A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

scolembràu , agt Definizione chi est postu pendhendho prus a un'ala Sinonimi e contrari achibboe, calembru, imboe, parangau, scolembru Etimo srd.

scolémbru , agt: isculembru Definizione chi est crocandhosi o pendhendho a un'ala, coment'e atrotigau, trotu, fatu a lacu, abboe; in cobertantza, unu chi andhat a trotu, travessu, chi no iscurtat s'arrexone, tostorrudu Sinonimi e contrari achibboe, achifilu, acorrimboe, calembru*, imboe, ochirioe, parangau 2. ma est scolembra, lah, cussa picioca!

scoliài , vrb: iscollai*, scollai, scolliai Definizione segare sa mola de su tzugu, orrúere male de s'istropiare, àere iscólliu, andhare o fàere andhare male, fàere sacrifícios po calecuna cosa, immarrire meda Frasi ita mata iscuminigara: si scoliaus acuendidha e no dhui at un'aràngiu! ◊ una borta sa tentatzioni boliat fai unu viàgiu po scolliai unu bastimentu 2. seu totu scolliada, totu cust'ora in màchina!

scóliu , nm Definizione conca de prentza, genia de aina po filetare tubbos Sinonimi e contrari filera 1 Terminologia scientifica ans Etimo itl.p sköj Traduzioni Francese filière, vis mère Inglese female screw Spagnolo macho de roscar Italiano madrevite Tedesco Gewindeschneideisen.

scollài scoliài

scollaméntu , nm Definizione su s'iscolliare, andhare male, su che passare in is iscóllios Sinonimi e contrari imbrúnchinu, sciacu, scógliu, trambucada Etimo srd. Traduzioni Francese débâcle Inglese collapse Spagnolo derrumbamiento Italiano tracòllo Tedesco Zusammenbruch.

scollatínu , nm: iscolletinu* Sinonimi e contrari bastàsciu, ilgarrighinu.

scolletài , vrb: iscolletare* Definizione portare cosa de logu malu a ue faet a ndhe carrigare meda; fintzes segare de su colletu (es. sa fògia de sa beda) Sinonimi e contrari iscodhetonare 2. mamma andàt a scolletai beda a fraci innantis de dha portai a su tzucurifíciu.

scolliài scoliài

scollíri, scòlliri , vrb: isculli, sculliri Definizione assaborire calecuna cosa, àere calecunu indítziu, su ndhe ischire o leare oru, bíere, fintzes sodigare o agatare a unu faendho dannu, in farta Sinonimi e contrari assabèschere, assebeltare, bodhiri, cumprèndhere, iscobèrrere / segudare, sejare Frasi dhu pregontànt po dhi podi scolliri calincunu fuedhu mali nau ◊ iant mandau unus cantus bugonis po dhu scolliri s'isbàgliu chi fiat chistionendu ◊ dh'iant betiu una fémina cojada, scollia cun d-un'atru ◊ chini truessat in su mali torrat ódia a sa luxi e no si ponit in sa luxi poita no siant scollias is òperas suas (Ev.)◊ apu sculliu aundi est chi fait s'ou sa pudha nosta ◊ apu sculliu is afatallus tuus! Etimo srd. Traduzioni Francese surprendre, découvrir Inglese to catch, to discover Spagnolo sorprender, descubrir Italiano sorprèndere, scoprire Tedesco überraschen, entdecken.

scólliu, scóllu scógliu

scolovetài , vrb Definizione torrare a contare o iscoviare in giru su chi s'ischit Sinonimi e contrari irmendhare, iscassetare, iscobiare, lendhare, sbrufulai, scordulai.

scólu , nm: iscolu* Definizione logu inue essit calecunu lícuidu, su chi essit etotu Sinonimi e contrari cola 1, cundhutu.

scòma , nf, nm: iscomu*, scomu Definizione is puntas, sa parte prus fine de matas e tupas, prus che àteru candho ndhe dhas ant segadas / linna de s. = chimuzia, ischimadura; tocai de scomu (a ccn.)= iscúdere Sinonimi e contrari ischimadura, ischimuza, scódumu, sida Frasi a is puntas prus finis de una mata nosu dhi naraus "su scomu" ◊ sa zeminera est alluta cun pagu scomu 2. chi no ti torrit a cuntessi de ponni peis in domu: si no, ti tocu de scomu e ti dh'apu a fai pagai! Terminologia scientifica rbr Traduzioni Francese feuillage Inglese fronds Spagnolo frondas, frasca Italiano frónde, frasca, frascame Tedesco Blätter.

scomàda , nf Definizione cropu de pértiga de scomu Sinonimi e contrari irruncada, ischisinada Frasi óminis ainnantis a scomadas e a tzérrius si acostant, istudant su fogu e fuint Etimo srd.

scomadúra , nf Definizione su scomai; sa scoma Sinonimi e contrari ischimadura 2. sa scomadura dha papat su bestiàmini Etimo srd.

scomài , vrb: irgomare* Definizione ischimare, segare is chimas, is puntas, sa parte prus fine de is matas, de is naes; in cobertantza, iscúdere Sinonimi e contrari iscarvare, ischimare, ischimizonare, isfrongiare Frasi ant scomau sa mata fintzas a su truncu.

scomíniga , nf: iscomínica*, scumíniga, scumúniga Definizione su che bogare a unu de sa comunidade cristiana; si narat fintzes in su sensu de isfortuna, sorte mala, dannu Sinonimi e contrari disagura, maladissione, matenna Frasi a s'arretori ndi dh'iant furau su bestiàmini e po cussu iat betau sa scomúniga a is ladronis ◊ bai a su predi po ti ndi pesai sa scomíniga! 2. naramí tui chi no funt trebesandisinci is dimónius in mesu: una scomíniga in totu! ◊ baidindi de domu chi ses una scumíniga!

scómodu scódomu

scomputài , vrb Definizione bogare unu tanti de unu contu, de una suma Sinonimi e contrari chitire, iscontai, istòdhere | ctr. annànghere Traduzioni Francese décompter Inglese to subtract Spagnolo descontar Italiano scontare, detrarre Tedesco abziehen.