Ditzionàriu in línia
de sa limba e de sa cultura sarda

pendhéntzia , nf: pennéncia Definitzione su pèndhere, su èssere prus bàsciu a una parte Sinònimos e contràrios ratesa Ètimu itl. Tradutziones Frantzesu pente Ingresu incline Ispagnolu inclinación Italianu pendènza Tedescu Neigung.

pèndhere , vrb: pèndiri, pènnere Definitzione èssere o abbarrare apicau a caleuna cosa; èssere coment'e posidura prus bàsciu a una parte (nau de cosa chi iat a pòdere istare in paris) o coment'e incrubau a una parte (nau de cosa istrantagiada, prantada); andhare de pitzu a logu prus in bàsciu (e fintzes iscúdere, calare unu cropu)/ p. a oricras = pecare a origras, èssiri unu pagu surdu Sinònimos e contràrios pendhentinare, pendholiare / abasciai, achirrare, cabai, falare Frases tubbos grussos e fines penniant dae sa bòveta 3. sont pénnitos a giosso e fartziatos a supra ◊ at pénnitu un'istuturrata a su fitzu ◊ de Núoro semus péndhios a Ulíana ◊ sos cumpantzos fint pénnitos a domo sua ◊ semus ghiranne, pennenne a bidha Ètimu ltn. pendere Tradutziones Frantzesu pencher Ingresu to hang Ispagnolu pender, colgar Italianu pèndere Tedescu hängen, sich neigen, schräg hängen.

pendhéu , nm Definitzione logu chi no est in paris, chi faet andhandho e abbasciandho a una bandha Sinònimos e contràrios abbasciada, betada, caladògia, falada, ghetada, pendenti | ctr. paris / alciada, pigadorza Frases innoghe su terrinu est in pendheu, in cue si bi agatat carchi paris ◊ che sunt falados in su pendheu de su montigru Ètimu srd. Tradutziones Frantzesu pente Ingresu slant Ispagnolu pendiente Italianu pendìo Tedescu Abhang.

pendhibèndhi pendhebèndhe

péndhida , nf Definitzione su pèndhere, mescamente nau in su sensu de ispendhentare (nau de cosa, arresurtare prus bàscia a sa parte chi pesat de prus), de fàere partzialidades (sa p. de unu giúdice po una de is duas partes, de unu babbu po caleunu de is fígios, o àteru).

pendhiligiòne pendharitzòne

pendhilipéndhili , avb: pendhulapéndhula, pendhulipéndhuli, pendilipéndili Definitzione chi est pendhendho Sinònimos e contràrios pendhebendhe / ttrs. pendurabéndura Frases bi at fentanas iscancaradas pendhilipéndhili in sas fatzadas ◊ sas berbeghes zughent su ladhajone pendhulapéndhula in sa coa ◊ pendilipéndili de sa bòvida si bint is cannitzus cun casu friscu postu a asciutai Ètimu srd. Tradutziones Frantzesu pendant Ingresu dangling Ispagnolu colgando Italianu penzolóni Tedescu baumelnd, herabhängend.

pendhilizòne pendharitzòne

pendhína , nf Definitzione sa prendha chi is féminas si apicant a origas Sinònimos e contràrios arra, arracada, loritzina, nabras, pendhulica / cdh. pindina Frases pro cumpàrrere in su ballu sunt bàrrias de arracadas e de pendhinas, totu robba valorada Terminologia iscientìfica prd Ètimu srd.

péndhinu , nm, agt: péndinu Definitzione logu chi no est in paris, chi faet andhandho e abbasciandho a una parte / èssere in p. = menguante, menguadho, andhandho male Sinònimos e contràrios falada, pendéntili, pendheu | ctr. alciada, ampuada, picada, pigadorza Frases sa costera àrtziat unu bell'arrogu cun d-unu péndinu longu e addasiau 2. aiat unu grabbu de faedhare chi faghiat pensare a sa zente nóbbile, ma unu pagu coment'e in derruta, in péndhinu (P.Fogarizzu) Terminologia iscientìfica slg Ètimu srd. Tradutziones Frantzesu pente, déclive Ingresu declivity Ispagnolu declive, pendiente Italianu declìvio, declive Tedescu Abhang, sanft abfallend.

pendhiríghe , nm Definitzione lorighita, genia de filighedhu chi faent unas cantu linnas (es. bide) e imbodhigant a inghíriu de ccn. cosa po si agguantare Sinònimos e contràrios intzígliu, sintzillu 1, tramarighe, úrtzula 1 Terminologia iscientìfica rbr Ètimu srd.

péndhiu , pps, agt Definitzione de pèndhere; chi est acancarronau, coment'e pendhendho.

pendhizòne , nm Definitzione arracada, lorinchinu, fintzes is nàiris de is animales Ètimu srd.

pendholiàre, pendholigàre , vrb: pendhulare, pendhulari, pendhuliare, pendulai Definitzione istare o portare pendhendho Sinònimos e contràrios pendhentinare, pèndhere, pendhulicare Frases cun cussu bentu sos filos de sa luche fruschiabant pendholiandhe in sos contones de su palatu ◊ bi at unu lorozu pendhulendhe in su muru ◊ sa ua est pendhulendhe a budrones ◊ no li lassat filu pendholighendhe ◊ ses a ogos trotos pro duas titas pendhulendhe che fodhes de bértula!…◊ zuchiat sas labras pendhuliandhe Ètimu ltn. *pendulare Tradutziones Frantzesu pendiller Ingresu to hang Ispagnolu pender, colgar Italianu penzolare Tedescu herunterhängen, baumeln.

pendhòne , nm: pendoni 1 Definitzione apicone de àghina o de àteras frutas unias impare in su matessi cambu o tenaghe Sinònimos e contràrios apasibi, brutone, transilleri, trúmulu Ètimu srd. Tradutziones Frantzesu moissine Ingresu pendant Ispagnolu racimo Italianu pènzolo di frutta Tedescu Traube.

pendhúcu , nm Definitzione orrugu de cosa pendhendho (in cobertantza fintzes sa natura de s'ómine) Ètimu srd.

péndhula , nf: péndula, péndura Definitzione arrellórgiu chi si apicat a su muru cun su pesu pendhebendhe chi si movet sèmpere a su matessi passu de una bandha a s'àtera faendho unu movimentu a pendhuliu parívile de longària e tempus (movimentu periódicu)/ p. a scaparatu = péndhula chi si ponet subra de unu móbbile Frases sa péndhula at sonadu mesanote ◊ su coru dhi faiat tic tac, coment'e una péndula candu currit sentz'e contu ◊ su bentu iscianchitat un'ocalitu coment'e una péndula Ètimu itl. pendola Tradutziones Frantzesu pendule Ingresu pendulum-clock Ispagnolu péndulo Italianu orològio a pèndolo Tedescu Pendeluhr.

péndhula 1 , nf: pénnula, píndula Definitzione meighina a bisura de caramelledha, prus che àteru tundha, de ingurtire intrea o iscagiada in s'abba Sinònimos e contràrios ttrs. píndura Frases apo ranzas de sale de dogni pesu e píndhulas de dare a bentre atata ◊ su dotori mi at donau píndulas po dormiri Ètimu ctl. píndola Tradutziones Frantzesu pastille, pilule Ingresu pill Ispagnolu píldora, pastilla Italianu pastìglia, pìllola Tedescu Tablette, Pille.

pendhulapéndhula pendhilipéndhili

pendhulàre, pendhulàri pendholiàre