prus che àteru tundha, de ingurtire intrea o iscagiada in s'abba Sinonimi e contrari ttrs. píndura Frasi apo ranzas de sale de dogni pesu e píndhulas de dare a bentre atata ◊ su dotori mi at donau píndulas po dormiri Etimo ctl. píndola Traduzioni Francese pastille, pilule Inglese pill Spagnolo píldora, pastilla Italiano pastìglia, pìllola Tedesco Tablette, Pille.

pendhulapéndhula pendhilipéndhili

pendhulàre, pendhulàri pendholiàre